Maarko 6:3 - ꞌBuuk cĩ Thõõth cĩ Nyekuci

³ Hõllõngaa nooyyia ĩĩn nẽẽ ngeertĩ toddoyyioohit Yothebo nẽ ĩĩ aattĩnnĩ Maria? ꞌGõtõnĩ ꞌJeemithi hĩ Yothebo hĩ ꞌJuuda hĩ ꞌThimõõnẽ? Hõllõngaa nooyyia harũmĩ naag hĩ ngõõnõgĩ ngaati thõng?” Nẽ baa ittiha nẽẽ ꞌgẽẽnyĩth icci aaĩ hoti ho ĩĩna?

Maarko 6:3 ပူးပေါင်းရင်းမြစ်များ

Maatteeo 11:6

Aggatan Nyekuci eet ꞌcĩ hõllõngaa abũrra nganĩĩt, hĩnĩngĩtĩ thõõth ꞌcĩ hadticani naana.”

Maatteeo 12:46

Ma baa nga õthõõthõõ Yeesu hĩ lothippit, uppwaanna hinnia ꞌgotoonoggia hĩ aattĩnnĩ hiita hĩbĩlĩt battaala, adiim au õthõõthõõ hĩ ĩnõõnnõ.

Maarko 15:40

Nẽ baa aattĩg ngaaĩ ũgẽẽgĩ ꞌcĩg ẽbẽha Yeesu ꞌrẽẽna. Hõrggẽẽnaa cĩnĩĩng, baa aattĩg Maria Madalẽẽna hĩ Maria aattĩ ꞌJeemith baa hidici hĩ ꞌJothẽth hĩ Thaloome nĩngaata.

Maarko 3:18

Andrea, Pilippo, Bartolomeeo, Maatteeo, Tomaaꞌthio, ꞌJeemith ngeertĩ Aliveo, Tadeeo, ꞌThimõõnẽ baa gõõng ĩĩn ꞌThilot,

ꞌLuuka 2:34

Nĩngĩtĩ aggatanĩ ꞌThimiõõnẽ ĩhõõggõ nẽ ĩĩnnĩk ꞌcĩ ĩĩn Maria aattĩ loholeeco, “Aꞌnyahaak hatĩ loholeec ciee eet ũgĩ bathi nẽ aꞌnyahaak ũgĩ bũnnai Ĩꞌthĩraẽla. Ĩꞌthõõa hatĩ Nyekuci ĩnõõnnõ hĩĩ terethiinit, nẽẽthĩ, mẽẽlĩg hatĩ eeta ꞌcĩg abũrĩ ĩnõõnnõ gẽrrẽẽt,

ꞌLuuka 7:23

Aggatan hatĩ Nyekuci eet ꞌcĩ ẽlẽmma nganĩĩt, hĩnĩngĩtĩ thooꞌthiok ꞌcĩg hadticani naa ho.”

ꞌLuuka 8:20

Nĩngĩtĩ aduhaakĩ eet umwa Yeesu annẽẽkĩ, “Aaĩ nganiit morwahit hĩ ꞌgotoonogu battaala, adiim acĩnni nganiita.”

Yõaannẽ 14:22

Baa aaĩ nuyyioohiti umwaa ꞌcĩ haĩ ꞌJuuda nẽ hõllõngaa ĩĩn ꞌJuuda Ithkarioote. Nĩngĩtĩ ajini nẽẽ Yeesu annẽẽkĩ, “Makayyioohit, inni nii teretheeheet ngagĩĩt ẽlẽ cunni nẽ hõllõngaa eterꞌtheehi eet cĩg looc nicci buúk ko?”

Yõaannẽ 6:42

Nĩngĩtĩ aĩnnĩ nẽẽg, “Hõllõngaa nooyyia Yeesu ngeertĩ Yothebo cieeni, ꞌcĩ haga naag maaꞌnyĩ hĩ aattĩnnĩ? Inni gõõng hĩĩ nẽẽ, ‘Hakuu hẽẽtahujjieen ko’?”

Dtiicanĩ cĩg ꞌThooyyiahu 1:13

Ma baa õdõlanit nẽẽg ꞌtaaũn, õõt otodit ꞌcieetha lokora ngaatĩ baa aattiyyi. ꞌThooyyiak ꞌcĩg baag aattĩg nĩngaata ho cieegi: Pẽẽtũrũ, Yõaannẽ, ꞌJeemith hĩ Andrea, Pilippo hĩ Tomaaꞌthio, Bartolomeeo hĩ Maatteeo, ꞌJeemith ngeertĩ Aliveo, ꞌThimõõnẽ ꞌThilot, ꞌJuuda ngeertĩ ꞌJeemithi.

Dtiicanĩ cĩg ꞌThooyyiahu 12:17

Ma ho, othoothĩk Pẽẽtũrũ eet athĩnĩ hĩjjaaktõ nẽ ẽddẽẽbak ĩhõõggõ ꞌgõõl ꞌcĩ õõganĩ Makayyioohiti ĩnõõnnõ baabuutha ho. Nẽ tarĩ ĩĩnnĩk Pẽẽtũrũ ĩhõõggõ, “Uduktaak ꞌJeemith hĩ nuyyiook ũgĩ vẽlẽk thõõth icci.” Nĩngĩtĩ õkõõĩ nẽẽ ĩĩmwaanĩ.

1 Korinthia 1:23

nẽẽthĩ, hallimaneeka naag eet thõõth ꞌcĩ odooddini Krĩstõ hurucceea. Õkõmĩ hĩ eet cĩg ꞌJudeei thõõth cieeni nẽ ummuhit eeta ꞌcĩg mẽẽlĩg ꞌcĩg hõllõngaa ĩĩn ꞌJudeei ĩĩtõ, ĩĩn thõõth ciee ꞌgiithẽnĩt.

1 Korinthia 9:4

Ĩcca occa hõllõngaa haꞌnyak naag makaaꞌthĩt ꞌcĩ hũdẽẽttõ hĩ cĩ duhẽẽttõ?

ꞌGalaaꞌthia 1:19

Baa aitiõõ hõllõngaa homotoonna hĩ ꞌthooyyiak baag ũgĩ, ꞌJeemith dioo ꞌgõtõõnõgĩ Makayyioohit cĩnaac Yeesu, ꞌcĩ baa homotoonna.

1 Pẽẽtũrũ 2:4

Iita hĩ Yeesu Krĩstõ. Ĩĩn nẽẽ Makayyioohit ꞌcĩ aaĩ hĩ bẽẽ ꞌcĩ arũgĩ, ꞌcĩ baa abũrĩ eeta baag ẽbẽra Nyekuci nẽ aaddi hĩ ĩnõõnnõ gẽrrẽẽt.

ꞌJuud 1:1

Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni. Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.