Maarko 6:20 - ꞌBuuk cĩ Thõõth cĩ Nyekuci

²⁰ Baa iꞌngolli Ẽrõõdẽ Yõaannẽ nẽ ẽẽla ĩnõõnnõ, hĩnĩngĩtĩ baa aga aĩ ĩĩn nẽẽ eet ꞌcĩ abũnnaa ꞌcĩ ẽllẽẽmĩthĩ. Nẽ tarĩ, baa ahayũnganni Ẽrõõdẽ gẽrrẽẽt, baa athĩhĩ nyeemuut cĩ Yõaannẽ, tananga accamana ngaatĩ athĩknĩ thõõth cĩnnĩ gẽrrẽẽt.

Maarko 6:20 ပူးပေါင်းရင်းမြစ်များ

Luugithõõ 11:3

Nĩngĩtĩ aku aaꞌnyĩkĩ Makayyioohiti eet cĩg Ijjibi hĩĩtõ õõrĩg ꞌthĩnneeti hĩ eet cĩg Ĩꞌthĩraẽlĩ nẽ baa iꞌngolli makayyiooha cĩg habu cĩ Ijjibi, hĩ eet vẽlẽk Mũũꞌtha gẽrrẽẽt.

Maatteeo 14:5

Baa adiim aruk Ẽrõõdẽ Yõaannẽ nẽ baa itieelli nẽẽ lothippit cĩ eetu, hĩnĩngĩtĩ baa aĩ nẽẽg, ĩĩn Yõaannẽ põrõvẽtaac.

Maatteeo 21:26

“Nẽ ma hanneek, ‘Aku hĩ eeta,’ hiteelli naag eeta, hĩnĩngĩtĩ ammuk nẽẽg vẽlẽk aĩ, ĩĩn Yõaannẽ põrõvẽtaac.”

Maarko 11:18

Ma baa athĩhĩ makayyiooha cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha thõõth icci ho, iita atarrabanit ꞌgõõl ꞌcĩ adiim aruhi Yeesu. Nẽ baa itieelli nẽẽg ĩnõõnnõ, hĩnĩngĩtĩ baa mẽẽlĩg eeta ꞌcĩg abulan ꞌlimmanĩ cĩnnĩ ho gẽrrẽẽt.

Maarko 4:16

Hinyomona ꞌcĩg athacoothĩk ngaatĩ ĩĩn ꞌthẽhẽk ko, ĩthakꞌthoothĩk eet ꞌcĩg athĩhĩ thõõth cĩ Nyekuci hĩdĩĩkoothong nẽ elemit thõõth taliitta.

Yõaannẽ 5:35

Baa ĩĩn Yõaannẽ ꞌloomo ꞌcĩ aaꞌnyuung lanyit nẽ iita eberriaau niig ngaatĩ accamanoothiku hĩdĩhĩdĩĩc, hĩnĩngĩtĩ lanyit cĩnnĩ ho.

Dtiicanĩ cĩg ꞌThooyyiahu 2:12

Baa atalmaanyan eet vẽlẽk thõõth ciee hidhirriaangtĩ hijitto ẽmmẽn hĩĩtõ, “Aĩ occa thõõth nicciee ne?”

Dtiicanĩ cĩg ꞌThooyyiahu 5:24

Ma baa athĩhĩ makayyioohiti cĩ athegereeꞌnya ꞌcĩg ẽbẽk ꞌCieeth cĩ Nyekuci hĩ makayyiook cĩg paadĩrꞌnyaannu thõõth icci ho, idhirriaangtĩ hanyaman thõõth ꞌcĩ occa õthõõthĩ.