Maarko 6:2 - ꞌBuuk cĩ Thõõth cĩ Nyekuci

² Ma Kõr cĩ ꞌYiommaanõ, iꞌthianaaĩ nẽẽ ũũk illiman eet ꞌCieethaa cĩ Laiitto. Baa abulan thõõth ꞌcĩ alliman nẽẽ ho eet ꞌcĩg mẽẽlĩg gẽrrẽẽt, baa ĩthĩhĩt ĩnõõnnõ. Nẽ othoothito ẽmmẽn ĩĩtõ, “Ammũda baa ẽẽtĩ ciee ꞌgẽẽnyĩth icci vẽlẽk ĩĩna? ꞌGẽẽnyĩth baa ꞌcĩ aaĩ hutuno ꞌcĩ aaꞌnyĩhoothĩk ĩnõõnnõ ho? Nẽ adtican nẽẽ thooꞌthiok ꞌcĩg ĩnaat eeta ho hutuno?

Maarko 6:2 ပူးပေါင်းရင်းမြစ်များ

Maatteeo 4:23

Baa õvvõõĩ Yeesu looc cĩ ꞌGalileea vẽlẽk alliman eet ꞌCieethinii cĩg Laiittak nẽ irrioon nyeemuut ꞌcĩ abũnnaa cĩ habuccieet cĩ Nyekuci nẽ tarĩ aaꞌnyĩk eet ꞌcĩg õmmõõrĩ mooriꞌthiook cũũmõ cũũmõ hũbũttaathõ.

Maatteeo 7:28

Ma baa ẽdẽcaak Yeesu ngaatĩ aduhaanĩ thooꞌthiok iccig, ikia ubulan lothippit ꞌlimmanĩ cĩnnĩ ho gẽrrẽẽt,

Maarko 1:39

Nĩngĩtĩ õvvõõĩ nẽẽ looc cĩ ꞌGalileea vẽlẽk, irrioonĩk eet ꞌCieethini cĩg Laiittak nẽ itiggia loriẽẽt ꞌcĩg abathĩ eleetinii cĩg eetuk.

Maarko 10:1

Baa ikia ũtũngeek Yeesu looc cĩ Kapernaumĩ nẽ ũũk ĩĩcĩ looc cĩ ꞌJudeea nẽ ũũk abaahĩ lĩĩl cĩ hidioo cĩ ꞌJõrdanĩ. Baa aalla aluttiaak lothippiti cobbi gẽrrẽẽt ĩnõõnnõ tarĩ, nĩngĩtĩ allimanĩ ĩhõõggõ hĩ gõõng hõdõõkõthĩ.

ꞌLuuka 2:47

Nẽ baa abulan ꞌgẽẽnyĩthĩ cĩnnĩ hĩ ꞌgõõl ꞌcĩ attacanĩ nẽẽ thooꞌthiok cĩg eet vẽlẽk ꞌcĩg athĩhĩ ĩnõõnnõ ho gẽrrẽẽt.

ꞌLuuka 4:15

Ma nĩngaata, ũũk illiman nẽẽ eet ꞌCieethini cĩg Laiittak nẽ ĩdĩhĩthĩt eeta vẽlẽk ĩnõõnnõ.

Yõaannẽ 6:42

Nĩngĩtĩ aĩnnĩ nẽẽg, “Hõllõngaa nooyyia Yeesu ngeertĩ Yothebo cieeni, ꞌcĩ haga naag maaꞌnyĩ hĩ aattĩnnĩ? Inni gõõng hĩĩ nẽẽ, ‘Hakuu hẽẽtahujjieen ko’?”

Yõaannẽ 7:15

Baa abulan makayyiook cĩg ꞌJudeei ꞌlimmanĩ cĩnnĩ ho nẽ ijitto ĩĩtõ, “Aga baa ẽẽtĩ ciee thõõth gẽrrẽẽt nga hillimanĩ buúk ko hutuno?”