Maarko 6:15 - ꞌBuuk cĩ Thõõth cĩ Nyekuci

¹⁵ Baa hinnia ammuk eeta ũgẽẽgĩ aĩ, “Ĩĩn Yeesu Eliijja.” Nẽ tarĩ ummuhit ũgẽẽgĩ ĩĩtõ, “Ĩĩn nẽẽ põrõvẽtaac ꞌcĩ aaĩ hĩ põrõvẽtaaꞌnya baag baarkit.”

Maarko 6:15 ပူးပေါင်းရင်းမြစ်များ

Maatteeo 16:14

Ẽdẽcĩ nuyyiooha cĩgĩnnĩg anneek, “Aĩ eeta ũgẽẽgĩ ĩĩnĩ nii Yõaannẽ Batitta nẽ ĩĩtõ ũgẽẽgĩ, ĩĩnĩ nii Eliijja nẽ ũgẽẽgĩ tarĩ, aĩ ĩĩnĩ nii ꞌJeremia, hode põrõvẽtaac umwa.”

Maatteeo 21:11

Ẽdẽcĩ lothippiti aĩ, “Yeesu põrõvẽtaac ꞌcĩ aku Naaꞌtharẽta looccaa cĩ ꞌGalileea.”

Maarko 6:16

Ma baa athĩhĩ habuui Ẽrõõdẽ thõõth icci ho, ikia õthõõth ĩĩ, “Yõaannẽ Batitta ꞌthẽk ꞌcĩ arũgna ho, eet baa hẽttẽẽda naa õõ!”

Maarko 8:28

Ẽdẽcĩ nẽẽg aĩ, “Aĩ eeta, ĩĩnĩ nii Yõaannẽ Batitta, aĩ ũgẽẽgĩ, ĩĩnĩ nii Eliijja nẽ tarĩ, ĩĩtõ ũgẽẽgĩ, ĩĩnĩ nii põrõvẽtaac umwa.”

ꞌLuuka 1:17

Uwwattẽẽkĩ hatĩ nẽẽ Makayyioohit loriia hĩ ꞌtirriaana cĩ Eliijja. Uwwattaa hatĩ nẽẽ hikia haaꞌnyĩk eet hũkũmattoothĩk, nga hikia Makayyioohiti. Aku hatĩ aaꞌnyĩk nẽẽ lõhõlĩ harraaccio hĩ maajihi, hátĩ haauto lõꞌngõõc nẽ irrioonĩk eet ꞌcĩg hõllõngaa athĩknĩ, hĩthĩhĩt ꞌgẽẽnyĩth cĩ eet ꞌcĩg abũnnaa.”

ꞌLuuka 7:16

Ma nĩngaata, ubulan thõõth ciee eet vẽlẽk ꞌcĩg aattĩg nĩngaata, nĩngĩtĩ au adĩkꞌthĩ Nyekuc gẽrrẽẽt aĩnnĩ, “Uppwaannaheet aattĩ põrõvẽtaacĩ cobbi gẽrrẽẽt. Ikia ẽla Nyekuci eet cĩgĩnnĩg.”

ꞌLuuka 7:39

Ma baa acĩn Variꞌtheeniti baa avvĩ Yeesu thõõth icci ho, ummuk ꞌthĩnĩtatõõ ĩĩ, “ꞌYioko hĩĩ ẽẽtĩ ciee põrõvẽtaac dĩdĩ, occa ꞌyioko aga ngaatĩ ĩĩnnĩ ngaa ꞌcĩ ahum ĩnõõnnõ ho ꞌthẽccannioohit.”

ꞌLuuka 9:19

Ẽdẽcĩ nẽẽg anneek, “Aĩ eeta ũgẽẽgĩ ĩĩnĩ nii Yõaannẽ Batitta, nẽ ĩĩtõ ũgẽẽgĩ ĩĩnĩ nii Eliijja nẽ tarĩ ĩĩtõ ũgẽẽgĩ, iini moho nii põrõvẽtaac umwa cĩ baarkit ꞌcĩ ũrũga thõng.”

ꞌLuuka 9:8

nẽ tarĩ ĩĩtõ ũgẽẽgĩ õbõda Eliijja nẽ ĩĩtõ ũgẽẽgĩ ũrũga põrõvẽtaacĩ umwaa ꞌcĩ baa baarkit.

Yõaannẽ 1:21

Nẽ ijinit tarĩ paadĩrꞌnya hĩ eet cĩg hattũũg cĩ ꞌLeevi ĩnõõnnõ ĩĩttĩk, “Eet iina thĩ nii, Eliijja?” Ẽdẽcĩ nẽẽ ĩhõõggõ anneek, “Aitiõõ naa hõllõngaa hĩĩnĩ Eliijja.” Nĩngĩtĩ ajini nẽẽg Yõaannẽ tarĩ annẽẽkĩ, “Ĩĩnĩ thĩ nii põrõvẽtaac?” Ẽdẽcĩ nẽẽ aĩ, “Aitiõõ tõõ.”

Yõaannẽ 1:25

nẽ õõt ijinit ĩnõõnnõ ĩĩttĩk, “Aggameehi nii eet baattithimo inni, hatĩ hõllõngaa ĩĩnĩ nii Krĩstõ hode Eliijja hode põrõvẽtaac?”

Yõaannẽ 6:14

Ma baa ĩcĩnĩt eeta Yeesu ngaatĩ adĩmanĩ thõõth icci ĩnaat eeta ho, iita othoothito nẽẽg ĩĩtõ, “Dĩdĩ ĩko ĩĩn ẽẽtĩ ciee põrõvẽtaac ꞌcĩ hatĩ aku loota nĩnga!”

Yõaannẽ 7:40

Ma baa athĩhĩ lothippiti Yeesu ngaatĩ õthõõthĩ hoti ho, iita othoothito ũgẽẽgĩ ĩĩtõ, “Ĩĩn ẽẽtĩ ciee põrõvẽtaac.”

Yõaannẽ 9:17

Ma ho, utuhuyyioothĩk nẽẽg rubenniaahit tarĩ nẽ ĩĩttĩk, “Aini ꞌyioko nii thõõth cĩ eet tĩho ne? Baa hẽbẽrĩ cugunnig ꞌcĩg aaꞌnyĩk nẽẽ hũbũttaathõ ho.” Ẽdẽcĩ ẽẽtĩ nicciee anneek, “Ĩĩn nẽẽ põrõvẽtaac.”