Maarko 5:7 - ꞌBuuk cĩ Thõõth cĩ Nyekuci

⁷ nẽ okoleek ulwa ĩĩ, “Yeesu Ngeertĩ Nyekuc ꞌcĩ aaĩ hẽẽtahujjieen, atabi nii hĩ nganĩĩt neegi? Halayyi ꞌthĩnĩta ꞌthaarĩĩ cĩg Nyekuc ꞌcĩ ĩllõõan vẽlẽk, ma huukaanĩ!”

Maarko 5:7 ပူးပေါင်းရင်းမြစ်များ

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

Maatteeo 16:16

Ẽdẽcĩ ꞌThimõõnẽ Pẽẽtũrũ ĩnõõnnõ anneek, “Ĩĩnĩ nii Krĩstõ, Ngeertĩ Nyekuc ꞌcĩ arũgĩ.”

Maatteeo 26:63

Baa aalla Yeesu ĩjjaaki kim. Nĩngĩtĩ annẽẽkĩ paadĩrĩ cobbi ho ĩnõõnnõ, “Hajinnii naa nganiit ꞌthaarĩĩ cĩg Makayyioohit Nyekuc ꞌcĩ aalla arũgĩ ũdũt hanneekii, duhaaheet da hatĩ ĩĩnĩ nii Krĩstõ Ngeertĩ Nyekuci dĩdĩ.”

Maatteeo 4:3

Nĩngĩtĩ aku attĩmanĩ ꞌThĩttaanĩ ĩnõõnnõ annẽẽkĩ, “Má ĩĩnĩ nii Ngeertĩ Nyekuci dĩdĩ, duhaak biyyiẽẽn iccig hutuhuyyi hĩĩtõ ũbũnẽẽta.”

Maatteeo 8:29

Ma ho, eggerenyit ĩĩtõ, “Adiimi nii hĩ ngagĩĩt neegi Ngeertĩ Nyekuci? Ikia nii uukeet ngagĩĩt nga hũttũbanoothĩk kõrra baa eberriaa ꞌcĩ hatĩ ukẽẽttõ?”

Maarko 1:24

“Adiimi nii hĩ ngagĩĩt neegi Yeesu cĩ Naaꞌtharẽtĩ? Akuu nii, hátĩ ijjia ꞌruheet ngagĩĩta? Hagayyi naag nganiit ĩĩnĩ Eet ꞌcĩ Ẽllẽẽmĩth cĩ Nyekuci!”

Maarko 14:61

Baa hõllõngaa ẽdẽcĩ Yeesu thõõth icci ũdũt. Õbõdẽẽkĩ paadĩrĩ cobbi ajin ĩnõõnnõ tarĩ anneek, “Ĩĩnĩ nii Krĩstõ Ngeertĩ Eet ꞌcĩ Abuli?”

Maarko 3:11

Ma baa acĩn eeta ꞌcĩg aꞌnyak loriẽẽt ꞌcĩg abathĩ ĩnõõnnõ ho, iita etteedito looc nẽ urruuyyio ĩĩtõ, “Ĩĩnĩ nii Ngeertĩ Nyekuci!”

Maarko 5:6

Ma baa acĩnoothi nẽẽ Yeesu ꞌrẽẽna ho, ukul gẽrrẽẽt nẽ ũũk akat huruꞌnyia muumaa cĩnnĩ,

Maarko 5:8

Õthõõth nẽẽ hoti, hĩnĩngĩtĩ baa uduhaak Yeesu ĩnõõnnõ ĩĩnnĩk, “Duhuna eetaa cĩ battaala, nii lorii ꞌcĩ abathi ho!”

ꞌLuuka 1:32

Aku hatĩ ĩĩn nẽẽ eet cobbi gẽrrẽẽt ꞌcĩ hatĩ haĩ, Ngeertĩ Nyekuc ꞌcĩ ĩllõõan vẽlẽk. Aaꞌnyĩk hatĩ Makayyioohiti Nyekuci ĩnõõnnõ hĩĩ habu, hĩ baa maaꞌnyia Daavide.

ꞌLuuka 4:34

“ꞌWui! Yeesu cĩ Naaꞌtharẽtĩ, ne ꞌcĩ adiimi nii hĩ ngagĩĩt ko? Akuu arukeet nii ngagĩĩt thõng? Hagayyii naa nganiita, ĩĩnĩ nii Eet ꞌcĩ Elleemi cĩ Nyekuci!”

ꞌLuuka 6:35

Nẽẽthĩ, ĩmmĩnanit mĩrõk cugguung nẽ ĩdĩmatteehu thooꞌthiok ꞌcĩg abũnnaa. Nẽ má aaꞌnyiku ĩhõõggõ ꞌgiimwa, ma hadiimmu hoboddiaakuung tarĩ. Ĩnõõ ꞌcĩ hatĩ ammũdaannu ꞌbaaninit ꞌcĩ maka gẽrrẽẽt nẽ iittu lõhõlĩ cĩg Nyekuc ꞌcĩ ĩllõõan vẽlẽk. Hĩnĩngĩtĩ tarbal nẽẽ hĩ eet ꞌcĩg ĩĩn ꞌthẽccanniook hĩ ꞌcĩg hõllõngaa atalĩ ĩnõõnnõ buúk.

ꞌLuuka 8:28

Ma baa adtuuha nẽẽ Yeesu ho, awacak gẽrrẽẽt hẽttẽẽd looc ꞌthõõnĩĩ cĩg Yeesu nẽ ẽggẽrẽny ĩĩ, “Ne ꞌcĩ adiimi nii hĩ nganĩĩt ko Yeesu, Ngeertĩ Nyekuc ꞌcĩ ĩllõõan vẽlẽk? Halayyi baaĩ nuun thõng, ma hadĩmannaa ꞌbuth!”

Yõaannẽ 20:31

Nẽẽthĩ, baa eheeddi thooꞌthioha cieeg, hátĩ elemit niig ngaatĩ ĩĩnnĩ Yeesu Krĩstõ Ngeertĩ Nyekuci. Nẽ má elemtu, aꞌnyaku hatĩ rũgẽt ꞌcĩ aalla ũdũt ꞌthaarĩĩ cĩgĩnnĩg.

Dtiicanĩ cĩg ꞌThooyyiahu 16:17

Baa anũyyeet bũhẽẽcĩ ciee ngagĩĩt hĩ Paaulo nẽ awacak ĩĩ, “Ĩĩn eeta cieeg dticcianniook cĩg Nyekuc ꞌcĩ ĩllõõan vẽlẽk! Aduhaakuung nẽẽg ngagiit ꞌgõõl ꞌcĩ eelliannu ꞌthẽccanẽẽtĩ.”

Dtiicanĩ cĩg ꞌThooyyiahu 19:13

Ma ho, ĩtĩngaacõ eeta cĩg ꞌJudeei ũgẽẽgĩ iꞌthiattaaĩ ngaatĩ iiggiaĩ loriẽẽt ꞌcĩg abathĩ ꞌthaarĩĩ cĩg Makayyioohit Yeesu. Baa anneek nẽẽg loriẽẽt ꞌcĩg abathĩ, “ꞌThaarĩĩ cĩg Makayyioohit Yeesu ꞌcĩ allimaneek Paaulo eet thõõth cĩnnĩ ho, hanneekii duhuna battaala.”

Dtiicanĩ cĩg ꞌThooyyiahu 8:36

Ma baa nga ẽdẽcĩ nẽẽg ꞌgõõla, iita ummuddiaak nĩngĩtĩ õllõõdĩkĩ maama nẽ ĩĩ ꞌgaalacĩ, “Cĩĩn nõõ, maam ũgĩ cieegi. Ĩcca occa hõllõngaa haggami baattithimo?”

ꞌRooma 16:20

Ĩllõõan hatĩ Nyekuci ꞌcĩ aaꞌnyeet ganõn ꞌThĩttaan nẽ iittiõõ makaaꞌthĩt ꞌcĩ occa ĩllõõannuung ꞌThĩttaanĩ tõõ. Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiita.

Ebereei 2:14

Hĩĩgĩn naag vẽlẽk eet ꞌcĩg haꞌnyak eleeti. Ĩnõõ ꞌcĩ aku ĩĩnnĩ Yeesu eet hĩ naag ko. Baa adaahĩ nẽẽ, hátĩ huruk habu cĩ loriẽẽt ꞌcĩg abathĩ, baa aꞌnyak ꞌtirrian ꞌcĩ aruhi eet.

Ebereei 7:1

Baa ĩĩn Melkithẽdẽhĩ habu cobbi cĩ ꞌtaaũn cĩ Thaalemĩ nẽ ĩĩ paadĩr cĩ Nyekuc ꞌcĩ ĩllõõan vẽlẽk. Melkithẽdẽk baa õõ õmmõtõõ hĩ Abũrahaamõ, nĩngĩtĩ aggatanĩ nẽẽ Abũrahaamõ baa õbõda joraa baa õõ aruhõõnĩ hĩ habuẽẽt ꞌcĩg mẽẽlĩg nẽ ĩllõõan ĩhõõggõ.

ꞌJeemith 2:19

Elemmu niig ngaatĩ aayyi Nyekuci hõdẽẽthõng. Abũnnaa! Ẽlẽmĩ loriẽẽta ꞌcĩg abathĩ buúk thõõth icci nẽ aaꞌnyĩk ĩhõõggõ habarritit tẽẽlꞌthĩta.

2 Pẽẽtũrũ 2:4

Hĩnĩngĩtĩ baa hõllõngaa ammaannĩk Nyekuci aajĩlẽẽt baa ẽꞌthẽcanĩ. Baa ẽcẽb nẽẽ ĩhõõggõ muguuratõõ nẽ udhuheek ꞌgwoyyiaa ꞌcĩ aalla ũdũt, ĩꞌthõng kõr ꞌcĩ hatĩ ẽttẽẽdĩ nẽẽ thooꞌthiok cĩggĩĩng.

1 Yõaannẽ 3:8

Ẽẽtĩ ꞌcĩ aalla adĩman ꞌthẽccan, ĩĩn eet cĩ habu cĩ loriẽẽt ꞌcĩg abathĩ. Baa ẽꞌthẽcanõõ ꞌThĩttaanĩ baa ꞌthianaatta, nẽẽthĩ, baa aku Ngeertĩ Nyekuci hikia hõõga eet dtiicanẽẽnnĩ vẽlẽk ĩcĩg abathĩ ĩcĩg ꞌThĩttaanak.

ꞌJuud 1:6

Nẽ agayyu niig buúk thõõth cĩ aajĩlẽẽt baag hõllõngaa adtican dtiic cĩnĩĩng, nĩngĩtĩ ũũnnĩkĩ nĩngĩtĩ nĩĩng cĩ dtiico. Baa ẽcẽb Nyekuci ĩhõõggõ nyerikooꞌnyanĩĩ ꞌcĩg aalla ooo nẽ ꞌyioko nga aalla aaꞌnyĩk Nyekuci ĩhõõggõ haauto ꞌlõõhĩtĩĩ ꞌcĩg ĩĩn muguur, ĩꞌthõng hatĩ kõr cĩ decciaanĩt cĩ lootu, ꞌcĩ hatĩ aku ẽttẽẽdĩ nẽẽ thooꞌthiok cĩg eetuk.

Terethiinit 12:12

Aꞌnyĩĩk hẽẽtkujjieen hatal nẽ atalit niig vẽlẽk eeta ꞌcĩg aattiyyu nĩngaata! Pĩĩrnanĩt hĩ hẽlẽggĩ ꞌcĩg aattĩg loota nĩnga hĩ bũlũccwaanĩtõõ, hĩnĩngĩtĩ udhukia habuui cĩ loriẽẽt ꞌcĩg abathĩ ikia loota nĩnga ngaꞌngaritta, hĩnĩngĩtĩ aga nẽẽ aĩ, haꞌnyaha ꞌthaa ꞌcĩ abadtẽc haaga.”