Maarko 5:34 - ꞌBuuk cĩ Thõõth cĩ Nyekuci

³⁴ Ma nĩngaata, ĩĩnnĩk Yeesu ngaa nicci, “Aaꞌnyi lemiiniti cunni nganiit bũna, bĩĩt taliitta nẽ aau lõꞌngõõc pĩĩrnattaa baa nunni.”

Maarko 5:34 ပူးပေါင်းရင်းမြစ်များ

Maatteeo 9:2

Ma hĩdĩĩkoothong, irriongatta eeta ũgẽẽgĩ eet ꞌcĩ alalliaa ẽlẽ oongi lotoonwa. Ma baa acĩn Yeesu lemiinit cĩnĩĩng ko, ikia ĩĩnnĩk eet ꞌcĩ alalliaa ẽlẽ ho, “Ngeertĩ, aꞌnyĩĩk ꞌthĩnĩt hõkõm. Ũtũngtoothĩk nganiit ꞌthẽccanẽẽta cugunnẽẽgĩ.”

Maatteeo 9:22

Ma ho, ubbuudi Yeesu nẽ udtuuha ĩnõõnnõ nĩngĩtĩ annẽẽkĩ, “Aꞌnyĩĩk ꞌthĩnĩt hõkõm tĩnaatĩ. Aaꞌnyi lemiiniti cunni bũna.” Ma ꞌthẽk nĩngaata noho, ũbũna ngaa niccieeni.

Maarko 10:52

Nĩngĩtĩ aduhaakĩ Yeesu ĩnõõnnõ annẽẽkĩ, “Bĩtõ, aaꞌnyi nganiit lemiiniti cunni bũna.” Ma hĩdĩĩkoothong ĩcĩnĩ nẽẽnĩ, nĩngĩtĩ ẽdẽcĩ ꞌgõõl anũõõꞌthĩ Yeesu.

Maarko 3:10

Ma baa aaꞌnyĩk nẽẽ eet ꞌcĩg mẽẽlĩg hũbũttaathõ ho, iita eeta vẽlẽk ꞌcĩg baag õmmõõrĩ, õꞌngõnytõõĩ ꞌgõõl ꞌcĩ aayyi nẽẽnĩ, aĩ hátĩ huhumta ĩnõõnnõ.

Maarko 5:29

Ma baa ahum nẽẽ cẽrẽm cĩ Yeesu ho, ikia ĩbĩl mõõrĩthĩ ꞌcĩ arihi ĩnõõnnõ ẽlẽ ho hĩdĩĩkoothong, nĩngĩtĩ agaõõꞌthĩ nẽẽ buúk aĩnnĩ, hũbũnawa.

Maarko 5:33

Baa abarrit ngaa ciee nẽ itiẽẽlĩ gẽrrẽẽt, nĩngĩtĩ appulanaanĩ ẽlẽ cĩnnĩ, hĩnĩngĩtĩ agaõõthĩ nẽẽ ngaatĩ ammanyanõõĩ mõõrĩthĩ cĩnnĩ ho nẽ ikia akat huruꞌnyia muumaa cĩ Yeesu nẽ uduhaak ĩnõõnnõ thõõth vẽlẽk ꞌcĩ ĩĩn dĩdĩ.

ꞌLuuka 17:19

Nĩngĩtĩ annẽẽkĩ Yeesu eet nicci, “Ẽlẽ, tĩnga bĩtõ, aaꞌnyi lemiiniti cunni bũna.”

ꞌLuuka 18:42

Nĩngĩtĩ annẽẽkĩ Yeesu ĩnõõnnõ, “Cĩnĩ. Aaꞌnyi lemiiniti cunni bũna.”

ꞌLuuka 7:50

Nẽ uduhaak Yeesu ngaa nicci ĩĩnnĩk, “Ẽẽlaii nganiit lemiiniti cunnẽẽnĩ. Bĩĩt lõꞌngõõc.”

ꞌLuuka 8:48

Ma ho, uduhaak Yeesu ĩnõõnnõ ĩĩnnĩk, “Loholeec caannĩ, aaꞌnyi nganiit lemiiniti cunni bũna. Tĩnga bĩĩt lõꞌngõõc.”

Dtiicanĩ cĩg ꞌThooyyiahu 14:9

Baa athĩhĩ ẽẽtĩ ciee ꞌrioon cĩ Paaulo. Ma baa akannĩ Paaulo ĩnõõnnõ hẽbẽrĩ ho, adtuuha hinnia aꞌnyak lemiinit hĩ Yeesu ꞌcĩ occa aaꞌnyĩk ĩnõõnnõ hũbũna,

Dtiicanĩ cĩg ꞌThooyyiahu 15:33

Ma urutaa ꞌcĩ aautti nẽẽg nĩĩca hĩdĩhĩdĩĩc, iita iꞌthooyyik nuyyiooha ĩhõõggõ ꞌgattaanaa cĩ ganõõnõ hoboddiõõthĩ hĩ eet baag ĩꞌthõõa ĩhõõggõ.

Dtiicanĩ cĩg ꞌThooyyiahu 16:36

Nĩngĩtĩ aduhaakĩ ꞌgaalacĩ Paaulo annẽẽkĩ, “Uduktaaha nganĩĩt makayyiooha hõgauung ngagiita. Nẽẽthĩ ꞌyioko, õõt nuun lõꞌngõõc.”

ꞌJeemith 2:16

nẽ ĩĩnnĩk eet umwaa hõrggẽẽnaa cunuung, “Bĩtõ, bĩĩt au lõꞌngõõc, tihimi nẽ uduho jurrung,” nẽ hõllõngaa ĩbbaan ĩnõõnnõ ꞌgii ꞌcĩ adiim nẽẽ ũdũt, bũnnai ꞌyioko cĩ thõõth cĩnnĩ ho nii?