Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Maarko 5:23 - ꞌBuuk cĩ Thõõth cĩ Nyekuci

23 nẽ ĩĩlaleek Yeesu ĩĩnnĩk, “Õmmõõrĩ nganĩĩt loholeec ꞌcĩ ngayyi ꞌcĩ hidici gẽrrẽẽt. Ijjia baaĩ nuun bĩĩt huum ĩnõõnnõ athĩnĩĩ cugunnig, hátĩ hũbũna nẽ ũrũga!”

အခန်းကိုကြည့်ပါ။ ကော်ပီ




Maarko 5:23
26 ပူးပေါင်းရင်းမြစ်များ  

Nĩngĩtĩ ataadĩkĩ Yeesu aꞌthiit cĩnnĩ ẽllaa cĩ eet nicci nẽ ĩĩnnĩk, “Hadiimmii naa nganiit bũna.” Nĩngĩtĩ aꞌnginõõꞌthĩ helleggeri noho matadaꞌnyak.


Aggam hatĩ nuyyiooha cieeg hũkaaꞌnya athĩnĩĩ cĩggĩĩng nẽ aitõõ hatĩ hũkaaꞌnya hõllõngaa occa adak ĩhõõggõ. Nẽ ma adak nuyyiooha ꞌgẽẽn ꞌcĩ aarĩk eeta ẽgẽrnẽẽn ꞌcĩg occa aruk nuyyiook, aitiõõ hatĩ hõllõngaa adaahĩ ũdũt. Nẽ ataadĩk hatĩ nẽẽg athĩn cĩggĩĩng eetinii ꞌcĩg õmmõõrĩ nẽ hatĩ ũbũttaathõ eeta tĩko.”


Nĩngĩtĩ õõkõrĩ Yeesu hĩ ĩnõõnnõ. Ma nĩngaata, ũnũõõthĩ lothippiti cobbi gẽrrẽẽt Yeesu nẽ õõt õꞌngõnytõõĩ eeta ĩnõõnnõ.


nẽ õõt itiggiaacõ loriẽẽt ꞌcĩg abathĩ eleetinii cĩg eet ꞌcĩg mẽẽlĩg nẽ ĩnĩĩbĩtõ eet ꞌcĩg õmmõõrĩ ho ngõõrra hũbũttaathõ.


Ma nĩngaata, iita aꞌnyaktaak eeta ũgẽẽgĩ ĩnõõnnõ eet umwa ꞌcĩ adĩĩtĩ ĩĩna nẽ aꞌnyaman ngaatĩ õthõõthĩ. Nẽ alaacõ nẽẽg Yeesu huhum ĩnõõnnõ athĩnĩĩ cĩgĩnnĩg.


Ma nĩngaata, ikia aggam Yeesu aꞌthiit cĩ rubenniookto ho nẽ ũũhĩ ĩnõõnnõ battaalaa cĩ olu. Nĩngĩtĩ õkõ attũũrĩkĩ ĩnõõnnõ ammũt hẽbẽrẽẽnnĩĩ cĩgĩnnĩg nẽ ataadĩk athĩn cĩgĩnnĩg ẽllaa cĩ rubenniookto nẽ ijin ĩnõõnnõ ĩĩnnĩk, “Occa icinu ꞌgiimwa?”


Nĩngĩtĩ ahumi Yeesu ĩnõõnnõ hĩbĩl ꞌcũl hĩdĩĩkoothong nẽ iꞌthianaaĩ ĩdĩhĩth Nyekuc.


Ma nĩngaata, uduhuna Yeesu ꞌCieethaa cĩ Laiitto nẽ ũũk õlõõ cĩ ꞌThimõõnẽ. Ammũdoothĩk hinnia inyitti ꞌThimõõnẽ aaburii ẽlẽ, nĩngĩtĩ alaĩ eeta Yeesu hẽẽl ĩnõõnnõ.


Ma baa okoloothĩk kõrra, aꞌnyaktaak eeta Yeesu eet ꞌcĩg aꞌnyak mooriꞌthiook cũũmõ cũũmõ nẽ ataadĩk nẽẽ athĩn cĩgĩnnĩg ootinii cĩggĩĩng hõdẽĩ hõdẽĩ, nĩngĩtĩ abũnnayyĩ nẽẽg vẽlẽk.


Ma baa õbõktõ nẽẽ hĩ hattũũg cobbi cĩ ꞌtaaũnõõ, irrionganaak hinnia eeta buulenit umwa ꞌcĩ adaahĩ battaali. Baa odoyyii buuleniti ciee adaahĩ ho nẽ ĩĩn ngaannia ngaatĩbõyyĩ. Nẽ baa õõkõr lothippiti cĩ ꞌtaaũnõõ hĩ ĩnõõnnõ.


Nĩngĩtĩ ĩꞌthõõĩkĩ ngoonoggia Yeesu nyeemuut annẽẽkĩ, “Makayyioohit, õmmõõrĩ ꞌgoonu gõõng ammĩnani.”


Ĩko nẽẽ õmmõõrĩ Pubilio maaꞌnyia gẽrrẽẽt, oongi ꞌrabacõõnnĩ ahũd lajjõ nẽ uhuc hẽẽng nẽ tarĩ ĩcĩĩd biyyi. Ma ho, uduhunoothĩk Paaulo ĩnõõnnõ nẽ alaõõĩ. Ma nĩngaata, ataadĩk aꞌthiit cĩnnĩ ẽllaa cĩ moorriakto nẽ aaꞌnyĩk ĩnõõnnõ hũbũna.


Ma baa ho, aꞌnyaktaak nẽẽg eet iccig ꞌthooyyiak, hiita halayyiõõĩ ĩhõõggõ.


Ma ho, ataaddik Pẽẽtũrũ hĩ Yõaannẽ athĩn ootinii cĩg lemmioohu, nĩngĩtĩ alluucciakĩ Lorii ꞌcĩ Ẽllẽẽmĩth ĩhõõggõ.


Nẽ ꞌgõõlaa ꞌcĩ aayyi nẽẽ hĩcĩ ohonoothini thõng ko, baa adtuuha ꞌThaaulo eet ꞌcĩ haĩ Anania ngaatĩ akuuni nẽ uhum hẽbẽrĩ cĩgĩnnĩg hĩcĩttĩ.”


Nĩngĩtĩ õkõ adukni Anania õlõ tĩho. Ma nĩngaata, ataadĩk athĩn cĩgĩnnĩg hĩ ꞌThaaulo nẽ ĩĩ, “ꞌGõtõna ꞌThaaulo, Makayyioohit Yeesu baa uppwannakii nganiit ꞌgõõlaa ꞌcĩ akuuni ngaati ho, ꞌcĩ ĩꞌthõõannaa nganĩĩt, hátĩ cĩnĩ nii tarĩ nẽ ũmmũda Lori ꞌcĩ Ẽllẽẽmĩthĩ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ