Maarko 5:2 - ꞌBuuk cĩ Thõõth cĩ Nyekuci

² Ma hĩdĩĩkoothong ĩcĩ ĩꞌngõthaaĩ Yeesu haahũla battaala, iita ommottio nẽẽ hĩ eet umwa ꞌcĩ aꞌnyak loriẽẽt ꞌcĩg abathĩ ꞌcĩ adukna ꞌlõõhĩtĩĩ cĩg daakiahu nĩngaata noho ꞌtur.

Maarko 5:2 ပူးပေါင်းရင်းမြစ်များ

Maarko 1:23

Ma ꞌCieethaa cĩ Laiitto nĩngaata, baa aaĩ eet umwaa ꞌcĩ aꞌnyak lori ꞌcĩ abathĩ nẽ urruuo ĩĩ,

Maarko 1:26

Ma ho, ikia õtõmõõĩ lorii ꞌcĩ abathĩ ho eet nicci gẽrrẽẽt nẽ ẽggẽrẽny moloohaa cobbi, nĩngĩtĩ aduknaanĩ ẽllaa cĩ eet nicci.

Maarko 3:30

Baa õthõõth Yeesu hoti, hĩnĩngĩtĩ baa aĩ eeta, “Aꞌnyak nẽẽ lori ꞌcĩ abathĩ ẽllaa cĩnnĩ.”

Maarko 3:9

Baa maka lothippiti cĩ eetu ho gẽrrẽẽt, nĩngĩtĩ aduhaakĩ Yeesu nuyyiook cĩgĩnnĩg haꞌnyakta haahũl haavvi nẽẽnĩ, hátĩ hiittiõõ hõllõngaa ẽẽhõnĩ eeta ĩnõõnnõ.

Maarko 4:1

Ikia iꞌthianaaĩ Yeesu ngaatĩ allimanĩ eet dẽmẽtaa cĩ Bũlũc cĩ ꞌGalileea tarĩ. Baa maka lothippiti ꞌcĩ baa aluttiaak ĩnõõnnõ gẽrrẽẽt, nĩngĩtĩ adukni nẽẽ haahũlatõõ nẽ aau lothippiti cĩ eetu dẽmẽta.

Maarko 4:36

Nĩngĩtĩ ũũnnĩkĩ nẽẽg lothippit cĩ eetu nẽ otodit nuyyiooha haahũl hõdẽĩ hĩ Yeesu nẽ õõta. Baa aattĩg haahũlĩta ũgẽẽgĩ buúk ꞌcĩg õõkõr hĩ ĩnõõnnõ.

Maarko 5:21

Ma baa abaahĩ Yeesu haahũla tarĩ ũũk baakĩtaa cĩ bũlũcõ, uluttiaak lothippiti cobbi gẽrrẽẽt ĩnõõnnõ, baa nga aaĩ nẽẽ dẽmẽtaa cĩ bũlũcõ.

Maarko 5:3

Baa aar ẽẽtĩ ꞌcĩ aꞌnyak loriẽẽt ꞌcĩg abathĩ ho nĩngĩtĩ adaiini eeta ho, hĩĩ õlõ cĩnnĩ nẽ aitiõõ ẽẽtĩ ꞌcĩ occa ũũlũ ngaatĩ aggamĩ ĩnõõnnõ nẽ ẽcẽb nyerikooca tõõ.

Maarko 5:8

Õthõõth nẽẽ hoti, hĩnĩngĩtĩ baa uduhaak Yeesu ĩnõõnnõ ĩĩnnĩk, “Duhuna eetaa cĩ battaala, nii lorii ꞌcĩ abathi ho!”

Maarko 7:25

Baa aaĩ ngaa umwaa ꞌcĩ aꞌnyak bũhaanyĩnĩ lori ꞌcĩ abathĩ nẽ baa ĩthĩk nẽẽ aĩ, aaĩ Yeesu nĩngaata. Ma ho, ũũk ẽttẽẽd ngaa nicciee looc ꞌthõõnĩĩ cĩg Yeesu.

ꞌLuuka 8:27

Ma alluuccia Yeesu haahũla ho, au hinnia õmmõtõõ hĩ eet ꞌcĩ aku ꞌtaaũna, ꞌcĩ aꞌnyak lori ꞌcĩ abathĩ. Baa eet ꞌcĩ õtõ arriẽẽn irkiꞌnyia ꞌcĩg mẽẽlĩg gẽrrẽẽt tĩho. Ara ẽgĩ mõrõ nẽ aala biyyiẽẽnĩĩ cĩg eetuk.

ꞌLuuka 9:42

Tananga baa nga õkõ buuleniti ĩĩcĩ aayyi Yeesu, ara ẽttẽẽdĩ lorii ꞌcĩ abathĩ ho ĩnõõnnõ looc noho ꞌlir hẽvẽvvẽr. Ma ho, eggerꞌnyeek Yeesu lori ꞌcĩ abathĩ ho, hũbũna buuleniti nĩĩcĩ noho. Ma nĩngaata, õbõdẽẽhĩ Yeesu loholeec maaꞌnyĩ.