Maarko 4:6 - ꞌBuuk cĩ Thõõth cĩ Nyekuci

⁶ Ma baa ikia kõrra, ikia ũtũũth haal niccig hummuduhito ĩꞌthõng hodohohit, hĩnĩngĩtĩ hõllõngaa aduhun cõrrẽẽna huuꞌthĩk.

Maarko 4:6 ပူးပေါင်းရင်းမြစ်များ

Yõõna 4:8

Ma baa ĩꞌngõtha kõrra, ĩꞌthõõa Nyekuci ngõõt ꞌcĩ aaburii ꞌcĩ aku ĩĩcĩ uruto, huuhan Yõõna. Baa atũũth kõrra Yõõna hũbũcanniaa hidiim hatawaal nẽ ũbũraneek daahĩth nẽ õthõõth ĩĩ, “Mẽẽn daahĩthĩ hĩllõõan ngaatĩ harũgnĩ hĩ ꞌyioko ho!”

Maatteeo 13:6

Nẽẽthĩ, ma baa ikia aabur kõrra, ikia ũtũũth kõrra mana hõdõhõk hĩĩ ꞌthĩĩ, hĩnĩngĩtĩ baa huturig cõrrẽẽna.

Maarko 4:5

Nẽ ĩꞌthaattothoothĩk hinyomona ũgẽẽgĩ ngaatĩ ĩĩn ꞌthẽhẽk nẽ ubuꞌthia hĩdĩĩkoothong, hĩnĩngĩtĩ baa hõllõngaa uuthik ꞌthẽẽma.

Maarko 4:7

Nẽ ĩꞌthaattothoothĩk hinyomona ũgẽẽgĩ ngaatĩ ĩĩn mõrõ nẽ ĩĩ bĩlla ꞌcĩg alĩꞌtha nẽ uruhit haal hiittiõõ hõllõngaa abbiiri.

Eevvetho 3:17

hatĩ haau Krĩstõ ꞌthinneetinii cugguung, hĩnĩngĩtĩ lemiinit cunuung. Uꞌthuutti thõõth cĩnnĩ jurrung nẽ okomit mĩnnaanaa cĩnnĩ.

Kolooꞌthe 2:7

Aanytĩk lemiinit cunuung hĩtĩlĩth hĩ Krĩstõ nẽ aanytĩhu ĩnõõnnõ haau hĩ miirihi cĩ rũgẽt cunuung. Okomit lemiittaa cunuung hĩ baa allimanoothikuung ngagiit hátĩ atalit ĩnõõnnõ gẽrrẽẽt.

2 Tẽꞌthaloonika 2:10

Aku hatĩ ĩggõõl nẽẽ eet cĩg iꞌngittõõthĩ, hĩnĩngĩtĩ thooꞌthiok cĩgĩnnĩg ꞌcĩg abathĩ. Uuk hatĩ Nyekuci eet ꞌcĩg ĩggõõl ꞌThĩttaanĩ ho, hĩnĩngĩtĩ baa abũrĩ nẽẽg ngaatĩ ammĩnanĩ thõõth ꞌcĩ ĩĩn dĩdĩ, ꞌcĩ occa baa aaꞌnyĩk Nyekuc hẽẽla ĩhõõggõ.

ꞌJeemith 1:11

Hĩnĩngĩtĩ uppwaanna kõrra hĩ abuurꞌthet nẽ ũtũũth hẽẽt, hutururriaa bõllõõha ꞌcĩg nga allaaꞌtha thõng nẽ ĩꞌthaanĩ ꞌlẽẽmĩthĩ cĩnnẽẽnĩ. ꞌGõõlaa nĩĩcĩ dioo, aꞌnginoothi hatĩ ballioohiti hĩ baliinit cĩnnĩ vẽlẽk.

ꞌJuud 1:12

Aꞌnyak eeta cieeg ooti ꞌcĩg abathĩ nẽ ẽꞌthẽcanit ꞌgẽẽn ꞌcĩ adaku hõdẽĩ hĩ ĩhõõggõ, dtiicanẽẽnnĩĩ cĩggĩĩng ĩcĩg ngaaoniittak hĩ ĩcĩg muruꞌthẽẽtak. Aattĩg nẽẽg hĩ diiꞌthioha ꞌcĩg uuhan ngõõtĩ, nẽ hõllõngaa aꞌnyaha tammu buúk. Aattĩg nẽẽg hĩ hẽẽna ꞌcĩg aitiõõ bõllõõha tõõ ꞌcĩg ubbutattaa ẽlẽk nẽ aitiõõ hẽẽna ꞌcĩg abbiiri tõõ.

Terethiinit 7:16

Iittiõõ hatĩ ĩhõõggõ hõllõngaa adak magĩthĩ tarĩ, hode aam kõrra tarĩ. Iittiõõ hatĩ kõrra ꞌcĩ nga atũũth ĩhõõggõ tarĩ tõõ.