Maarko 4:24 - ꞌBuuk cĩ Thõõth cĩ Nyekuci

²⁴ Nẽ uduhaak Yeesu ĩhõõggõ tarĩ ĩĩnnĩk, “Uꞌthuutti thooꞌthiok ꞌcĩg athiknu niig ko jurrung. ꞌGii ꞌcĩ adĩmaneeku niig eet umwa, adĩmaneekuung hatĩ Nyekuci ngagiit buúk ꞌgõõlaa tĩho dioo, komiitta ꞌcĩ ĩllõõan gẽrrẽẽt.

Maarko 4:24 ပူးပေါင်းရင်းမြစ်များ

Maatteeo 7:2

Hĩnĩngĩtĩ etteedikuung hatĩ Nyekuci ngagiit buúk thõõth, ꞌgõõlaa ꞌcĩ gõõng etteediku niig ꞌgoonogu! Adĩmaneekuung hatĩ nẽẽ thõõth ꞌcĩ gõõng adĩmaneeku niig ꞌgoonogu.

Maarko 9:7

Ma ho, uppwaanna diith ꞌcĩ aku ammũlũũnyan ĩhõõggõ nẽ ĩthĩhĩt molook umwa diithatõõ ꞌcĩ õthõõth aĩ, “Loholeec caannĩ ꞌcĩ hamĩna cieeni, ĩthĩhĩt ĩnõõnnõ!”

ꞌLuuka 8:18

Nẽẽthĩ, agaac authet ꞌcĩ athĩkneennu jurrung. Ẽẽtĩ ꞌcĩ aꞌnyak ꞌgiimwa, aaꞌnyĩhoothĩk hatĩ ꞌcĩ maka, nẽ ẽẽtĩ ꞌcĩ hiꞌthihi ꞌgiimwa ũdũt, aggammiaa hatĩ ꞌgii ꞌcĩ abadtẽc ꞌcĩ ammuk nẽẽ aĩ haꞌnyahi haau athĩnĩĩ ꞌtẽl.”

Yõaannẽ 10:16

Haꞌnyahi naa aꞌtha ũgĩ ꞌcĩg nga aitiõõ logguuratõõ cĩ tõõ. Hadiimi hatĩ halũta ĩhõõggõ buúk hiita logguuratõõ cĩ. Athĩhĩ hatĩ nẽẽg molook caannĩ, ĩĩn hatĩ nyalõmaar hõdẽẽthõng nẽ ĩĩ tũhayyioohiti hõdẽẽthõng.

Yõaannẽ 10:27

Athĩhĩ aꞌtha cĩgannĩg molook caannĩ nẽ hagawa naa ĩhõõggõ nẽ unuyyia nẽẽg nganĩĩta.

Yõaannẽ 5:25

“Haduhaakuung dĩdĩ, õbõhĩ kõrra nẽ ꞌyioko ikia ẽlẽk, ꞌcĩ hatĩ athĩknĩ eeta ꞌcĩg adaahito molook cĩ Ngeertĩ Nyekuci. Nẽ eeta ꞌcĩg hatĩ athĩhĩ molook tĩho, arũgĩ hatĩnĩ.

Dtiicanĩ cĩg ꞌThooyyiahu 17:11

Baa abũnnaa eeta cĩg Berea hĩllõõanit cĩg Tẽꞌthaloonika nẽ baa accamana nyeemuut gẽrrẽẽt. Korrioohĩ vẽlẽk, agiil nẽẽg ꞌBuuk cĩ Nyekuci, hátĩ hummuddia hatĩ ĩĩn thooꞌthioha ꞌcĩg aduha Paaulo ho dĩdĩ.

2 Korinthia 9:6

Ummuhuttooth thõõth umwa cieeni, ẽẽtĩ ꞌcĩ athacĩ hinyomo ꞌcĩg abadtẽc haaga, ajana hatĩ nẽẽ buúk haal ꞌcĩg abadtẽc nẽ ẽẽtĩ ꞌcĩ athacĩ hinyomo ꞌcĩg mẽẽlĩg, ajana hatĩ nẽẽ buúk haal ꞌcĩg mẽẽlĩg.

Ebereei 2:1

Huꞌthuutti naag thõõth baa illimanoothĩheet nẽ hĩthĩhĩt jurrung, hátĩ hiittiõõ hõllõngaa hĩꞌthanni tahatak nẽ hũtũngteek thõõth ꞌcĩ ĩĩn dĩdĩ.

1 Pẽẽtũrũ 2:2

Aaut hĩ ĩdõlẽẽta ꞌcĩg adiim ira ꞌcĩg tẽllĩg ꞌcĩg au hĩ Nyekuc diooni, ꞌcĩ occa eelluung ngagiit ĩtĩlĩthĩt elliaattaa cunuung,

1 Yõaannẽ 4:1

ꞌGotoonoga hĩ ngoonoga, ma helemmu eet vẽlẽk ꞌcĩg aĩ haꞌnyaka Lori cĩ Nyekuci. Ĩttĩmanit ĩhõõggõ vẽlẽk, hátĩ ummuddia, hatĩ aꞌnyak nẽẽg lori ꞌcĩ aku hĩ Nyekuc dĩdĩ. Mẽẽlĩg põrõvẽtaaꞌnya ꞌcĩg ĩĩn oloꞌngiaak ꞌcĩg ĩꞌthaattothoothĩk looc nicci ẽlẽk.