Maarko 4:19 - ꞌBuuk cĩ Thõõth cĩ Nyekuci

¹⁹ nẽ hinnia ummuhit rũgẽt cĩ looc nicci hĩ mĩnnan cĩ baliitto hĩ hẽlẽggĩ vẽlẽk ꞌcĩg ammũyan ĩhõõggõ nẽ ẽꞌthẽcanit thõõth cĩ Nyekuci, iittiõõ hõllõngaa abbiiri haꞌnyakta hinyomo.

Maarko 4:19 ပူးပေါင်းရင်းမြစ်များ

Maatteeo 13:22

Hinyomona aag ĩꞌthanothoothĩk bĩllanĩtõõ, ĩthakꞌthoothĩk nẽẽg buúk eet ꞌcĩg athĩhĩ nyeemuut cĩ Nyekuci nẽ ummuhit pĩĩrnanĩt cĩ rũgẽtõ hĩ ꞌgoolinit cĩ baliitto, ꞌcĩ aaꞌnyĩk eet hiittiõõ hõllõngaa adtican dtiic ꞌcĩ adiim Nyekuci.

Maatteeo 19:23

Nĩngĩtĩ aduhaakĩ Yeesu nuyyiook cĩgĩnnĩg annẽẽkĩ, “Õkõmĩ gẽrrẽẽt ũdũt ngaatĩ occa adukni ẽẽtĩ ꞌcĩ aballi habuccieet cĩ hẽẽtkujjieen!

Maatteeo 3:10

Nẽẽthĩ ꞌyioko, ataadoothĩk mẽlẽẽhĩ correettaa cĩ heenu ẽlẽk. Eꞌngeddoothĩk hatĩ hẽẽt ꞌcĩ hõllõngaa õddõngta ꞌgẽẽn ꞌcĩ abũnnaa tuu nẽ udhuhoothĩk ꞌgwoyyiatõõ.

Maarko 4:18

Aattĩg eeta ũgẽẽgĩ hĩ hinyomona ꞌcĩg athacoothĩk bĩllanĩtõõ, ĩthakꞌthoothĩk eeta cieeg eet ꞌcĩg athĩhĩ thõõth cĩ Nyekuci,

ꞌLuuka 10:41

Ẽdẽcĩ hinnia Makayyioohiti ĩnõõnnõ anneek, “Maarta, Maarta, aallahi nii hẽlẽggĩ ꞌcĩg mẽẽlĩg gẽrrẽẽt.

ꞌLuuka 21:34

“Aaut jurrung, ma hattumaniinnu ꞌgõõlaa ꞌcĩ ara aduunnu nẽ ĩdĩmattu thooꞌthiok ꞌcĩg abathĩ hĩ ngaatĩ apuppuddu, hĩnĩngĩtĩ rũgẽt cĩ looc nicci. Má adĩmannu noho, alubaakuung hinnia hatĩ kõrra ꞌcĩ decciaanĩt cĩ lootu nyahamalliak hĩ nyerite.

Yõaannẽ 15:2

Eꞌngeddeek nẽẽ taba ꞌcĩg uwwatan ẽllaa caannĩ tuu nẽ ũkũman taba ꞌcĩg õddõngõt, hátĩ hoddongotit jurrung.

ꞌRooma 12:2

Ma nga hanuyyu thooꞌthiok cĩg looc nicci tarĩ, nẽẽthĩ ũtũkẽẽc muhẽẽnĩt cĩ ꞌthinneeti cugguung hĩĩtõ ngeju. Ĩnõõ ꞌcĩ hatĩ uuluyyu ngaatĩ attĩmannu nẽ ummuddiaau tabiinit cĩ Nyekuci, ngaatĩ abũnnayyĩ hĩllõõan.

Eevvetho 2:2

ꞌgõõlaa baa gõõng aattiyyu nẽ unuyyu thooꞌthiok cĩg looc nicci nẽ ĩthĩktu ꞌThĩttaan makayyioohit cĩ makaaꞌthĩt cĩ looc ꞌcĩ hõllõngaa edeeꞌnyia. Ĩĩn ꞌThĩttaanĩ lori ꞌcĩ adticani ꞌthinneetinii cĩg eet ꞌcĩg hõllõngaa athĩhĩ Nyekuc.

Eevvetho 6:12

Hĩnĩngĩtĩ hõllõngaa haruhõõ naag hĩ mĩrõk ꞌcĩg ĩĩn eeta. Haruhõõ naag hĩ mĩrõk ꞌcĩg ĩĩn loriẽẽt hĩ makayyiook ꞌcĩg abathĩ ꞌcĩg attiran nẽ aꞌnyahit makaaꞌthĩt loonyini hẽẽtahujjieen.

Pilippi 4:6

Ma hapuppuddu, hĩnĩngĩtĩ ꞌgiimwa, alaac Nyekuc thooꞌthiok vẽlẽk. Alaac ĩnõõnnõ ꞌthinneetinii ꞌcĩg anneeku ĩlaallẽ.

1 Timotteeo 6:17

Duhaak balliook cĩg looc nicci thõõthaa ꞌcĩ õkõmĩ anneek, ma hathĩngõõnyannu eleeti baliitta ꞌcĩ hatĩ aꞌnginoothi hĩdĩĩkoothong. Aꞌnyĩĩk haarrik muhẽẽnĩt cĩnĩĩng hĩ Nyekuc, ꞌcĩ aaꞌnyeet ngagĩĩt hẽlẽggĩ vẽlẽk ꞌcĩg haccamanõõthĩkĩ.

2 Timotteeo 4:10

hĩnĩngĩtĩ ĩmmĩnan ꞌDẽẽma hẽlẽggĩ cĩg looc nicci ũtũngeeha haau ẽmmẽn, ĩtĩnga ũũk ꞌtaaũnaa cĩ Tẽꞌthaloonika. Nẽ tarĩ ĩtĩnga Kerethenĩ buúk ũũk looccaa cĩ ꞌGalaaꞌthia, õkõ adtican dtiic cĩ Makayyiookto nẽ ũũk Tiito looccaa cĩ Dalamatia.

2 Pẽẽtũrũ 1:8

Má aalla aliꞌthu niig ꞌgõõlaa cĩ, ẽtẽrꞌtha hatĩ aĩ eeluung ngagiit thõõth ꞌcĩ agayyu Makayyioohit cĩnaac Yeesu Krĩstõ nẽ aaꞌnyĩk rũgẽt cunuung hĩĩ tiir.

ꞌJuud 1:12

Aꞌnyak eeta cieeg ooti ꞌcĩg abathĩ nẽ ẽꞌthẽcanit ꞌgẽẽn ꞌcĩ adaku hõdẽĩ hĩ ĩhõõggõ, dtiicanẽẽnnĩĩ cĩggĩĩng ĩcĩg ngaaoniittak hĩ ĩcĩg muruꞌthẽẽtak. Aattĩg nẽẽg hĩ diiꞌthioha ꞌcĩg uuhan ngõõtĩ, nẽ hõllõngaa aꞌnyaha tammu buúk. Aattĩg nẽẽg hĩ hẽẽna ꞌcĩg aitiõõ bõllõõha tõõ ꞌcĩg ubbutattaa ẽlẽk nẽ aitiõõ hẽẽna ꞌcĩg abbiiri tõõ.