Maarko 4:17 - ꞌBuuk cĩ Thõõth cĩ Nyekuci

¹⁷ Nẽ hõllõngaa aduhun thõõth ꞌthinneetinii cĩggĩĩng jurrung nẽ hõllõngaa aalla ĩꞌthõng. Nẽ ma ikia ꞌcannani hode pĩĩrnanĩtĩ, hĩnĩngĩtĩ thõõth cĩ Nyekuci, iita ũtũngteek nẽẽg thõõth nĩĩcĩ noho ꞌcõm.

Maarko 4:17 ပူးပေါင်းရင်းမြစ်များ

Maatteeo 11:6

Aggatan Nyekuci eet ꞌcĩ hõllõngaa abũrra nganĩĩt, hĩnĩngĩtĩ thõõth ꞌcĩ hadticani naana.”

Maatteeo 12:31

Nẽẽthĩ haduhaakuunga, ũũnnothoothĩk hatĩ ꞌthẽccanẽẽta vẽlẽk ꞌcĩg adĩmannu hode ꞌcĩg othooꞌthu, nẽẽthĩ, ꞌthẽccanĩ ꞌcĩ õdõõmĩ eeta Lori ꞌcĩ Ẽllẽẽmĩthĩ, ĩĩn ꞌthẽccan ꞌcĩ hõllõngaa ũũnnothoothĩk ũdũt.

Maatteeo 13:21

Nẽ hĩnĩngĩtĩ hõllõngaa aꞌnyak nẽẽg cõrrẽẽn ꞌcĩg uuthihi, hõllõngaa aalla lemiiniti cĩnĩĩng ĩꞌthõng. Má õkõmĩ rũgẽtĩ ho, hode aaꞌnyĩk nyeemuut ĩhõõggõ ꞌcannan, iita aharrieek nẽẽg thõõth cĩ Nyekuci.

Maarko 4:16

Hinyomona ꞌcĩg athacoothĩk ngaatĩ ĩĩn ꞌthẽhẽk ko, ĩthakꞌthoothĩk eet ꞌcĩg athĩhĩ thõõth cĩ Nyekuci hĩdĩĩkoothong nẽ elemit thõõth taliitta.

Maarko 4:18

Aattĩg eeta ũgẽẽgĩ hĩ hinyomona ꞌcĩg athacoothĩk bĩllanĩtõõ, ĩthakꞌthoothĩk eeta cieeg eet ꞌcĩg athĩhĩ thõõth cĩ Nyekuci,

ꞌLuuka 12:10

Haduhaakuunga, occa ũũnnothoothĩk ꞌthẽccanẽẽta cĩg eet ꞌcĩ õdõõm Ngeertĩ Eeto, nẽẽthĩ, ẽẽtĩ ꞌcĩ õdõõm Lori ꞌcĩ Ẽllẽẽmĩthĩ, aitiõõ hatĩ ꞌthẽccanẽẽta cĩgĩnnĩg hõllõngaa ũũnnothoothĩk ũdũt.

Yõaannẽ 8:31

Baa aduhaak Yeesu eet cĩg ꞌJudeei ꞌcĩg ẽlẽmĩ ĩnõõnnõ anneek, “Má aꞌthuunnu niig ꞌlimman caannĩ, iiginnu nuyyiook cĩgannĩg dĩdĩ.

ꞌGalaaꞌthia 6:12

Eeta ꞌcĩg aduhaakuung ngagiit anneekuung etteedit eleeti cĩg eet ꞌcĩg maacĩg ko, adiim nẽẽg ẽtẽrꞌtha makaaꞌthĩt cĩ eleeti cĩggĩĩng. Nẽ adiim alĩĩta nẽẽg ukẽẽnĩt ꞌcĩ allimanĩ thõõth cĩ hurucce cĩ Krĩstõ.

2 Timotteeo 1:15

Aga nii buúk, ũtũngteeha nganĩĩt eeta ũgẽẽgĩ cĩg looc cĩ Aaꞌthia, tananga Vijeelo hĩ Hermojeno buúk ũtũngteehaanĩ.

2 Timotteeo 4:10

hĩnĩngĩtĩ ĩmmĩnan ꞌDẽẽma hẽlẽggĩ cĩg looc nicci ũtũngeeha haau ẽmmẽn, ĩtĩnga ũũk ꞌtaaũnaa cĩ Tẽꞌthaloonika. Nẽ tarĩ ĩtĩnga Kerethenĩ buúk ũũk looccaa cĩ ꞌGalaaꞌthia, õkõ adtican dtiic cĩ Makayyiookto nẽ ũũk Tiito looccaa cĩ Dalamatia.

2 Timotteeo 4:16

Baa õõyyĩa eeta nganĩĩt lokihooa, baa hiꞌthihi eet ꞌcĩ aku ẽẽlannaa nganĩĩt, hĩnĩngĩtĩ iirrieeha eeta vẽlẽk haau ẽmmẽn. Aꞌnyĩĩk Nyekuc hatamaatĩk ĩhõõggõ, hĩnĩngĩtĩ thõõth icci.

Ebereei 10:29

Ummuhit dako nõõ ngaatĩ ahucci ukẽẽnĩtĩ ꞌcĩ hatĩ uukẽnĩ eeta ꞌcĩg abũrĩ thõõth cĩ Ngeertĩ Nyekuci nẽ ũtũbũrĩt biyyi cĩg lõhõtaak ꞌcĩg aaꞌnyeet ngagĩĩt helleemit. Arannĩ nẽẽg biyyi cĩg lõhõtaak, haau hĩcĩ hõllõngaa ẽllẽẽmĩth nẽ tarĩ, odoomito Lori ꞌcĩ Ẽllẽẽmĩth ꞌcĩ aꞌnyahaakeet ngagĩĩt tamaati cĩ Nyekuci.

1 Yõaannẽ 2:19

Baa ũtũngteek eeta cieeg lothippit cĩnaac, nẽẽthĩ hinnia, baa hõllõngaa ĩĩn nẽẽg eet cĩg lothippit cĩnaac dĩdĩ. Má baa hĩĩtõ nẽẽg eet cĩg lothippit cĩnaac, occa baa aalla nẽẽg lothippitaa cĩnaac. Nẽ hinnianĩ, baa ũtũngteeheet nẽẽg ngagĩĩta, ĩnõõ ꞌcĩ hau hagaĩ naag haĩnnĩ, hõllõngaa ĩĩn nẽẽg eet cĩg lothippit cĩnaac ko.

Terethiinit 2:10

Nẽ ma hiꞌngolinnu ꞌgõõl ꞌcĩ hatĩ õõ accananiinnu. Aggammuung hatĩ habuui cĩ loriẽẽt ꞌcĩg abathĩ nẽ aarihuung baabuuthatõõ, accananiinnu hatĩ gẽrrẽẽt waathinniook õmmõtõ, ꞌgõõl ꞌcĩ hatĩ attĩmannuung habuui cĩ loriẽẽt ꞌcĩg abathĩ ho niccia. Ma huunniku thõõth cĩ Nyekuci ũdũt, tananga adiim arukuunga habuui cĩ loriẽẽt ꞌcĩg abathĩ ho. Haaꞌnyuung hatĩ naa ꞌbaaninit ꞌcĩ rũgẽt ꞌcĩ aalla ooo, hĩnĩngĩtĩ ĩllõõattu niig ꞌtĩmman cĩ ꞌThĩttaanõ.

Terethiinit 2:13

Haga naa nĩngĩtĩ aattiyyu niig ko, ĩĩn ꞌtaaũn ꞌcĩ aayyi habuẽẽꞌthĩt cĩ ꞌThĩttaanõ, nẽẽthĩ, nga aalla aꞌthuunnu niig thõõth caannĩ noho. Tananga baa aruhi Antipa, ẽẽtĩ baa ĩĩn hebereec caannĩ hõrggẽẽnaa cunuung, ꞌtaaũnaa cĩ ꞌThĩttaanõ hataa, aalla nga ẽlẽmmaangu niig nganĩĩt noho.