Maarko 4:11 - ꞌBuuk cĩ Thõõth cĩ Nyekuci

¹¹ Ẽdẽcĩ Yeesu ĩhõõggõ anneek, “Baa aaꞌnyĩhoothĩhuung ngagiit thõõth ꞌcĩ ammiꞌthi cĩ habuccieet cĩ Nyekuci. Nẽ haduhaahi naa eet ꞌcĩg battaalu thooꞌthiok ꞌcĩg awantoothĩk,

Maarko 4:11 ပူးပေါင်းရင်းမြစ်များ

Maatteeo 11:25

Ma kõr niccia, õthõõth Yeesu ĩĩ, “Hadihiꞌthii naa nganiit Baaba caannĩ, Makayyioohit cĩ hẽẽtkujjieen hĩ cĩ lootu, hĩnĩngĩtĩ agunyuthi nii hẽlẽggĩ iccig vẽlẽk hĩ eet ꞌcĩg ĩĩn ꞌgeeꞌnyiak, hĩ ꞌcĩg illimattĩ vẽlẽk nẽ eteretheehu lõhõlĩ ꞌcĩg kidicig.

Maatteeo 13:16

Nẽẽthĩ, aggatannuung Nyekuci ngagiit, hĩnĩngĩtĩ acĩneennu nẽ ĩthĩktoou.

Maatteeo 16:17

Ẽdẽcĩ Yeesu ĩnõõnnõ anneek, “ꞌThimõõnẽ ngeertĩ Yõõna, aggatannii nganiit Nyekuci! Hõllõngaa ammũda nii thõõth icci ẽmmẽn. Eterꞌtheeki nganiit Baaba caannĩ ꞌcĩ aaĩ hẽẽtahujjieen.

Maarko 3:23

Ma ho, ũtũvvũ Yeesu ĩhõõggõ hiita hĩ ĩnõõnnõ nẽ uduhaak thõõth ꞌcĩ awantoothĩk anneek, “Occa gõõng iiggia ꞌThĩttaanĩ ꞌThĩttaan ꞌgõõnĩ hutuno?”

Maarko 4:10

Ma baa aau Yeesu ẽmmẽn, iita ijinit eeta ꞌcĩg baag arũmĩ hĩ ĩnõõnnõ hĩ ꞌthooyyiak cĩgĩnnĩg thooꞌthiok ꞌcĩg awantoothĩk ko.

Maarko 4:2

Baa allimaneek nẽẽ ĩhõõggõ thooꞌthiok ꞌcĩg mẽẽlĩg ꞌcĩg awantoothĩk aĩ,

ꞌLuuka 8:10

Nĩngĩtĩ ẽdẽcĩ Yeesu ĩhõõggõ annẽẽkĩ, “Baa elemmiakuung ngagiit agaac thooꞌthiok ꞌcĩg ammiꞌthi cĩg habuccieet cĩ Nyekuci ẽlẽk. Nẽẽthĩ, hallimani naa eet ũgĩ thooꞌthiohĩĩ ꞌcĩg awantoothĩk ko, haini hátĩ, “ ‘hedeeꞌnyia thõõth baa aduha ꞌBuuhi cĩ Nyekuci hĩĩ dĩdĩ baa aĩ, Tananga acĩnĩ nẽẽgĩ, aitiõõ hatĩ hõllõngaa adtuuha, nẽ tananga má athĩknĩ, aitiõõ hatĩ hõllõngaa au aga.’

1 Korinthia 4:7

Ne ꞌcĩ ẽllẽẽmĩth hĩ ngagiit gẽrrẽẽt ko? Ne ꞌcĩ aꞌnyaku niig ꞌcĩ baa nga haaꞌnyĩhoothĩhuung ko? Nẽ má baa aaꞌnyĩhoothĩhuung ngagiit ꞌgii tĩho nẽ occa athĩngõõnyannu niig hutuno?

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

Eevvetho 1:9

Nẽẽthĩ ꞌyioko, eteretheeheet Nyekuci ngagĩĩt hagaac muhẽẽnĩt cĩ thooꞌthiok cĩgĩnnĩg ꞌcĩg ĩllõõan ꞌgẽẽnyĩth cĩ eetu, hĩnĩngĩtĩ Krĩstõ, muhẽẽnĩt ꞌcĩ attũbanẽẽkĩ nẽẽ thõõth cĩnnĩ ꞌcĩ abũnnaa.

Kolooꞌthe 4:5

Aaut jurrung hatĩ arũmeennu hĩ eet ꞌcĩg hõllõngaa ĩĩn lemmiook, illimatteek ĩhõõggõ nyeemuut cĩ Nyekuci hatĩ ammũdaannu ꞌgõõl ꞌcĩ arũmeennu hĩ ĩhõõggõ.

1 Tẽꞌthaloonika 4:12

Nẽẽthĩ hatĩ ꞌgõõlaa cĩ, au hatĩ iꞌngoliinnuung eeta cĩg battaalu ꞌcĩg nga hagaacõ thõõth cĩ Makayyiookto nẽ hatĩ iittiõõ hõllõngaa alihinnu ꞌgiimwa hĩ eet umwa tarĩ.

1 Timotteeo 3:7

Abũnnaa ĩĩn eet ꞌcĩ accamana eeta vẽlẽk dĩdĩ, hátĩ hiittiõõ hõllõngaa aꞌnyak ꞌthaar ꞌcĩg abathĩ nẽ udhuhoothĩk thooꞌthiok ꞌcĩg abathĩ cĩg habu cĩ loriẽẽt ꞌcĩg abathĩ.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.