Maarko 3:9 - ꞌBuuk cĩ Thõõth cĩ Nyekuci

⁹ Baa maka lothippiti cĩ eetu ho gẽrrẽẽt, nĩngĩtĩ aduhaakĩ Yeesu nuyyiook cĩgĩnnĩg haꞌnyakta haahũl haavvi nẽẽnĩ, hátĩ hiittiõõ hõllõngaa ẽẽhõnĩ eeta ĩnõõnnõ.

Maarko 3:9 ပူးပေါင်းရင်းမြစ်များ

Maatteeo 15:39

Ma baa ĩꞌthooĩk Yeesu lothippit ꞌgõõl ẽlẽk, ikia uduhun nẽẽ haahũl nẽ abaahĩ ũũk ĩĩcĩ ũbũtĩ cĩ looc ꞌcĩ haĩ Magadan.

Maarko 4:1

Ikia iꞌthianaaĩ Yeesu ngaatĩ allimanĩ eet dẽmẽtaa cĩ Bũlũc cĩ ꞌGalileea tarĩ. Baa maka lothippiti ꞌcĩ baa aluttiaak ĩnõõnnõ gẽrrẽẽt, nĩngĩtĩ adukni nẽẽ haahũlatõõ nẽ aau lothippiti cĩ eetu dẽmẽta.

Maarko 4:36

Nĩngĩtĩ ũũnnĩkĩ nẽẽg lothippit cĩ eetu nẽ otodit nuyyiooha haahũl hõdẽĩ hĩ Yeesu nẽ õõta. Baa aattĩg haahũlĩta ũgẽẽgĩ buúk ꞌcĩg õõkõr hĩ ĩnõõnnõ.

Maarko 5:2

Ma hĩdĩĩkoothong ĩcĩ ĩꞌngõthaaĩ Yeesu haahũla battaala, iita ommottio nẽẽ hĩ eet umwa ꞌcĩ aꞌnyak loriẽẽt ꞌcĩg abathĩ ꞌcĩ adukna ꞌlõõhĩtĩĩ cĩg daakiahu nĩngaata noho ꞌtur.

Maarko 5:30

Ma nĩngaata noho, ikia iiyyiela Yeesu ngaatĩ ũũhĩ ꞌtirriani umwaa ẽllaa cĩnnĩ battaala, nĩngĩtĩ abbuudẽnĩ nẽẽ lothippitatõõ nẽ ijino ĩĩ, “Nganĩ ꞌcĩ ahum cẽrẽm caannĩ ho?”

Maarko 6:32

Ma ho, otodit nẽẽg haahũl nẽ õõt ngaatĩ õõ aattiyyi ẽmmẽn.

ꞌLuuka 5:1

Baa kõr umwa abĩlĩ Yeesu dẽmẽtaa cĩ bũlũc ꞌcĩ haĩ ꞌJẽnẽꞌtharẽt, alliman lothippiꞌnya ꞌcĩg õꞌngõnyõõnĩ ꞌgõõl ꞌcĩ auuni hĩ ĩnõõnnõ, hiita hĩthĩhĩt thõõth cĩ Nyekuci.

ꞌLuuka 5:3

Ma nĩngaata, õtõd haahũl cĩ eet umwa ꞌcĩ haĩ ꞌThimõõnẽ nẽ uduhaak ĩnõõnnõ hẽẽjẽhĩ haahũl hĩdĩĩc bũlũcatõõ. Nĩngĩtĩ iccioloonganĩ haahũlatõõ nẽ illiman eeta.

Yõaannẽ 6:15

Ma baa õrõõta Yeesu ngaatĩ adiim aggamĩ eeta ĩnõõnnõ nẽ idiimito ĩttĩngatteek haarrik hĩĩ habu cĩnĩĩng ko, ikia ũũk nẽẽ muura hujjieen ngaatĩ baa adiim õkõ aayyi ẽmmẽn.