Maarko 3:7 - ꞌBuuk cĩ Thõõth cĩ Nyekuci

⁷ Ma baa õõt Yeesu hĩ nuyyiook cĩgĩnnĩg ĩĩcĩ bũlũcõ, ikia ũnũ lothippiti ꞌcĩ maka ꞌcĩ aku ꞌGalileea ĩnõõnnõ.

Maarko 3:7 ပူးပေါင်းရင်းမြစ်များ

Maatteeo 10:23

Ma adĩmannuung eeta ꞌbuth ngaamwaanĩ, ũtũngteek nĩngĩtĩho nẽ ivvirru oottu ngaatĩ ꞌrĩĩng. Haduhaakuunga, hõllõngaa hatĩ ẽdẽcaaku ngaatĩ ooyyu ꞌtaaũnnioohĩĩ cĩg Ĩꞌthĩraẽlĩ vẽlẽk, õõaa ꞌcĩ nga hikiaaĩ Ngeertĩ Eeto.

Maatteeo 12:15

Baa aga Yeesu thõõth ꞌcĩ atuhan nẽẽg ko, nĩngĩtĩ aku ũũnnĩkĩ nĩngĩtĩho. Nẽ baa maka lothippiti ꞌcĩ anũ ĩnõõnnõ gẽrrẽẽt, nĩngĩtĩ aaꞌnyĩkĩ eet cĩggĩĩng ꞌcĩg õmmõõrĩ vẽlẽk hũbũttaathõ,

Maatteeo 12:16

nẽ itilo ĩhõõggõ hiittiõõ hõllõngaa aduhaak eet umwa nganĩ nẽẽ.

Maatteeo 4:25

Baa anũ ĩnõõnnõ lothippiꞌnya ꞌcĩg mẽẽlĩg gẽrrẽẽt. Baa au ũgẽẽgĩ looccaa cĩ ꞌGalileea nẽ iita ũgẽẽgĩ ĩĩcĩ ꞌJeruꞌthalẽmĩ hĩ ũbũtẽẽt cĩg ꞌJudeea. Nẽ baa au ũgẽẽgĩ buúk ꞌtaaũnnioohĩĩ ꞌcĩg ĩĩn õmmõtõ, ĩcĩg agayyi haĩ Dekapoli nẽ abaakta ũgẽẽgĩ dhoortaa cĩ hidioo cĩ ꞌJõrdanĩ.

Maarko 1:39

Nĩngĩtĩ õvvõõĩ nẽẽ looc cĩ ꞌGalileea vẽlẽk, irrioonĩk eet ꞌCieethini cĩg Laiittak nẽ itiggia loriẽẽt ꞌcĩg abathĩ eleetinii cĩg eetuk.

Maarko 1:45

Ma ho, õkõ hinnia ẽẽtĩ nicciee ĩꞌthaanĩk nyeemuut nicci looc vẽlẽk, hikia haaꞌnyĩk Yeesu hitingõlĩ ngaatĩ õkõõĩ ꞌtaaũna lothippita nẽ awwua ꞌrẽẽna ngadiiha, ngaatĩ aitiõõnnĩ eeta tõõ. Aalla nẽẽ au eeta loonyini vẽlẽk, ammũdeek ĩnõõnnõ noho.

Maarko 3:20

Ma baa ũũk uduhun Yeesu ꞌcieeth, ikia uluttia lothippiti cobbi gẽrrẽẽt, hanyaman ĩnõõnnõ hĩ nuyyiook cĩgĩnnĩg ꞌgõõl ꞌcĩ aduhẽẽnĩ.

Maarko 4:1

Ikia iꞌthianaaĩ Yeesu ngaatĩ allimanĩ eet dẽmẽtaa cĩ Bũlũc cĩ ꞌGalileea tarĩ. Baa maka lothippiti ꞌcĩ baa aluttiaak ĩnõõnnõ gẽrrẽẽt, nĩngĩtĩ adukni nẽẽ haahũlatõõ nẽ aau lothippiti cĩ eetu dẽmẽta.

ꞌLuuka 23:5

Ara hinnia attĩnganeek nẽẽg thõõth noho aĩ, “Akannẽẽkĩ nẽẽ eet ꞌlimmaanaa cĩnnĩ looccaa cĩ ꞌJudeea, iꞌthianaanĩ ꞌGalileea ĩꞌthõng nĩngĩtĩ.”

ꞌLuuka 6:12

Ma kõr umwa waathinnioohĩ nĩĩcag noho, ũũk õtõd Yeesu muur nẽ ũũk ala Nyekuc nĩĩca haal.

ꞌLuuka 6:17

Ma baa ulluuccia nẽẽg muura hujjieen, iita ĩbĩlĩt nuyyiooha hĩ Yeesu ngamwaanĩ unaahatõõ. Baa irriamaneek ĩnõõnnõ lothippiti cĩ nuyyiook cĩgĩnnĩg hĩ eet ꞌcĩg mẽẽlĩg gẽrrẽẽt ꞌcĩg allũnganniaa looccaa cĩ ꞌJudeea hĩ ꞌJeruꞌthalẽma, hĩ ũgĩ ꞌcĩg au ĩĩcĩ dẽmẽt cĩ ꞌTire hĩ ꞌThidõõnẽ.

Yõaannẽ 7:41

Õthõõth ũgẽẽgĩ aĩ, “Ĩĩn nẽẽ Krĩstõ!” Nẽ baa nga õthõõth ũgẽẽgĩ aĩ, “Occa gõõng aku Krĩstõ ꞌGalileea hutuno?

Yõaannẽ 7:52

Ẽdẽcĩ nẽẽg Nikodemo anneek, “Akuu nii buúk ꞌGalileea? Tarraaban da ꞌyioko ꞌBuuk cĩ Nyekuci, occa ammũda hiꞌthihi põrõvẽtaac hõdẽẽthõng ꞌcĩ aku ꞌGalileea.”

Dtiicanĩ cĩg ꞌThooyyiahu 17:10

Ma baa baalin niccia noho, ĩꞌthõõcõ nuyyiooha cĩg Makayyiooktak Paaulo hĩ ꞌThĩĩla hõõt ĩĩcĩ ꞌtaaũn ꞌcĩ haĩ Berea. Ma baa õdõlanit ĩĩca, õõt uduhunit ꞌCieeth cĩ Laiitto cĩ ꞌJudeei.

Dtiicanĩ cĩg ꞌThooyyiahu 17:14

Ma ho, ĩꞌthõõcõ nuyyiooha Paaulo hũũk dẽmẽtaa cĩ bũlũcõ hidionganit Timotteeo hĩ ꞌThĩĩla dioo Berea.