Maarko 3:29 - ꞌBuuk cĩ Thõõth cĩ Nyekuci

²⁹ Nẽẽthĩ, ẽẽtĩ ꞌcĩ õdõõm Lori ꞌcĩ Ẽllẽẽmĩthĩ, aitiõõ hatĩ hõllõngaa ũũnnothoothĩk ꞌthẽccanẽẽta cĩgĩnnĩg ũdũt, hĩnĩngĩtĩ ĩdĩman nẽẽ ꞌthẽccan ꞌcĩ aalla ooo.”

Maarko 3:29 ပူးပေါင်းရင်းမြစ်များ

Maatteeo 25:46

“Nẽ hatĩ õõt nẽẽg ukẽẽttaa cĩ ꞌgwoo ꞌcĩ aalla ooo, nẽẽthĩ, eeta ꞌcĩg abũnnaa, õõ hatĩ nẽẽg rũgẽtaa ꞌcĩ aalla ooo.”

Maatteeo 9:3

Ma nĩngaata, othoothito ꞌlimmanniooha ũgẽẽgĩ cĩg nyattal cĩ Mũũꞌtha nyaagwaana ĩĩtõ, “Aĩ ẽẽtĩ ciee hĩĩnĩ Nyekuc!”

Maarko 12:40

Ĩĩn nẽẽg eet ꞌcĩg arratana ngaatĩbõyyĩꞌnya ijjio olooyyiohĩĩ cĩggĩĩng nẽ etereꞌthia eleeti cĩggĩĩng ngaatĩ aꞌnyahĩ laiinit ꞌcĩ uuni. Nẽẽthĩ, uuk hatĩ Nyekuci eet ꞌcĩg aattĩg noho gẽrrẽẽt!”

Maarko 3:30

Baa õthõõth Yeesu hoti, hĩnĩngĩtĩ baa aĩ eeta, “Aꞌnyak nẽẽ lori ꞌcĩ abathĩ ẽllaa cĩnnĩ.”

ꞌLuuka 12:10

Haduhaakuunga, occa ũũnnothoothĩk ꞌthẽccanẽẽta cĩg eet ꞌcĩ õdõõm Ngeertĩ Eeto, nẽẽthĩ, ẽẽtĩ ꞌcĩ õdõõm Lori ꞌcĩ Ẽllẽẽmĩthĩ, aitiõõ hatĩ ꞌthẽccanẽẽta cĩgĩnnĩg hõllõngaa ũũnnothoothĩk ũdũt.

2 Tẽꞌthaloonika 1:9

Uuk hatĩ Nyekuci ĩhõõggõ nẽ aaꞌnyĩk haccanattĩ ooo, nẽ hatĩ ũꞌnyũũgtothoothĩk nẽẽg battaala hĩĩtõ ꞌrẽẽttĩg hĩ Makayyioohit, hiittiõõ hõllõngaa acĩn ĩnõõnnõ hĩ bulẽẽnĩt hĩ ꞌtirrian cĩnnĩ.

ꞌJuud 1:13

Attiran eeta ꞌcĩg abũrĩ Nyekuc aattĩg hĩ tawanĩ, ꞌcĩ attarraak tahaha dẽmẽtaa cĩ liilu. Aꞌnyaha dtiicanĩ cĩggĩĩng ꞌcĩg abathĩ ho, ngaaoni. Aattĩg nẽẽg hĩ mũnyũnya ꞌcĩg arahanit ꞌcĩg õõt udtuuttĩk muguuraa cobbi gẽrrẽẽt ĩĩcĩ aalla ooo.

ꞌJuud 1:7

Nẽ ma hatarroꞌthu thõõth baa ꞌtaaũn cĩ ꞌThõõdõmĩ hĩ ꞌGõmõõra, hĩ ꞌtaaũnniook ũgĩ baag õbõhõõ hĩ ĩhõõggõ, baa adĩman eeta cĩg ꞌtaaũnniook iccig thooꞌthiok vẽlẽk ꞌcĩg abathĩ ꞌcĩg ĩĩn ꞌriiring. Nĩngĩtĩ aku atũũthĩ Nyekuci ꞌtaaũnniook tĩko ꞌgwoyyia, hĩĩ tilooinit ꞌcĩ uuki nẽẽ eet ꞌgwoyyiaa ꞌcĩ aalla ooo.