27 “Nẽ dĩdĩ, occa hõllõngaa aduhun ẽẽtĩ umwaa ꞌcieeth cĩ eet ꞌcĩ attiranĩ nẽ ũũhĩ ijjio cĩgĩnnĩg, hatĩ nga hẽcẽb ĩnõõnnõ. Occa nõõ ẽcẽb nẽẽ ĩnõõnnõ thõng, nẽẽthĩ ẽbẽlan ijjio cĩgĩnnĩg.
Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”
“Ĩcca occa ꞌthẽk aduhun eet umwaa ꞌcieeth cĩ eet ꞌcĩ attiran nẽ ĩgõrĩth ijjio cĩgĩnnĩg? Hõllõngaa nõõ occa ẽcẽb nẽẽ eet ꞌcĩ attiran ko thõng nẽẽthĩ, õcõõd ijjio?
Õdõlan kõrra ꞌcĩ etteedini thooꞌthioha cĩg eet cĩg looc nicci nẽ itiggiaoothĩk habuui cĩ looc nicci tuu!
Ĩllõõan hatĩ Nyekuci ꞌcĩ aaꞌnyeet ganõn ꞌThĩttaan nẽ iittiõõ makaaꞌthĩt ꞌcĩ occa ĩllõõannuung ꞌThĩttaanĩ tõõ. Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiita.
Ma baa ĩllõõan nẽẽ ꞌtirrian hĩ makaaꞌthĩt vẽlẽk ꞌcĩg ĩĩn mĩrõk cĩgĩnnĩg, ikia aꞌthalana nẽẽ ĩhõõggõ lothippita thõõthaa ꞌcĩ ĩllõõanĩ nẽẽ ĩhõõggõ hurucceea.
Hĩĩgĩn naag vẽlẽk eet ꞌcĩg haꞌnyak eleeti. Ĩnõõ ꞌcĩ aku ĩĩnnĩ Yeesu eet hĩ naag ko. Baa adaahĩ nẽẽ, hátĩ huruk habu cĩ loriẽẽt ꞌcĩg abathĩ, baa aꞌnyak ꞌtirrian ꞌcĩ aruhi eet.
Ẽẽtĩ ꞌcĩ aalla adĩman ꞌthẽccan, ĩĩn eet cĩ habu cĩ loriẽẽt ꞌcĩg abathĩ. Baa ẽꞌthẽcanõõ ꞌThĩttaanĩ baa ꞌthianaatta, nẽẽthĩ, baa aku Ngeertĩ Nyekuci hikia hõõga eet dtiicanẽẽnnĩ vẽlẽk ĩcĩg abathĩ ĩcĩg ꞌThĩttaanak.
Niig lohollia, ĩĩgĩnnu niig cĩg Nyekuci nẽ ĩllõõattu põrõvẽtaaꞌnya ꞌcĩg ĩĩn oloꞌngiaak ko. Hĩnĩngĩtĩ ĩllõõan Lorii ꞌcĩ aaĩ hĩ ngagiit ko, lori ꞌcĩ aaĩ loota nĩnga ho.