Maarko 3:22 - ꞌBuuk cĩ Thõõth cĩ Nyekuci

²² Baa õthõõth ꞌlimmanniooha ũgẽẽgĩ cĩg nyattal cĩ Mũũꞌtha, ꞌcĩg baag au ꞌJeruꞌthalẽma aĩ, “Aꞌnyak nẽẽ ꞌThĩttaan ꞌcĩ haĩ ꞌBeelthebub ẽllaa cĩnnĩ nẽ iiggia nẽẽ loriẽẽt ꞌcĩg abathĩ ho, makaaꞌthĩtaa ꞌcĩ ĩĩnnĩ habu cĩ loriẽẽt ꞌcĩg abathĩ.”

Maarko 3:22 ပူးပေါင်းရင်းမြစ်များ

Maatteeo 10:25

Ũũppan ngaatĩ occa aayyi loholeec cĩ ꞌthukuulo hĩ ꞌlimmannioohiti cĩnnẽẽnĩ nẽ occa ũũppan appahaca buúk ngaatĩ occa aayyi hĩ makayyioohiti cĩnnẽẽnĩ. Nẽ má aũyya eeta nganĩĩt baattĩ olu anneeka ꞌBeelthebub, aũ hinnia hatĩ eeta eet cĩg halang cĩnnĩ vẽlẽk anneek nganĩ?

Maatteeo 11:18

Hĩnĩngĩtĩ, ma baa aku Yõaannẽ nẽ hõllõngaa aduhi hode ahũdĩ, ainnu hinnia ‘Aꞌnyak nẽẽ lori ꞌcĩ abathĩ!’

Maatteeo 12:24

Ma baa athĩhĩ Variꞌtheei thõõth icci ho, iita ĩĩtõ, “ꞌBeelthebub makayyioohit cĩ loriẽẽt ꞌcĩg abathĩ, ꞌcĩ aaꞌnyĩk eet icci hitiggia loriẽẽt ꞌcĩg abathĩ ho.”

Maatteeo 15:1

Baa au Variꞌtheei ũgẽẽgĩ hĩ ꞌlimmanniook cĩg nyattal cĩ Mũũꞌtha ꞌJeruꞌthalẽma nẽ iita ijinit Yeesu ĩĩttĩk,

Maatteeo 9:34

Baa hinnia aĩ Variꞌtheei, “Habu cĩ loriẽẽt ꞌcĩg abathĩ ꞌcĩ aaꞌnyĩk ĩnõõnnõ makaaꞌthĩt ꞌcĩ iiggiaĩ loriẽẽt ꞌcĩg abathĩ ho.”

Maarko 7:1

Baa au aluttiaak Variꞌtheei ũgẽẽgĩ hĩ ꞌlimmanniook cĩg nyattal cĩ Mũũꞌtha ꞌcĩg baag au ꞌJeruꞌthalẽma Yeesu.

ꞌLuuka 11:15

Õthõõth hinnia eeta ũgẽẽgĩ aĩ, “Iiggia Yeesu loriẽẽt ꞌcĩg abathĩ ꞌtirriaanaa cĩ ꞌBeelthebubi habu cĩ loriẽẽt ꞌcĩg abathĩ!”

ꞌLuuka 5:17

Kõr umwa, baa nga alliman Yeesu eeta, iita Variꞌtheei hĩ ꞌlimmanniook cĩg nyattaalak ꞌcĩg baag au olooyyiohĩĩ cĩg ꞌGalileea hĩ ꞌJudeea hĩ ꞌJeruꞌthalẽma nẽ iita aauto loota nĩngaata. Nẽ baa ammũdeek aaĩ ꞌtirriani cĩ Makayyiookto hĩ Yeesu ꞌcĩ aaꞌnyĩkĩ nẽẽ eet ꞌcĩg õmmõõrĩ hũbũttaathõ.

Yõaannẽ 10:22

Ma baa ĩĩ lõõcĩ tagĩĩth, baa aaĩ Yeesu ꞌJeruꞌthalẽma, adak Karrama ꞌcĩ Aggataniini ꞌCieeth cĩ Nyekuci.

Yõaannẽ 7:20

Ẽdẽcĩ lothippiti Yeesu anneek, “Adaki nganiit maangõnĩ, hĩnĩngĩtĩ aꞌnyahi lori ꞌcĩ abathĩ. Ne ꞌcĩ aaꞌnyi nganiit muhuneek ngaatĩ aayyi eet ꞌcĩ occa adiim aruki nganiit ko?”

Yõaannẽ 8:48

Ma ho, edecit eeta cĩg ꞌJudeei Yeesu ĩĩttĩk, “Hẽbẽaneeka naag ngaatĩ haĩnna, ĩĩnnĩ nii Thamaritaanoc nẽ aꞌnyahi lori ꞌcĩ abathĩ.”

Yõaannẽ 8:52

Ma ngaati, ĩĩtõ eeta cĩg ꞌJudeei, “Hagayyia aattĩ dĩdĩ, ngaatĩ aꞌnyahĩ nii lori ꞌcĩ abathĩ! Baa adaahito Abũrahamĩ hĩ põrõvẽtaaꞌnya vẽlẽk nẽẽthĩ hinnia, aini nii, má aꞌthũũnnĩ ẽẽtĩ umwaa thõõth cunni, hõllõngaa occa adaahĩ ũdũt!