Maarko 3:20 - ꞌBuuk cĩ Thõõth cĩ Nyekuci

²⁰ Ma baa ũũk uduhun Yeesu ꞌcieeth, ikia uluttia lothippiti cobbi gẽrrẽẽt, hanyaman ĩnõõnnõ hĩ nuyyiook cĩgĩnnĩg ꞌgõõl ꞌcĩ aduhẽẽnĩ.

Maarko 3:20 ပူးပေါင်းရင်းမြစ်များ

Maarko 1:45

Ma ho, õkõ hinnia ẽẽtĩ nicciee ĩꞌthaanĩk nyeemuut nicci looc vẽlẽk, hikia haaꞌnyĩk Yeesu hitingõlĩ ngaatĩ õkõõĩ ꞌtaaũna lothippita nẽ awwua ꞌrẽẽna ngadiiha, ngaatĩ aitiõõnnĩ eeta tõõ. Aalla nẽẽ au eeta loonyini vẽlẽk, ammũdeek ĩnõõnnõ noho.

Maarko 2:1

Ma baa urutaa cĩ waathinniook ꞌcĩg abadtẽc haaga, ikia õbõdõõthĩ Yeesu ũũk ĩĩcĩ ꞌtaaũn cĩ Kapernaumĩ nẽ ĩꞌthanothoothĩk nyeemuut looc hĩdĩĩkoothong, ĩthĩhĩt eeta aĩ ikia nẽẽ õlõ.

Maarko 3:19

hĩ ꞌJuuda Ithkarioote ꞌcĩ hatĩ õkõ õhõppõõcan Yeesu.

Maarko 3:7

Ma baa õõt Yeesu hĩ nuyyiook cĩgĩnnĩg ĩĩcĩ bũlũcõ, ikia ũnũ lothippiti ꞌcĩ maka ꞌcĩ aku ꞌGalileea ĩnõõnnõ.

Maarko 3:9

Baa maka lothippiti cĩ eetu ho gẽrrẽẽt, nĩngĩtĩ aduhaakĩ Yeesu nuyyiook cĩgĩnnĩg haꞌnyakta haahũl haavvi nẽẽnĩ, hátĩ hiittiõõ hõllõngaa ẽẽhõnĩ eeta ĩnõõnnõ.

Maarko 6:31

Nĩngĩtĩ annẽẽkĩ Yeesu ĩhõõggõ, “Hõõt nõõ haaut ngaamwaanĩ ngadiiha ẽmmẽn hiyyiomanit hĩdĩĩc.” Hĩnĩngĩtĩ baa mẽẽlĩg eeta gẽrrẽẽt ꞌcĩg õõ, nẽ iita irigithit ũgẽẽgĩ thõng, hiittiõõ ꞌgõõl ꞌcĩ occa adahĩ ꞌthooyyiaha ꞌgẽẽn tõõ.

Maarko 7:17

Ma baa ũtũngeek Yeesu lothippit nẽ ũũk uduhun ꞌcieetõõ, iita ijinit nuyyiooha cĩgĩnnĩg ĩnõõnnõ huduha thõõth ꞌcĩ awantoothĩk ko.

Maarko 9:28

Ma baa urutaa ꞌcĩ uduhutti Yeesu ꞌcieetõõ hĩ nuyyiook cĩgĩnnĩg, õõt aauto ẽmmẽn nẽ iita ijinit nuyyiooha cĩgĩnnĩg ĩnõõnnõ ĩĩcĩ burki ĩĩttĩk, “Inni hatĩ hanyamaneet ngagĩĩt ngaatĩ hiiggiayyia lori ꞌcĩ abathĩ hata?”

ꞌLuuka 6:17

Ma baa ulluuccia nẽẽg muura hujjieen, iita ĩbĩlĩt nuyyiooha hĩ Yeesu ngamwaanĩ unaahatõõ. Baa irriamaneek ĩnõõnnõ lothippiti cĩ nuyyiook cĩgĩnnĩg hĩ eet ꞌcĩg mẽẽlĩg gẽrrẽẽt ꞌcĩg allũnganniaa looccaa cĩ ꞌJudeea hĩ ꞌJeruꞌthalẽma, hĩ ũgĩ ꞌcĩg au ĩĩcĩ dẽmẽt cĩ ꞌTire hĩ ꞌThidõõnẽ.