Maarko 3:2 - ꞌBuuk cĩ Thõõth cĩ Nyekuci

² Baa adiim Variꞌtheei ũgẽẽgĩ ammũda ꞌgõõl ꞌcĩ õhõppõõcanẽẽkĩ Yeesu thõõth ꞌcĩ abathĩ nẽ ebehit ĩnõõnnõ gẽrrẽẽt, hátĩ hĩcĩnĩt má aaꞌnyĩk nẽẽ eet nicci õmmõõrĩ ho hũbũna Kõrraa cĩ ꞌYiommaanõ ho dĩdĩ.

Maarko 3:2 ပူးပေါင်းရင်းမြစ်များ

Maatteeo 12:10

Nẽ baa aaĩ ẽẽtĩ umwaa ꞌcĩ alalliaa aꞌthiiti nĩngaata. Baa aattĩg Variꞌtheei ꞌcĩg adiim ẽdẽt Yeesu nẽ ijinit ĩnõõnnõ ĩĩttĩk, “Abũnnaa occa ngaatĩ haaꞌnyĩkĩ eet hũbũna Kõrraa cĩ ꞌYiommaanõ?”

Maarko 3:3

Ma nĩngaata, ikia uduhaak Yeesu eet ꞌcĩ alalliaa aꞌthiiti ho ĩĩnnĩk, “Tĩnga ꞌjieena bĩĩl hõrggẽẽna ngaatĩ acĩnni eeta vẽlẽk.”

ꞌLuuka 14:1

Kõr umwa cĩ ꞌYiommaanõ, baa õkõ aduhi Yeesu õlõõ cĩ Variꞌtheenit umwa ꞌcĩ agayyi gẽrrẽẽt. Nĩngĩtĩ arũũrrĩ eeta ĩnõõnnõ,

ꞌLuuka 20:20

Ma ho, iita akatti ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu hẽbẽrĩ nẽ itikta eet ꞌcĩg ĩĩn ꞌrootti hotogollioothĩk Yeesu hĩ eeta ꞌcĩg abũnnaa. Baa ẽdẽt nẽẽg Yeesu hatĩ aduha thõõth ꞌcĩ occa aaꞌnyĩk ĩhõõggõ haggamit ĩnõõnnõ nẽ ootti hĩ ꞌgaalac cobbi ꞌcĩ aꞌnyak makaaꞌthĩt hĩ ꞌtirrian ꞌcĩ ẽcẽbĩ eeta.

ꞌLuuka 6:7

Baa arrĩĩppan Variꞌtheei hĩ ꞌlimmanniook cĩg nyattaalak, ꞌgõõl ꞌcĩ occa adtuuhanĩ Yeesu ngaatĩ adĩmanĩ thõõth ꞌcĩ abathĩ, hátĩ hõhõppõõcanit ĩnõõnnõ haggamĩ. Nĩngĩtĩ akannĩ nẽẽg ĩnõõnnõ hẽbẽrĩ jurrung, hudtuukta hatĩ má occa ẽẽla eet Kõrraa cĩ ꞌYiommaanõ ho.

Yõaannẽ 8:6

Baa ajin nẽẽg Yeesu hoti, hummuddia ꞌgõõl ꞌcĩ occa aggamĩ ĩnõõnnõ. Nẽẽthĩ, baa aggiingi hinnia Yeesu nẽ ẽtẽhẽẽd looc attiaa cĩnnĩ.

Yõaannẽ 9:16

Nĩngĩtĩ aĩnnĩ Variꞌtheei ũgẽẽgĩ, “Aitiõõ ẽẽtĩ ciee hõllõngaa aku hĩ Nyekuc, hĩnĩngĩtĩ hõllõngaa aꞌthũũnnĩ nẽẽ Kõr cĩ ꞌYiommaanõ.” Baa hinnia õthõõth Variꞌtheei ũgẽẽgĩ aĩ, “Aga gõõng ẽẽtĩ ꞌcĩ ĩĩn ꞌthẽccannioohit ngaatĩ adĩmanĩ thooꞌthiok ꞌcĩg ĩnaat eeta hutuno?” Nĩngĩtĩ eꞌngeriini lothippiti cĩ Variꞌtheei.