Maarko 3:17 - ꞌBuuk cĩ Thõõth cĩ Nyekuci

¹⁷ ꞌJeemith hĩ ꞌgõtõnĩ Yõaannẽ, lõhõlĩ cĩg ꞌThebedeeo ꞌcĩg akanneek Yeesu ĩhõõggõ ꞌthaar ꞌcĩg haĩ Boanergeth, nĩngĩtĩ aĩ, “Lõhõlĩ cĩg Boroheecak.”

Maarko 3:17 ပူးပေါင်းရင်းမြစ်များ

Maatteeo 4:21

Ma baa nga õvvõ Yeesu nĩngaata, ikia ĩcĩn ꞌgõtõn ꞌramma tarĩ, ꞌJeemith hĩ Yõaannẽ ꞌcĩg baag akũmaneek nyelelewwaꞌnya cĩggĩĩng haahũlatõõ, hĩ maaꞌnyĩ cĩnĩĩng ꞌThebedeeo. Nĩngĩtĩ avvaanĩ Yeesu ĩhõõggõ buúk.

Maarko 10:35

Baa au lohollia cĩg ꞌThebedeeo ꞌJeemithi hĩ Yõaannẽ ammũdaak Yeesu nẽ ijinit ĩnõõnnõ ĩĩttĩk, “ꞌLimmannioohit, hadiimmi naag nganiit dticcaneeheet ꞌgiimwa ꞌcĩ hajinni nganiita.”

Maarko 14:33

Baa õõkõr Yeesu hĩ Pẽẽtũrũ hĩ ꞌJeemith hĩ Yõaannẽ. Ma ho, ulubaak ĩnõõnnõ tẽẽlꞌthĩtĩ hĩ mothiinit ꞌcĩ maka gẽrrẽẽt.

Maarko 3:16

Eet õmmõtõ hĩ ꞌramma ꞌcĩg ẽbẽra nẽẽ ho cieegi. ꞌThimõõnẽ ꞌcĩ akanneek Yeesu ꞌthaar ꞌcĩg haĩ Pẽẽtũrũ,

Maarko 3:18

Andrea, Pilippo, Bartolomeeo, Maatteeo, Tomaaꞌthio, ꞌJeemith ngeertĩ Aliveo, Tadeeo, ꞌThimõõnẽ baa gõõng ĩĩn ꞌThilot,

Maarko 5:37

Baa hõllõngaa ẽlẽmĩ Yeesu eet umwa hũnũ ĩnõõnnõ, baa ẽlẽmaakĩ nẽẽ Pẽẽtũrũ hĩ ꞌJeemith hĩ Yõaannẽ ꞌgõtõnĩ ꞌJeemithi diooni hũnnẽẽcõ ĩnõõnnõ.

Maarko 9:2

Ma baa urutaa cĩ waathinniook tõrkõnõn, ikia ũũhĩ Yeesu Pẽẽtũrũ hĩ ꞌJeemith hĩ Yõaannẽ, õõkõr õõ muuraa ꞌcĩ uuni ĩĩcĩ õõ aattiyyi ẽmmẽn aitiõõ eeta tõõ. Ma nĩngaata, ũtũhũĩ Yeesu hẽbẽrẽẽnnĩĩ cĩggĩĩng,

ꞌLuuka 9:54

Ma baa adtuuha nuyyiooha, ꞌJeemithi hĩ Yõaannẽ thõõth ꞌcĩ aaĩ hoti ho, õõt ijinit Yeesu ĩĩttĩk, “Makayyioohit, adiimmeet nii ngagĩĩt hutuvvuyyiaawa ꞌgwoo hẽẽtahujjieen hĩ baa Eliijja, hikia hũtũũth eet iccig?”

Yõaannẽ 21:2

Baa arũmĩ ꞌThimõõnẽ Pẽẽtũrũ hĩ Tomaaꞌthio ꞌcĩ haĩ ꞌthaar ũgĩ Diidimo hĩ Nathaniele ꞌcĩ aku ꞌtaaũnaa cĩ Kana looccaa cĩ ꞌGalileea, hĩ ꞌJeemith hĩ Yõaannẽ lõhõlĩ cĩg ꞌThebedeeo, hĩ nuyyiook ũgĩ ꞌramma nĩngaata.

Dtiicanĩ cĩg ꞌThooyyiahu 12:1

Ma waathinniook nicciag, ikia aggam habuui Ẽrõõdẽ eet ũgĩ cĩg lothippit cĩ lemmioohu, muhẽẽtta ꞌcĩ atĩkĩĩanĩ ĩhõõggõ ꞌcannaana.

Ebereei 4:12

Hĩnĩngĩtĩ arũgĩ thõõth cĩ Nyekuci nẽ attiranĩ. ꞌLẽhẽd hĩllõõan nyetuboot ꞌcĩ ꞌlẽhẽdĩ gẽrrẽẽt, ẽttẽẽd thõõth cĩ Nyekuci loriẽẽt hõdõlan lobulẽẽt hĩ õnyõ, ĩꞌthõng hũmmũda mũyan hĩ muhẽẽnĩt cĩ ꞌthinneeti cĩggaac.

Terethiinit 10:11

Nĩngĩtĩ anneeka mõlõõhĩ nicciee, “Tẽrẽth eet thooꞌthiok ꞌcĩg hatĩ au. Duhaak ꞌthẽk ĩhõõggõ vẽlẽk tarĩ, loonyinii cĩggĩĩng hĩ eet ꞌcĩg õthõõth thooꞌthiohĩ cũũmõ cũũmõ, hõdẽĩ hĩ habuẽẽt cĩggĩĩng vẽlẽk.”