Maarko 2:8 - ꞌBuuk cĩ Thõõth cĩ Nyekuci

⁸ Baa aga Yeesu muhẽẽnĩt cĩnĩĩng ko hĩdĩĩkoothong nẽ ijin ĩhõõggõ ĩĩnnĩk, “Inni ummuhit niig thooꞌthiok ꞌcĩg aattĩg noho ho?

Maarko 2:8 ပူးပေါင်းရင်းမြစ်များ

Maatteeo 12:15

Baa aga Yeesu thõõth ꞌcĩ atuhan nẽẽg ko, nĩngĩtĩ aku ũũnnĩkĩ nĩngĩtĩho. Nẽ baa maka lothippiti ꞌcĩ anũ ĩnõõnnõ gẽrrẽẽt, nĩngĩtĩ aaꞌnyĩkĩ eet cĩggĩĩng ꞌcĩg õmmõõrĩ vẽlẽk hũbũttaathõ,

Maatteeo 16:7

Baa õthõõth nuyyiooha nyaagwaana aĩ, “Õthõõth Yeesu hoti, hĩnĩngĩtĩ hataarriõthĩ naag ũbũnẽẽta.”

Maatteeo 9:4

Baa aga Yeesu muhẽẽnĩt cĩnĩĩng ko, nĩngĩtĩ annẽẽkĩ, “Inni ummuhit thooꞌthiok ꞌcĩg ĩĩn ꞌriiring ꞌthinneetinii cugguung ko?

Maarko 2:7

“Inni ꞌthẽk hõthõõth ẽẽtĩ ciee hoti ho? Ĩĩn ciee doominit hĩ Nyekuc. Nganĩ gõõng ꞌcĩ occa ammaannĩk eet, hĩnĩngĩtĩ ꞌthẽccanẽẽt cĩggĩĩng ko? Nyekuc dioo ꞌcĩ occa ammaannĩhĩ.”

Maarko 2:9

Thõõth iina ꞌcĩ ammũjĩ, ꞌcĩ hannẽẽkĩ eet icci õmmõõrĩ ho, ‘Ũtũngtoothĩk nganiit ꞌthẽccanẽẽta,’ hode ꞌcĩ hannẽẽkĩ, ‘Tĩnga, dũhan lotoonu cunni bĩtõ?’

Maarko 7:21

Hĩnĩngĩtĩ, muhẽẽnĩt ꞌcĩ aku ꞌthĩnĩtatõõ cĩ eeto, ꞌcĩ aaꞌnyĩk ĩnõõnnõ hĩdĩman thooꞌthiok ꞌcĩg abathĩ ꞌcĩg attihi ngaaĩ cĩg eetuk, ꞌcĩg igorꞌthiini, ꞌcĩg aruhi eet,

ꞌLuuka 24:38

Nẽ ijin Yeesu ĩhõõggõ ĩĩnnĩk, “Abarrittu gẽrrẽẽt noho inni? Ĩccaadduung ngagiit nii?

ꞌLuuka 5:22

Baa aga Yeesu muhẽẽnĩt cĩnĩĩng ko, nĩngĩtĩ ẽdẽcõõthĩkĩ ĩhõõggõ annẽẽkĩ, “Inni aꞌnyahit niig muhẽẽnĩt ꞌcĩ abathĩ ꞌthinneetinitõõ cugguung ko?

ꞌLuuka 6:8

Nẽẽthĩ, baa ammũdeek aga Yeesu muhẽẽnĩt cĩnĩĩng ko, nĩngĩtĩ annẽẽkĩ eet ꞌcĩ alalliaa ĩba cĩ aꞌthiit cobbi ho, “Ẽlẽ, tĩnga daho bĩĩl ꞌjieena hicitti eeta vẽlẽk.” Nĩngĩtĩ ĩꞌngaannĩ ẽẽtĩ noho warac nẽ ĩbĩl ꞌjieena nĩngaata.

Yõaannẽ 21:17

Ma ĩcĩ ĩĩn iyyio cĩnnĩ, õbõdẽẽhĩ Yeesu ijin ꞌThimõõnẽ Pẽẽtũrũ ĩĩnnĩk, “ꞌThimõõnẽ ngeertĩ Yõaannẽ, ammĩnannaa nii nganĩĩta?” Ma nĩngaata, ikia õmmõthĩ Pẽẽtũrũ gẽrrẽẽt ngaatĩ ajini Yeesu ĩnõõnnõ tabattĩ iyyio. Nĩngĩtĩ ẽdẽcĩ annẽẽkĩ, “Makayyioohit, aga nii thooꞌthiok vẽlẽk, aga ngaatĩ hammĩnanni naa nganiita.” Ẽdẽcĩ Yeesu anneek, “Tirok aꞌtha cĩgannĩg.

Yõaannẽ 6:64

Nẽẽthĩ, aattiyyu niig ũgẽẽgĩ ꞌcĩg hõllõngaa elemmu thõõth caannĩ.” Baa õthõõth Yeesu hoti, hĩnĩngĩtĩ baa aga nẽẽ ĩĩcĩ oou, ngaatĩ aattiyyi nuyyiooha ꞌcĩg hõllõngaa ẽlẽmĩ ĩnõõnnõ nẽ aga eet ꞌcĩ hatĩ õhõppõõcan ĩnõõnnõ ho.

Dtiicanĩ cĩg ꞌThooyyiahu 5:3

Ma ho, ĩĩ Pẽẽtũrũ, “Anania, alũllũmannii ꞌThĩttaanĩnganiit ꞌgõõl Lori ꞌcĩ Ẽllẽẽmĩth ngaatĩ itiangꞌthĩ ꞌrabbẽẽt aag aaꞌnyĩhoothikii, aa ũũtẽnĩ nii ijjio ho hutuno?

Dtiicanĩ cĩg ꞌThooyyiahu 8:22

Dẽẽthĩ muhẽẽttaa cunni ĩĩcĩ abathĩ ho nẽ alau Makayyioohit, horoong hatĩ ammaannikii nẽẽ, hĩnĩngĩtĩ muhẽẽnĩt ꞌcĩ abathĩ ꞌthĩnĩtaa cunni ho.

Ebereei 4:13

Aitiõõ ꞌgii baa ẽhẽnyta Nyekuci hõllõngaa occa aguꞌthi hẽbẽrẽẽnnĩĩ cĩgĩnnĩg, acĩn nẽẽ ꞌgii vẽlẽk cũrũmũũm, hĩnĩngĩtĩ haduhaak hatĩ naag ĩnõõnnõ thõõth ꞌcĩ ĩĩn dĩdĩ ꞌcĩ baa hidticanit naaga.

Terethiinit 2:23

Haruhi hatĩ naa nuyyiook cĩgĩnnĩg hadaahito nẽ hatĩ iita agaacõ lothippiꞌnya cĩg lemmioohu vẽlẽk, ngaatĩ ĩĩnnĩ nganĩĩt ꞌcĩ hatarraabani muhẽẽnĩt hĩ thooꞌthiok vẽlẽk ꞌcĩg aꞌnyak eeta ꞌthinneetinii cĩggĩĩng. Nẽ hatĩ hũdũmana naa eet hõdẽĩ hõdẽĩ ꞌgõõlaa ꞌcĩ adticaniini nẽẽgĩ.