Maarko 2:20 - ꞌBuuk cĩ Thõõth cĩ Nyekuci

²⁰ Nẽẽthĩ, aaĩ hatĩ kõrra umwaa ꞌcĩ ũũnnĩkĩ nyattaraan ĩhõõggõ nẽ hatĩ edettia nẽẽg eleeti kõr niccia.

Maarko 2:20 ပူးပေါင်းရင်းမြစ်များ

Maatteeo 26:31

Nẽ uduhaak Yeesu ĩhõõggõ ĩĩnnĩk, “Baalin nicci noho, ĩꞌthaaninnu hatĩ niig vẽlẽk ũtũngteehaangu nganĩĩt ẽmmẽn, hĩnĩngĩtĩ eheeddi aĩ, “ ‘Huuki hatĩ naa tũhayyioohit, hĩꞌthaanĩ nyalõmaar cĩ aꞌthaannu.’

Maatteeo 9:15

Ẽdẽcĩ Yeesu ĩhõõggõ anneek, “Occa gõõng ẽdẽta heerinniooha cĩg nyattaraanak eleeti ꞌgẽẽna, hatĩ nga arũmĩ hĩ ĩhõõggõ hutuno? Aku hatĩ kõrra ꞌcĩ aggammaanĩ lõõcĩ ĩhõõggõ nyattaraan, nẽẽthĩ hatĩ edettia nẽẽg eleeti ꞌgẽẽna.

Maarko 2:19

Ẽdẽcĩ Yeesu ĩhõõggõ anneek, “Hõllõngaa occa ẽdẽta eeta ꞌcĩg ĩĩn ꞌgõõnõgĩ nyattaraanak eleeti ꞌgẽẽna, hatĩ nga arũmĩ nẽẽ hĩ ĩhõõggõ.

Maarko 2:21

“Aitiõõ ẽẽtĩ umwaa ꞌcĩ occa ahubeek cẽrẽm ꞌcĩ ĩĩn ngeju cẽrẽmaa ꞌcĩ ũnũũk tõõ. Má uhubeeha, ẽrrẽẽc hinnia hatĩ cẽrẽm ꞌcĩ ĩĩn ngeju cẽrẽm ꞌcĩ ũnũũk ko, hĩĩ maka loppulacĩ.

ꞌLuuka 17:22

Nĩngĩtĩ aduhaakĩ Yeesu nuyyiook annẽẽkĩ, “Au hatĩ waathinniooha ꞌcĩg adiim acinnu Ngeertĩ Eeto, nẽẽthĩ hinnia, aitiõõ hatĩ hõllõngaa acinnu.

ꞌLuuka 5:35

Nẽẽthĩ, aku hatĩ kõrra ꞌcĩ aggamiaanĩ nyattaraan hĩ ĩhõõggõ, waathinniook tĩko thĩ ꞌcĩg hatĩ ẽdẽtaanĩ nẽẽg eleeti.”

Yõaannẽ 12:8

Arũmeennu hatĩ niig hõdõõkõthĩ hĩ eet ꞌcĩg appĩĩrna, nẽẽthĩ, aitiõõ hatĩ hõllõngaa harũmĩ hĩ nganĩĩt ũdũt.”

Yõaannẽ 13:33

“Lõhõlĩ cĩgannĩg, harũmĩ hatĩ naag hĩ ngagiit ꞌthaa ꞌcĩ abadtẽc haaga. Adiimmaangu hatĩ niig nganĩĩta, hĩ baa haduhaahi naa eet cĩg ꞌJudeei, nẽẽthĩ ꞌyioko, haduhaakuung ngagiit buúk. Ĩĩcĩ hõkõõĩ naa ho, hõllõngaa occa auunnu niig buúk.

Yõaannẽ 16:28

Baa hakuu naa hĩ Baaba hikia looccaa nĩĩcĩ nẽ ꞌyioko hũtũngeeha naa looc nicci, hobodootha hĩ Baaba.”

Yõaannẽ 16:7

Nẽẽthĩ haduhaakuung dĩdĩ, hõkõ naa ĩĩmwaanĩ, hĩnĩngĩtĩ bũnnai cunuung. Ma hõllõngaa hõkõ, aitiõõ hatĩ Ellioohiti hõllõngaa aku hĩ ngagiita nẽ má hũũha, hõkõ hatĩ hĩꞌthõõakuung ngagiit ĩnõõnnõ.

Yõaannẽ 17:11

Iittiõõ hatĩ naa hõllõngaa haalla loota nĩnga, nẽẽthĩ, nga aalla nẽẽg looccaa nĩĩcĩ, nẽẽthĩ ꞌyioko, hikia naa hĩ nganiita. Baaba ꞌcĩ Ẽllẽẽmĩthĩ, ꞌthũũtĩ ĩhõõggõ ꞌtirriaanaa cĩ ꞌthaar cugunnig, ꞌthaar baag aaꞌnyaa nii nganĩĩta, hátĩ hũrũmtĩ nẽẽg hõdẽĩ hĩcĩ harũmĩ naag hĩ nganiita.

Yõaannẽ 17:13

“Hikia ꞌyioko naa hĩ nganiita, nẽẽthĩ, haduha thooꞌthiok iccig nga haaĩ loota nĩnga, hátĩ haꞌnyahit nẽẽg taliinit caannĩ vẽlẽk hõrggẽẽnaa cĩnĩĩng.

Yõaannẽ 3:29

“Hatĩ aꞌthũwanni loholeec ꞌcĩ ngayyi nyahũũtaawa, atalĩ ꞌgoonnia ngaatĩ aayyi nĩngaata, hátĩ hĩthĩk molook cĩ nyattaraanõ. Ĩnõõ ꞌcĩ haccamanõõthĩkĩĩ naa gẽrrẽẽt ko.

Dtiicanĩ cĩg ꞌThooyyiahu 1:9

Ma baa uduha Yeesu thõõth icci ẽlẽk, õdõngĩ nẽẽ ũũk hẽẽtahujjieen acĩn ꞌthooyyiaha vẽlẽk, nĩngĩtĩ ammanyaniini nẽẽ diithatõõ.

Dtiicanĩ cĩg ꞌThooyyiahu 14:23

Ma nĩngaata, eberria Paaulo hĩ Baarnaba makayyiook cĩg lothippiꞌnya cĩg lemmioohu cũũmõ cũũmõ. Ma ho, edettia eleeti ꞌgẽẽna nẽ alaacõ Makayyioohit, hátĩ gõõng hũꞌthũũtĩ makayyiook iccig.

Dtiicanĩ cĩg ꞌThooyyiahu 3:21

Nẽẽthĩ, adiim aalla Yeesu hẽẽtahujjieen ĩꞌthõng hikia kõrra ꞌcĩ aaꞌnyĩkĩ Nyekuci hẽlẽggĩ vẽlẽk hĩĩtõ ngeju, hĩ baa aduha põrõvẽtaaꞌnya baag ẽllẽẽmĩth baarkit.

1 Korinthia 7:5

Ma haburru ngaatĩ attihoonnu, horoong thĩ hatĩ elemoonnu ngaatĩ abillu ꞌtihõõnĩt hĩdĩhĩdĩĩc, hátĩ alayyio nõõ thõng. Nẽẽthĩ hátĩ iittiõõ ꞌThĩttaanĩ hõllõngaa attĩmannuunga, hĩnĩngĩtĩ hõllõngaa uullu ngaatĩ aggammu eleeti cugguung jurrung.

2 Korinthia 11:2

Harrĩcanaannuung naa ngagiit hĩ Nyekuci, hĩnĩngĩtĩ baa aattiyyu niig hĩ bũhẽẽcĩ ꞌcĩ nga hũꞌthũwanĩ ꞌcĩ hẽbẽraahi naa Krĩstõ diooni.

2 Korinthia 11:27

Baa hadticanii naa gẽrrẽẽt nẽ haꞌnyaha baalinniook ꞌcĩg mẽẽlĩg hiꞌthihi ũꞌnyaak nẽ haau uraa, aamma kõrra, hiꞌthihi ꞌgii ꞌcĩ hadahi. Ahũdda lajjõ hĩnĩngĩtĩ hiꞌthihi ceremwa ꞌcĩg habungẽẽnĩ jurrung, hatĩ alalĩ lõõcĩ.

2 Korinthia 6:5

Baa huuktea naag nẽ haarrihoothĩha baabuuthatõõ nẽ uukeet lothippiti ngagĩĩt tabattĩ mẽẽlĩg. Hidticattooa naag gẽrrẽẽt nẽ hacĩneenna haal hiꞌthihi ꞌgẽẽn.

Terethiinit 19:7

Haccamattoothĩk nẽ hubuluthit ĩnõõnnõ, hĩnĩngĩtĩ ikia kõrra cĩ nyahũũta cĩ Mĩꞌnyoono nẽ ũkũmanoothĩk ngaa cĩnnĩ ẽlẽk.

Terethiinit 21:9

Ma nĩngaata, ikia aajĩlõ umwaa ꞌgoonoginnii ĩbaag ĩĩn tũkĩramma, baag aꞌnyak lohilihilit ꞌcĩg abbĩꞌthĩĩ ꞌthereeni ꞌcĩg abathĩ gẽrrẽẽt nẽ ĩnnĩhaa, “Ijjia da ngaati! Hadiimi heterꞌtheekii ngaa cĩ nyattaraanõ ꞌcĩ hatĩ ĩĩn ngaa cĩ Mĩꞌnyoono.”