Maarko 2:2 - ꞌBuuk cĩ Thõõth cĩ Nyekuci

² Nĩngĩtĩ allũnganniaanĩ eeta ꞌcĩg mẽẽlĩg auuni hĩbbĩt ꞌcieeth hõdõlan hattũũg, hiittiõõ nĩngĩtĩ idiongan tõõ. Nẽ ikia illimaneek Yeesu ĩhõõggõ thõõth cĩ Nyekuci.

Maarko 2:2 ပူးပေါင်းရင်းမြစ်များ

Maatteeo 5:2

Baa alliman Yeesu ĩhõõggõ anneek,

Maarko 1:14

Ma baa urutaa ꞌcĩ aarĩhõõthĩhĩ Yõaannẽ baabuuth ẽlẽk, ikia ũũk Yeesu ꞌGalileea nẽ ũũk illiman nyeemuut ꞌcĩ abũnnaa cĩ Nyekuci.

Maarko 1:33

Baa allũnganniaa eeta vẽlẽk cĩg ꞌtaaũn cĩ Kapernaumĩ, hiita hĩbbĩtĩt hirriamatteek hattũũg cĩ ꞌcieeth ꞌcĩ ꞌThimõõnẽ ho.

Maarko 1:37

Ma baa õõ ammũda ho, õõt uduktaak ĩĩttĩk, “Adiimmi eeta vẽlẽk nganiita.”

Maarko 1:45

Ma ho, õkõ hinnia ẽẽtĩ nicciee ĩꞌthaanĩk nyeemuut nicci looc vẽlẽk, hikia haaꞌnyĩk Yeesu hitingõlĩ ngaatĩ õkõõĩ ꞌtaaũna lothippita nẽ awwua ꞌrẽẽna ngadiiha, ngaatĩ aitiõõnnĩ eeta tõõ. Aalla nẽẽ au eeta loonyini vẽlẽk, ammũdeek ĩnõõnnõ noho.

Maarko 2:1

Ma baa urutaa cĩ waathinniook ꞌcĩg abadtẽc haaga, ikia õbõdõõthĩ Yeesu ũũk ĩĩcĩ ꞌtaaũn cĩ Kapernaumĩ nẽ ĩꞌthanothoothĩk nyeemuut looc hĩdĩĩkoothong, ĩthĩhĩt eeta aĩ ikia nẽẽ õlõ.

Maarko 2:13

Ma baa ikia õbõdõõthĩ Yeesu ũũk ĩĩcĩ dẽmẽt cĩ Bũlũc cĩ ꞌGalileea tarĩ, baa aku lothippiti cobbi gẽrrẽẽt irriamaneek ĩnõõnnõ, nĩngĩtĩ iꞌthianaanĩ nẽẽ allimanĩ ĩhõõggõ.

Maarko 6:34

Ma baa uduhuna Yeesu haahũla battaala, acĩn hinnia lothippit cobbi gẽrrẽẽt nẽ atamaatĩk ĩhõõggõ, hĩnĩngĩtĩ baa aattĩg nẽẽg hĩ aꞌtha ꞌcĩg aitiõõ tũhayyioohiti tõõ. Nĩngĩtĩ iꞌthianaanĩ nẽẽ allimanĩ ĩhõõggõ thooꞌthiok ꞌcĩg mẽẽlĩg.

ꞌLuuka 12:1

Baa aluttiaak eeta ꞌcĩg ĩĩn aalibꞌnya ꞌcĩg mẽẽlĩg ngaatĩ aayyi Yeesu ĩꞌthõng haathito ũgẽẽgĩ ꞌgõõnõgĩ. Nĩngĩtĩ iꞌthianaanĩ nõõ Yeesu irrioonĩkĩ nuyyiook cĩgĩnnĩg annẽẽkĩ, “Ma haaꞌnyiku ꞌlimman cĩ Variꞌtheei hidiahanuunga. Ĩĩn ꞌlimmanĩ cĩnĩĩng ko õlõng.

ꞌLuuka 5:17

Kõr umwa, baa nga alliman Yeesu eeta, iita Variꞌtheei hĩ ꞌlimmanniook cĩg nyattaalak ꞌcĩg baag au olooyyiohĩĩ cĩg ꞌGalileea hĩ ꞌJudeea hĩ ꞌJeruꞌthalẽma nẽ iita aauto loota nĩngaata. Nẽ baa ammũdeek aaĩ ꞌtirriani cĩ Makayyiookto hĩ Yeesu ꞌcĩ aaꞌnyĩkĩ nẽẽ eet ꞌcĩg õmmõõrĩ hũbũttaathõ.

ꞌLuuka 8:1

Ma urutaa cĩnnĩ, ĩtĩnga Yeesu ũũk illimaneek eet nyeemuut ꞌcĩ abũnnaa cĩ habuccieet cĩ Nyekuci ꞌtaaũnnioohĩ hĩ olooyyiohĩ. Baa õõkõr nẽẽ hĩ ꞌthooyyiak baag ĩĩn õmmõtõ hĩ ꞌramma,

ꞌLuuka 8:11

“Aĩ ꞌlimmanĩ ꞌcĩ awantoothĩk ko nẽẽ, ĩthakꞌthoothĩk hinyomona ꞌcĩg athacci ho thõõth cĩ Nyekuci.

Dtiicanĩ cĩg ꞌThooyyiahu 11:19

Baa ĩꞌthaanni nuyyiooha ũgẽẽgĩ, hĩnĩngĩtĩ pĩĩrnanĩt ꞌcĩ abathĩ gẽrrẽẽt baa iꞌthianaanĩ kõr baa aruhẽẽnĩ Tẽẽvẽnõ. Baa avvir nẽẽg õõ ꞌrẽẽna loonyinii cĩg Venicia hĩ Ciporo hĩ ꞌtaaũnaa cĩ Antiohĩ, nẽẽthĩ hinnia baa õõ aduhaak nẽẽg eet cĩg ꞌJudeei dioo nyeemuut.

Dtiicanĩ cĩg ꞌThooyyiahu 14:25

ngaatĩ baa õõ allimanĩ eet ꞌtaaũnaa cĩ Pẽrga. Ma nĩngaata, ulluucci õõt ꞌtaaũnaa cĩ Attalia.

Dtiicanĩ cĩg ꞌThooyyiahu 16:6

Baa õvvõ Paaulo hĩ ꞌgõõnõgĩ looc cĩ Virigia hĩ ꞌGalaaꞌthia hũtũrũũr. Nẽẽthĩ, baa hõllõngaa ẽlẽmaakĩ Lorii ꞌcĩ Ẽllẽẽmĩth ĩhõõggõ hillimattõõ looccaa cĩ Aaꞌthia.

Dtiicanĩ cĩg ꞌThooyyiahu 8:25

Ma urutaa ꞌcĩ illimattẽẽhĩ Pẽẽtũrũ hĩ Yõaannẽ eet nyeemuut ꞌcĩ abũnnaa cĩ Makayyioohit Yeesu ꞌtaaũna ĩĩca ẽlẽk, baa nẽẽ illimanit eet olooyyiohĩĩ ꞌcĩg mẽẽlĩg ĩĩcĩg Thamaria vẽlẽk nẽ oboddioothĩ ꞌJeruꞌthalẽma.

ꞌRooma 10:8

Nẽẽthĩ, aĩ thõõth ciee ne? Aĩ, “Õbõhĩ nyeemuut hĩ nganiit aau ojoonu, aau ũtũũga hĩ ꞌthĩnĩtaa cunni.” Nẽ aduhõõ nyeemuut ciee hĩ lemiinit ꞌcĩ hirrioonna naag ko thõng, thõõth cĩ lemiinit ꞌcĩ hirrioonna naag ko niccia.

2 Timotteeo 4:2

ꞌLimmaneek eet thõõth cĩ Nyekuci jurrung, tananga ammũjĩ hode õkõmĩ ngaatĩ adĩmanĩĩ noho, raa ꞌlimmaneek eet thõõth cĩ Nyekuci ooo, tẽrẽth eet ꞌgoolliok ꞌcĩg abathĩ, ꞌgerenyeek ꞌthẽccanniook, aꞌnyĩĩk ꞌthinneeti cĩggĩĩng hokomit nẽ ꞌlimmanõ ꞌthĩnĩtaa cĩ õkõmĩ.