Maarko 2:15 - ꞌBuuk cĩ Thõõth cĩ Nyekuci

¹⁵ Ma baa uruta, iita udukto Yeesu hĩ eet ꞌcĩg mẽẽlĩg ꞌcĩg alũt occoro hĩ ꞌthẽccanniook, hĩ nuyyiook cĩgĩnnĩg õlõõ cĩ ꞌLeevi. Baa mẽẽlĩg eeta gẽrrẽẽt ꞌcĩg anũ ĩnõõnnõ.

Maarko 2:15 ပူးပေါင်းရင်းမြစ်များ

Maatteeo 5:46

Má ammĩnannu niig eet ꞌcĩg ammĩnannuung ngagiit diooni, adũmannuung occa hatĩ Nyekuci hĩnĩngĩtĩ thõõth niccia? Ammĩnan eeta ꞌcĩg alũt occoro buúk ꞌgõõnõgĩ.

Maarko 2:14

Ma baa nga õvvõ nẽẽnĩ, ẽdẽẽnyõthĩ ꞌLeevi ngeertĩ Aliveo, iccioloongan ngaatĩ adũmanĩ eeta occoro. Nĩngĩtĩ annẽẽkĩ ĩnõõnnõ, “Nũaa nganĩĩta!” Ma ho, ikia ĩtĩnga ꞌLeevi nẽ ũnũ ĩnõõnnõ.

Maarko 2:16

Ma baa acĩn ꞌlimmanniooha cĩg nyattal cĩ Mũũꞌtha ꞌcĩg baag ĩĩn Variꞌtheei Yeesu, ngaatĩ aduhẽẽnĩ hĩ eet ꞌcĩg alũt occoro hĩ ꞌthẽccanniook ko, ijinit nẽẽg nuyyiook cĩgĩnnĩg ĩĩttĩk, “Inni hudukto Yeesu hĩ eet ꞌcĩg alũt occoro hĩ ꞌcĩg ĩĩn ꞌthẽccanniook hõdẽĩ ho?”

ꞌLuuka 15:1

Kõr umwa, baa alũtoothĩk eeta ꞌcĩg alũt occoro hĩ ꞌthẽccanniook Yeesu, hátĩ hĩthĩhĩt ꞌlimman cĩnnĩ.

ꞌLuuka 6:17

Ma baa ulluuccia nẽẽg muura hujjieen, iita ĩbĩlĩt nuyyiooha hĩ Yeesu ngamwaanĩ unaahatõõ. Baa irriamaneek ĩnõõnnõ lothippiti cĩ nuyyiook cĩgĩnnĩg hĩ eet ꞌcĩg mẽẽlĩg gẽrrẽẽt ꞌcĩg allũnganniaa looccaa cĩ ꞌJudeea hĩ ꞌJeruꞌthalẽma, hĩ ũgĩ ꞌcĩg au ĩĩcĩ dẽmẽt cĩ ꞌTire hĩ ꞌThidõõnẽ.