Maarko 2:13 - ꞌBuuk cĩ Thõõth cĩ Nyekuci

¹³ Ma baa ikia õbõdõõthĩ Yeesu ũũk ĩĩcĩ dẽmẽt cĩ Bũlũc cĩ ꞌGalileea tarĩ, baa aku lothippiti cobbi gẽrrẽẽt irriamaneek ĩnõõnnõ, nĩngĩtĩ iꞌthianaanĩ nẽẽ allimanĩ ĩhõõggõ.

Maarko 2:13 ပူးပေါင်းရင်းမြစ်များ

Maatteeo 13:1

Ma kõr niccia noho, ikia ũtũngeek Yeesu õlõ nẽ ũũk aau dẽmẽtaa cĩ bũlũc cĩ ꞌGalileea nẽ illimanõõ.

Maatteeo 9:9

Ma baa ĩtĩnga Yeesu nĩngaata ũũha, ikia ẽdẽẽnyõthĩ eet umwa ꞌcĩ haĩ Maatteeo iccioloongan ngaatĩ aayyi ẽẽtĩ ꞌcĩ alũt occoro. Ma ho, ũtũvvũ ĩnõõnnõ ĩĩnnĩk “Ijjia nũaa nganĩĩta.” Nĩngĩtĩ ĩꞌngaannĩ Maatteeo nĩĩcĩ noho nẽ ũnũ ĩnõõnnõ.

Maarko 1:45

Ma ho, õkõ hinnia ẽẽtĩ nicciee ĩꞌthaanĩk nyeemuut nicci looc vẽlẽk, hikia haaꞌnyĩk Yeesu hitingõlĩ ngaatĩ õkõõĩ ꞌtaaũna lothippita nẽ awwua ꞌrẽẽna ngadiiha, ngaatĩ aitiõõnnĩ eeta tõõ. Aalla nẽẽ au eeta loonyini vẽlẽk, ammũdeek ĩnõõnnõ noho.

Maarko 10:1

Baa ikia ũtũngeek Yeesu looc cĩ Kapernaumĩ nẽ ũũk ĩĩcĩ looc cĩ ꞌJudeea nẽ ũũk abaahĩ lĩĩl cĩ hidioo cĩ ꞌJõrdanĩ. Baa aalla aluttiaak lothippiti cobbi gẽrrẽẽt ĩnõõnnõ tarĩ, nĩngĩtĩ allimanĩ ĩhõõggõ hĩ gõõng hõdõõkõthĩ.

Maarko 2:2

Nĩngĩtĩ allũnganniaanĩ eeta ꞌcĩg mẽẽlĩg auuni hĩbbĩt ꞌcieeth hõdõlan hattũũg, hiittiõõ nĩngĩtĩ idiongan tõõ. Nẽ ikia illimaneek Yeesu ĩhõõggõ thõõth cĩ Nyekuci.

Maarko 4:1

Ikia iꞌthianaaĩ Yeesu ngaatĩ allimanĩ eet dẽmẽtaa cĩ Bũlũc cĩ ꞌGalileea tarĩ. Baa maka lothippiti ꞌcĩ baa aluttiaak ĩnõõnnõ gẽrrẽẽt, nĩngĩtĩ adukni nẽẽ haahũlatõõ nẽ aau lothippiti cĩ eetu dẽmẽta.

ꞌLuuka 19:48

Nẽẽthĩ, baa aꞌnyaman ĩhõõggõ ꞌgõõl ꞌcĩ occa aruhi, hĩnĩngĩtĩ baa aalla eeta vẽlẽk nĩngaata athĩhĩ ĩnõõnnõ.

ꞌLuuka 21:38

Nẽ baa au eeta vẽlẽk ngerrenita hiita hĩthĩhĩt ĩnõõnnõ ꞌCieethaa cĩ Nyekuci.