Maarko 2:12 - ꞌBuuk cĩ Thõõth cĩ Nyekuci

¹² Ma ho, ĩtĩnga ẽẽtĩ nicciee hẽbẽrẽẽnnĩĩ cĩg eet vẽlẽk nẽ ũdũhan lotoonu cĩnnĩ nĩngĩtĩ õkõõĩ, acĩn lothippiti vẽlẽk. Baa abulan thõõth ciee eet vẽlẽk nẽ ĩdĩhĩthĩt nẽẽg Nyekuc gẽrrẽẽt ĩĩtõ, “Gõõng nga hĩcĩtta thõõth ꞌcĩ aaĩ hoti ũdũt!”

Maarko 2:12 ပူးပေါင်းရင်းမြစ်များ

Maatteeo 12:23

Ma nĩngaata ikia ubulan thõõth ciee eet gẽrrẽẽt nẽ ijitto ĩĩtõ, “Ĩĩn occa ẽẽtĩ ciee Ngeertĩ Daavide?”

Maatteeo 15:31

Ma nĩngaata, iita atalit eeta hõdẽĩ hõdẽĩ, hĩnĩngĩtĩ ꞌgii ꞌcĩ adtuuha hĩ ꞌcĩ athĩhĩ nẽẽgĩ. Iita othoothito eeta baag hõllõngaa õthõõthĩ. Iita õtõõcõ ꞌngoolliaha nẽ ĩcĩttĩ eeta baag rubettẽẽgĩ nẽ ĩdĩhĩthĩt eeta Nyekuc cĩ Ĩꞌthĩraẽlĩ.

Maatteeo 9:33

Ma urutaa cĩ itiggiaĩ Yeesu lori ꞌcĩ abathĩ, ikia õthõõth ẽẽtĩ lõꞌngõõc. Baa akuleek lothippiti ꞌjieen nĩngĩtĩ õthõõthĩ eeta aĩnnĩ, “Gõõng nga hedeeꞌnyia thõõth ꞌcĩ aaĩ hoti Ĩꞌthĩraẽla hũtũrũũr!”

Maatteeo 9:8

Ma baa acĩn lothippiti thõõth icci ho, iita aꞌngalilli nẽẽg gẽrrẽẽt ũdũt nẽ ĩdĩhĩthĩt Nyekuc ꞌcĩ aaꞌnyĩk eet makaaꞌthĩt ꞌcĩ aaĩ noho ho.

Maarko 1:27

Baa abulan thõõth ciee eet vẽlẽk gẽrrẽẽt nẽ ijitto nyaagwaana ĩĩtõ, “Ne occa gõõng ciee? Occa ĩĩn ciee ꞌlimman ꞌcĩ nga ĩĩn ngeju ꞌcĩ attiran gẽrrẽẽt! Athĩhĩ aattĩ loriẽẽta ꞌcĩg abathĩ buúk ĩnõõnnõ.”

Maarko 2:11

“Hanneekii naa nganiit tĩnga, dũhan lotoonu cunni bĩĩt ĩĩcĩ olu.”

ꞌLuuka 13:13

Nĩngĩtĩ ahumi Yeesu ĩnõõnnõ hĩbĩl ꞌcũl hĩdĩĩkoothong nẽ iꞌthianaaĩ ĩdĩhĩth Nyekuc.

ꞌLuuka 17:15

Ma adtuuha umwaa ngaatĩ abũnnayyĩ ho, õbõda ĩdĩhĩtha Nyekuc ꞌjieena moloohaa cobbi.

ꞌLuuka 5:26

Baa nẽ ubulan thõõth ciee lothippit niccia hũtũrũũr nẽ ĩdĩhĩthĩt Nyekuc ĩĩtõ, “Hĩcĩtta aattĩ kõr nicci ꞌgii ꞌcĩ gõõng nga hĩcĩtta hõdõõkõthĩ.”

ꞌLuuka 7:16

Ma nĩngaata, ubulan thõõth ciee eet vẽlẽk ꞌcĩg aattĩg nĩngaata, nĩngĩtĩ au adĩkꞌthĩ Nyekuc gẽrrẽẽt aĩnnĩ, “Uppwaannaheet aattĩ põrõvẽtaacĩ cobbi gẽrrẽẽt. Ikia ẽla Nyekuci eet cĩgĩnnĩg.”

Yõaannẽ 7:31

Baa mẽẽlĩg eeta ꞌcĩg ẽlẽmĩ ĩnõõnnõ lothippitatõõ ꞌCieethaa cĩ Nyekuci. Nĩngĩtĩ aĩnnĩ, “Ma ikia Krĩstõ, ammuku niig aku occa hatĩ adtican thooꞌthiok ꞌcĩg ĩnaat eeta ꞌcĩg ĩllõõan ꞌcĩg adtican ẽẽtĩ cieeni?”

Yõaannẽ 9:32

Nganĩngĩtĩ ẽhẽnytaanĩ lõõcĩ, nga hĩthĩhĩt eeta eet ꞌcĩ aaꞌnyĩk eet ꞌcĩ arrittiaa ruben hĩcĩnĩ.

Dtiicanĩ cĩg ꞌThooyyiahu 4:21

Nĩngĩtĩ ẽggẽrꞌnyẽẽkĩ makayyiooha Pẽẽtũrũ hĩ Yõaannẽ nẽ aanytĩk hõõt. Baa hõllõngaa ammũda nẽẽg thõõth ꞌcĩ occa uuki ĩhõõggõ, hĩnĩngĩtĩ baa adĩhĩth eeta vẽlẽk Nyekuc thooꞌthiohĩĩ ꞌcĩg adtican nẽẽg ko.