Maarko 2:1 - ꞌBuuk cĩ Thõõth cĩ Nyekuci

¹ Ma baa urutaa cĩ waathinniook ꞌcĩg abadtẽc haaga, ikia õbõdõõthĩ Yeesu ũũk ĩĩcĩ ꞌtaaũn cĩ Kapernaumĩ nẽ ĩꞌthanothoothĩk nyeemuut looc hĩdĩĩkoothong, ĩthĩhĩt eeta aĩ ikia nẽẽ õlõ.

Maarko 2:1 ပူးပေါင်းရင်းမြစ်များ

Maatteeo 4:13

Ma baa ũtũngeek nẽẽ Naaꞌtharẽt, ũũk aau Kapernauma ngaatĩ abakꞌthõõ hĩ bũlũc looccaa cĩ ꞌThebuluni hĩ Navtali.

Maatteeo 9:1

Baa õtõd Yeesu haahũl nẽ abaahĩ ũũk ĩĩcĩ ꞌtaaũn cĩ õlõ cĩnĩĩng.

Maarko 1:45

Ma ho, õkõ hinnia ẽẽtĩ nicciee ĩꞌthaanĩk nyeemuut nicci looc vẽlẽk, hikia haaꞌnyĩk Yeesu hitingõlĩ ngaatĩ õkõõĩ ꞌtaaũna lothippita nẽ awwua ꞌrẽẽna ngadiiha, ngaatĩ aitiõõnnĩ eeta tõõ. Aalla nẽẽ au eeta loonyini vẽlẽk, ammũdeek ĩnõõnnõ noho.

Maarko 2:2

Nĩngĩtĩ allũnganniaanĩ eeta ꞌcĩg mẽẽlĩg auuni hĩbbĩt ꞌcieeth hõdõlan hattũũg, hiittiõõ nĩngĩtĩ idiongan tõõ. Nẽ ikia illimaneek Yeesu ĩhõõggõ thõõth cĩ Nyekuci.

Maarko 3:20

Ma baa ũũk uduhun Yeesu ꞌcieeth, ikia uluttia lothippiti cobbi gẽrrẽẽt, hanyaman ĩnõõnnõ hĩ nuyyiook cĩgĩnnĩg ꞌgõõl ꞌcĩ aduhẽẽnĩ.

Maarko 7:17

Ma baa ũtũngeek Yeesu lothippit nẽ ũũk uduhun ꞌcieetõõ, iita ijinit nuyyiooha cĩgĩnnĩg ĩnõõnnõ huduha thõõth ꞌcĩ awantoothĩk ko.

Maarko 7:24

Ma nĩngaata, ĩtĩnga Yeesu ũũk ĩĩcĩ looc umwa ꞌcĩ õbõhõõ hĩ ꞌtaaũn ꞌcĩ haĩ ꞌTire. Baa õkõ aduhun nẽẽ ꞌcieeth umwa nẽ hõllõngaa adiim hagaacõ eeta ngaatĩ aayyi nẽẽ nĩngaata nẽ tarĩ, baa hõllõngaa ammiꞌthi thõõth ꞌcĩ aayyi nẽẽ nĩngaata ho.

Maarko 9:28

Ma baa urutaa ꞌcĩ uduhutti Yeesu ꞌcieetõõ hĩ nuyyiook cĩgĩnnĩg, õõt aauto ẽmmẽn nẽ iita ijinit nuyyiooha cĩgĩnnĩg ĩnõõnnõ ĩĩcĩ burki ĩĩttĩk, “Inni hatĩ hanyamaneet ngagĩĩt ngaatĩ hiiggiayyia lori ꞌcĩ abathĩ hata?”

ꞌLuuka 4:23

Baa nẽ uduhaak Yeesu ĩhõõggõ ĩĩnnĩk, “Haga naa õthõõꞌthaangu hatĩ ainnu, ‘Akĩĩm, aꞌnyĩĩk ẽlẽ cunni hũbũna! Dĩman da thooꞌthiok baag hathĩkna aĩ adĩmani nii Kapernauma, ꞌtaaũnaa cunni ngaati buúk.’

ꞌLuuka 5:18

Ma ho, uppwaatta eeta ũgẽẽgĩ ꞌcĩg irriongana eet ꞌcĩ alalliaa ẽlẽ lotoonwa nẽ ĩttĩmanit ngaatĩ adiim õõĩ ĩnõõnnõ ꞌcieetõõ hõõt haarrik ngaatĩ aayyi Yeesu.

Yõaannẽ 4:47

Ma baa athĩhĩ nẽẽ aĩ õbõda Yeesu looccaa cĩ ꞌGalileea aku ĩĩcĩ ꞌJudeea ho, ikia ala nẽẽ ĩnõõnnõ, hátĩ haaꞌnyĩk ngeerĩnĩ ꞌcĩ baa õbõhĩ adaak hũbũna.

Dtiicanĩ cĩg ꞌThooyyiahu 2:6

Ma baa athĩhĩ nẽẽg molook icci ho, ikia uluttia lothippiti ngaatĩ hõdẽẽthõng. Nẽẽthĩ, baa akuleek nẽẽg ꞌjieen, hĩnĩngĩtĩ baa athĩhĩ õthõõth nuyyiooha thooꞌthiohĩĩ cĩggĩĩng cũũmõ cũũmõ.