Maarko 16:6 - ꞌBuuk cĩ Thõõth cĩ Nyekuci

⁶ Ma nĩngaata ikia uduhaak nyahaappanĩ tĩhõ ĩhõõggõ ĩĩnnĩk, “Ma hiꞌngolinnu. Haga naa adiimmu niig Yeesu cĩ Naaꞌtharẽtĩ baa odooddothoothĩk hurucceea, iittiõõ nẽẽ ngaati tõõ, baa ũrũga nẽẽnĩ. Ĩcĩnĩt da nĩngĩ baa ammũtĩ eeta ẽlẽ cĩ Yeesu.

Maarko 16:6 ပူးပေါင်းရင်းမြစ်များ

Maatteeo 12:40

Hĩnĩngĩtĩ baa aaĩ Yõõna hẽẽngatõõ cĩ ulugooc cobbi waathinniook iyyio hĩ baalinniook iyyio, hĩcĩ hatĩ aaĩ Ngeertĩ Eeto ꞌloohatõõ, waathinniook iyyio hĩ baalinniook iyyio buúk.

Maarko 1:24

“Adiimi nii hĩ ngagĩĩt neegi Yeesu cĩ Naaꞌtharẽtĩ? Akuu nii, hátĩ ijjia ꞌruheet ngagĩĩta? Hagayyi naag nganiit ĩĩnĩ Eet ꞌcĩ Ẽllẽẽmĩth cĩ Nyekuci!”

Maarko 1:27

Baa abulan thõõth ciee eet vẽlẽk gẽrrẽẽt nẽ ijitto nyaagwaana ĩĩtõ, “Ne occa gõõng ciee? Occa ĩĩn ciee ꞌlimman ꞌcĩ nga ĩĩn ngeju ꞌcĩ attiran gẽrrẽẽt! Athĩhĩ aattĩ loriẽẽta ꞌcĩg abathĩ buúk ĩnõõnnõ.”

Maarko 10:34

ꞌcĩg hatĩ õõ õdõõm ĩnõõnnõ nẽ uttuurrik ammũt nẽ uukito nẽ õõt uruhit hadaak thõng. Ma hatĩ urutaa cĩ waathinniook iyyio, arũgna hatĩ nẽẽ daahĩtha.”

Maarko 14:33

Baa õõkõr Yeesu hĩ Pẽẽtũrũ hĩ ꞌJeemith hĩ Yõaannẽ. Ma ho, ulubaak ĩnõõnnõ tẽẽlꞌthĩtĩ hĩ mothiinit ꞌcĩ maka gẽrrẽẽt.

Maarko 9:15

Ma nĩngaata, ukullieek eeta ꞌjieen gẽrrẽẽt ngaatĩ acĩnĩ Yeesu, nĩngĩtĩ avviri õõ ĩꞌthaaĩ ĩnõõnnõ.

ꞌLuuka 24:46

Baa aduhaak nẽẽ ĩhõõggõ anneek, “Thõõth ꞌcĩ baa eheeddi ho cieeni. Accananni hatĩ Krĩstõ nẽ ikia ũrũga daahĩtha kõr ꞌcĩ ĩĩn iyyio,

Dtiicanĩ cĩg ꞌThooyyiahu 2:24

Nẽ baa ũrũgũtha Nyekuci ĩnõõnnõ ꞌloohatõõ, ikia iittiõõ daahĩthĩ ꞌcĩ aggam ĩnõõnnõ tarĩ tõõ.

Dtiicanĩ cĩg ꞌThooyyiahu 4:10

agaac thĩ nõõ thõõth icci niig hĩ eet cĩg Ĩꞌthĩraẽlĩ hũtũrũũr. ꞌThaar cĩg Yeesu Krĩstõ cĩ Naaꞌtharẽtĩ, baa odooddiku niig hurucceea nẽ ũrũgũtha Nyekuci daahĩtha, ꞌcĩ abũnnayyĩ ẽẽtĩ ciee abĩlĩ muumaa cunuung ko.