Maarko 16:19 - ꞌBuuk cĩ Thõõth cĩ Nyekuci

¹⁹ Ma urutaa ꞌcĩ õthõõthĩhĩ Makayyioohiti Yeesu nuyyiook ẽlẽk, ikia õdõngĩ nẽẽ ũũk hẽẽtahujjieen nẽ ũũk aau attiaa cobbi ĩĩcĩ Nyekuci.

Maarko 16:19 ပူးပေါင်းရင်းမြစ်များ

Maarko 16:20

Nĩngĩtĩ õõĩ nuyyiooha cĩgĩnnĩg allimanĩ thõõth cĩ Nyekuci loonyini vẽlẽk nẽ baa adticanni Makayyioohiti hõdẽĩ hĩ ĩhõõggõ nẽ aaꞌnyĩk ꞌlimman cĩnnĩ ho, hĩĩ dĩdĩ thooꞌthiohĩĩ ꞌcĩg ĩnaat eeta ĩcĩg baag adtican nuyyiooha.

ꞌLuuka 22:69

Nẽẽthĩ, iꞌthianaanĩ kõr nicci, iccioloongan hatĩ Ngeertĩ Eeto attiaa cobbi ĩĩcĩ Nyekuc ꞌTirriannioohit vẽlẽk.”

ꞌLuuka 9:51

Ma baa õbõhĩ kõrra ꞌcĩ odongiini Yeesu õkõõĩ hẽẽtahujjieen, ikia ĩrĩnyanoothĩk nẽẽ ngaatĩ õkõõĩ ꞌJeruꞌthalẽma.

Yõaannẽ 13:1

Ma õõa cĩ Karrama cĩ Kõr cĩ Haangittõõ, baa aga Yeesu ngaatĩ ũttũbanõõthĩhĩ kõrra ꞌcĩ occa ũũnnĩkĩ nẽẽ looc nicci nẽ õbõdõõthĩ hĩ Maaꞌnyĩ. Baa ammĩnan nẽẽ nuyyiook cĩgĩnnĩg ꞌcĩg aattĩg loota nĩnga gẽrrẽẽt, ĩꞌthõng hadaak nẽẽnĩ.

Yõaannẽ 16:28

Baa hakuu naa hĩ Baaba hikia looccaa nĩĩcĩ nẽ ꞌyioko hũtũngeeha naa looc nicci, hobodootha hĩ Baaba.”

Yõaannẽ 17:13

“Hikia ꞌyioko naa hĩ nganiita, nẽẽthĩ, haduha thooꞌthiok iccig nga haaĩ loota nĩnga, hátĩ haꞌnyahit nẽẽg taliinit caannĩ vẽlẽk hõrggẽẽnaa cĩnĩĩng.

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

Yõaannẽ 21:15

Ma baa urutaa ꞌcĩ duhẽẽttõ, ĩĩnnĩk Yeesu ꞌThimõõnẽ Pẽẽtũrũ, “ꞌThimõõnẽ ngeertĩ Yõaannẽ, ammĩnannaa nii nganĩĩt ꞌlõõan ꞌgoonogu iccig?” Ẽdẽcĩ ꞌThimõõnẽ Pẽẽtũrũ anneek, “Eei Makayyioohit, aga ꞌthẽk nii ngaatĩ hammĩnanni naa nganiita.” Ẽdẽcĩ Yeesu Pẽẽtũrũ anneek, “Tirok aꞌtha cĩgannĩg.”

Yõaannẽ 21:22

Ẽdẽcĩ Yeesu anneek, “Má hadiimi naa ĩnõõnnõ hũrũg ĩꞌthõng hõbõda naana, ne niccia hĩ nganiit? Adiim anũyyaa nii nganĩĩta.”

Yõaannẽ 6:62

Ma hatĩ ꞌyioko icittu Ngeertĩ Eeto ngaatĩ õtõdĩ õkõõĩ hẽẽtahujjieen ĩĩ baa akuuni!

Dtiicanĩ cĩg ꞌThooyyiahu 1:22

iꞌthianaanĩ kõr baa baattithimo cĩ Yõaannẽ ĩꞌthõng hikia hõdõngĩ Yeesu hũũk hẽẽtahujjieen. Hĩnĩngĩtĩ, hátĩ hikia hĩĩ ẽẽtĩ ꞌcĩ hẽbẽra ho, hebereec cĩ thõõth baa arũgnaanĩ Makayyioohiti Yeesu.

Dtiicanĩ cĩg ꞌThooyyiahu 2:33

Õdõngĩ Yeesu hẽẽtahujjieen hũũk haau attiaa cobbi ĩĩcĩ Nyekuci nẽ aaꞌnyĩk Baangẽẽtĩ ĩnõõnnõ Lori ꞌcĩ Ẽllẽẽmĩth hĩ baa aduha Nyekuci. Ĩĩn Yeesu buúk eet ꞌcĩ aaꞌnyeet ngagĩĩt Lori ꞌcĩ Ẽllẽẽmĩthĩ, ĩnõõ ꞌyioko thõõth ꞌcĩ acinnu ngaatĩ õthõõthĩ nuyyiooha thooꞌthiohĩ cũũmõ cũũmõ ho.

Dtiicanĩ cĩg ꞌThooyyiahu 3:21

Nẽẽthĩ, adiim aalla Yeesu hẽẽtahujjieen ĩꞌthõng hikia kõrra ꞌcĩ aaꞌnyĩkĩ Nyekuci hẽlẽggĩ vẽlẽk hĩĩtõ ngeju, hĩ baa aduha põrõvẽtaaꞌnya baag ẽllẽẽmĩth baarkit.

ꞌRooma 8:34

Aitiõõ eet ꞌcĩ occa etteedĩkeet ngagĩĩt thõõth tõõ, hĩnĩngĩtĩ baa adaak Yeesu Krĩstõ nẽ ũrũga daahĩtha, hĩnĩngĩtĩ ngagĩĩta nẽ iccioloongan bulẽẽtta, attiaa cobbi ĩĩcĩ Nyekuci nẽ alaiinneet ngagĩĩta.

Kolooꞌthe 3:1

Baa ũrũgũthaauung Nyekuci ngagiit hõdẽĩ hĩ Krĩstõ daahĩtha. Nẽẽthĩ ꞌyioko, aarrik ꞌthinneeti cugguung hẽlẽggẽẽnnĩĩ cĩg hẽẽtkujjieen, ngaatĩ aggamĩ Krĩstõ looc attiaa cobbi ĩĩcĩ Nyekuci.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 4:14

Nẽẽthĩ, haꞌnyak naag paadĩr cobbi ꞌcĩ ũũk hẽẽtahujjieen, ĩnõõnnõ Yeesu Ngeertĩ Nyekuci. Ĩnõõ ꞌcĩ haĩ, huꞌthuutti thõõth ꞌcĩ haduha naag, hĩnĩngĩtĩ hẽlẽmĩ ĩnõõnnõ.

Ebereei 6:20

Utuwaneekeet Yeesu ngagĩĩt ĩĩca ẽlẽk. Ikia ĩĩ nẽẽ Paadĩr cĩnaac cobbi ꞌcĩ aalla ũdũt hĩ baa Melkithẽdẽhĩ.

Ebereei 7:26

Ĩĩn Yeesu paadĩr cobbi ꞌcĩ hadiim naag, hĩnĩngĩtĩ ẽllẽẽmĩth nẽẽnĩ, tẽlla nẽ hiꞌthihi ꞌthẽccan. Aitiõõ Yeesu ꞌthẽccanĩ tõõ nẽ aaꞌnyĩhoothĩk nĩngĩtĩ cobbi cĩ bulẽẽttõ hẽẽtahujjieen.

Ebereei 8:1

Thõõth dẽẽdẽ ꞌcĩ aaddi ꞌcĩ aĩ nẽẽ, haꞌnyak naag paadĩr cobbi, ĩnõõnnõ Yeesu ꞌcĩ iccioloongan attiaa cobbi dtaabawa, makaaꞌthĩtaa cĩ Nyekuci hẽẽtahujjieen.

Ebereei 9:24

Ĩnõõ baa hõllõngaa adukni Krĩstõ ꞌCieeth cĩ Nyekuci, baa ẽhẽnyta ẽẽtĩ ꞌcĩ holli õõ nẽ ꞌcieeth tĩho, ĩthakꞌthoothĩk ꞌcieeth ꞌcĩ ĩĩn dĩdĩ. Nẽẽthĩ, baa aduhun Krĩstõ hẽẽtahujjieen nẽ ꞌyioko arũmĩ nẽẽ hĩ Nyekuc heeleet ngagĩĩta.

1 Pẽẽtũrũ 3:22

Nẽẽthĩ ꞌyioko, ũũk Krĩstõ hẽẽtahujjieen. Iccioloongan nẽẽ ꞌyioko bulẽẽtta attiaa cobbi ĩcĩ Nyekuci nẽ ẽlẽmĩ aajĩlẽẽta hĩ makayyiook hĩ makaaꞌthĩt vẽlẽk cĩ hẽẽtkujjieen, ngaatĩ ĩĩnnĩ nẽẽ Makayyioohit cĩnĩĩng.