Maarko 16:17 - ꞌBuuk cĩ Thõõth cĩ Nyekuci

¹⁷ Aaꞌnyĩhoothĩk hatĩ lemmiook vẽlẽk ꞌtirriani ꞌcĩ adticanĩ thooꞌthiok ꞌcĩg ĩnaat eeta. Iiggia hatĩ nẽẽg loriẽẽt ꞌcĩg abathĩ ꞌthaarĩĩ cĩgannĩg nẽ othoothito thõõthaa ꞌcĩ ĩĩn ngeju.

Maarko 16:17 ပူးပေါင်းရင်းမြစ်များ

Maarko 9:38

Baa aduhaak Yõaannẽ Yeesu anneek, “ꞌLimmannioohit, baa hadtuuhanna naag eet umwa iiggia loriẽẽt ꞌcĩg abathĩ ꞌthaarĩĩ cugunnig nẽ hĩĩttĩha ĩnõõnnõ bĩlõ, hĩnĩngĩtĩ hõllõngaa ĩĩn nẽẽ eet cĩnaac.”

ꞌLuuka 10:17

Ma baa oboddia nuyyiooha baag ĩĩn hẽẽn tũkĩramma hĩ ꞌramma, baa atalla nẽẽg ꞌjieena gẽrrẽẽt, nĩngĩtĩ au aduhaakĩ Yeesu annẽẽkĩ, “Makayyioohit, ĩthĩkteet aattĩ loriẽẽta ꞌcĩg abathĩ buúk ꞌthaarĩĩ cugunnig!”

Yõaannẽ 14:12

Haduhaakuung dĩdĩ, ẽẽtĩ ꞌcĩ ẽlẽmma nganĩĩta, adĩman hatĩ nẽẽ thooꞌthiok baag hadĩmani naana. Adĩman hatĩ nẽẽ thooꞌthiok ꞌcĩg ĩllõõan iccig buúk, hĩnĩngĩtĩ hũũha naa hĩ Baaba.

Dtiicanĩ cĩg ꞌThooyyiahu 10:46

Hĩnĩngĩtĩ udtuukta nẽẽg ĩhõõggõ ngaatĩ õthõõthĩ thooꞌthiohĩĩ ꞌcĩg ꞌrĩĩng nẽ ĩdĩhĩthĩt Nyekuc. Nĩngĩtĩ aĩnnĩ Pẽẽtũrũ,

Dtiicanĩ cĩg ꞌThooyyiahu 16:18

Ara õthõõth bũhẽẽcĩ ciee thooꞌthiok iccig hõdõõkõthĩ waathinniook ꞌcĩg mẽẽlĩg. Ma ho, ikia ĩlĩĩlĩ Paaulo gẽrrẽẽt, nĩngĩtĩ abbuudẽnĩ nẽ ĩĩnnĩk lori ꞌcĩ abathĩ ho, “ꞌThaarĩĩ cĩg Yeesu Krĩstõ, haduhaaki hanneeki, tũngeek bũhẽẽc icci ẽmmẽn!” Ma ꞌthẽk nĩngaata noho, ũtũngeek lorii ꞌcĩ abathĩ ho bũhẽẽc tĩho.

Dtiicanĩ cĩg ꞌThooyyiahu 19:6

Ma ho, ataadĩk Paaulo athĩn cĩgĩnnĩg ootinii cĩggĩĩng. Nĩngĩtĩ akuuni Lorii ꞌcĩ Ẽllẽẽmĩth hĩ ĩhõõggõ nẽ othoothito nẽẽg thooꞌthiohĩĩ cĩg ꞌrĩĩng hĩ ngaatĩ aduhaanĩ thooꞌthiok ꞌcĩg hatĩ nga au horumwa.

Dtiicanĩ cĩg ꞌThooyyiahu 2:33

Õdõngĩ Yeesu hẽẽtahujjieen hũũk haau attiaa cobbi ĩĩcĩ Nyekuci nẽ aaꞌnyĩk Baangẽẽtĩ ĩnõõnnõ Lori ꞌcĩ Ẽllẽẽmĩth hĩ baa aduha Nyekuci. Ĩĩn Yeesu buúk eet ꞌcĩ aaꞌnyeet ngagĩĩt Lori ꞌcĩ Ẽllẽẽmĩthĩ, ĩnõõ ꞌyioko thõõth ꞌcĩ acinnu ngaatĩ õthõõthĩ nuyyiooha thooꞌthiohĩ cũũmõ cũũmõ ho.

Dtiicanĩ cĩg ꞌThooyyiahu 5:16

Ma ho, uluttia lothippiꞌnya ꞌtaaũnnioohĩĩ cĩg õbõhõõ hĩ ꞌJeruꞌthalẽm, irriongatta moorriak cĩggĩĩng ꞌcĩg aꞌnyak loriẽẽt ꞌcĩg abathĩ hikia haaꞌnyĩk Pẽẽtũrũ ĩhõõggõ vẽlẽk hũbũttaathõ.

Dtiicanĩ cĩg ꞌThooyyiahu 8:7

Nĩngĩtĩ au abũnnayyĩ eeta ꞌcĩg mẽẽlĩg ꞌcĩg aꞌnyak loriẽẽt ꞌcĩg abathĩ, hĩ eet ꞌcĩg ahuuli vẽlẽk. Baa adukna loriẽẽta ꞌcĩg abathĩ ho eleetinii cĩg eetuk, ẽggẽrꞌnya ꞌjieena.

1 Korinthia 12:10

nẽ aaꞌnyĩk ũgĩ ꞌtirrian ꞌcĩ adticanĩ thooꞌthiok ꞌcĩg ĩnaat eeta, aaꞌnyĩk eet umwa huduha thõõth ꞌcĩ hatĩ aku horumwa nẽ aaꞌnyĩk eet umwa hittiaman nyeemuut ꞌcĩ aku hĩ Lori cĩ Nyekuci hode hĩ loriẽẽt ũgĩ haaga nẽ aaꞌnyĩk eet umwa hõkõban thooꞌthiok loonyini cũũmõ cũũmõ.

1 Korinthia 12:28

Hõrggẽẽnaa cĩ lothippit cĩ lemmioohu, baa ẽbẽra Nyekuci ĩĩcĩ oou ꞌthooyyiak nẽ ꞌramma cĩnnĩ, ẽbẽra põrõvẽtaaꞌnya nẽ ĩĩcĩ ĩĩn iyyio, ẽbẽra ꞌlimmanniook nẽ ẽbẽra dticcianniook cĩg thooꞌthiok ꞌcĩg ĩnaat eeta nẽ ẽbẽra eet ꞌcĩg aꞌnyak ꞌbaaninit ꞌcĩ aaꞌnyĩkĩ eet hũbũttaathõ nẽ ẽbẽra eet ꞌcĩg ũũlũ ngaatĩ ẽẽlĩ ꞌgõõnõgĩ nẽ ẽbẽra eet ꞌcĩg aꞌnyak ꞌbaaninit ꞌcĩ aggamĩ ꞌgõõnõgĩ nẽ ẽbẽra eet ꞌcĩg õthõõth thooꞌthiohĩ cũũmõ cũũmõ.

1 Korinthia 12:30

Hõllõngaa ũũlũ eeta vẽlẽk ngaatĩ aaꞌnyĩkĩ eet ꞌcĩg õmmõõrĩ hũbũttaathõ. Hõllõngaa ũũlũ eeta vẽlẽk ngaatĩ õthõõthĩ utugeetinii ꞌcĩg ꞌrĩĩng. Nẽ hõllõngaa ũũlũ eeta vẽlẽk ngaatĩ õkõbanĩ thõõth ꞌcĩ ꞌrĩĩng hagaacõ eeta.

1 Korinthia 13:1

Má hothoothi naa utugeetinii cĩg eet cĩg looc nicci, hĩ ĩcĩ aajĩleetu nẽ hõllõngaa hammĩnani eet ũgĩ, haaĩ naa hĩ hutuba ꞌcĩ abũ ngõõtĩ haaga.

1 Korinthia 14:2

Hĩnĩngĩtĩ ẽẽtĩ umwaa ꞌcĩ õthõõth ũtũũgaa ꞌcĩ ꞌrĩĩng, hõllõngaa õthõõthõõ hĩ eeta, õthõõthõõ nẽẽ hĩ Nyekuc. Nẽ dĩdĩ, aitiõõ ẽẽtĩ ꞌcĩ athĩhĩ ĩnõõnnõ tõõ, aduha nẽẽ thooꞌthiok ꞌcĩg hõllõngaa agayyi loriiaa cĩnnĩ.