Maarko 16:14 - ꞌBuuk cĩ Thõõth cĩ Nyekuci

¹⁴ Ma urutaa cĩnnĩ vẽlẽk, ikia uppwaannak Yeesu nuyyiook ꞌcĩg ĩĩn õmmõtõ hĩ hõdẽĩ baa nga aduhi. Baa eggerꞌnyeek Yeesu ĩhõõggõ, hĩnĩngĩtĩ aitiõõ hõllõngaa aꞌnyak lemiinit. Hĩnĩngĩtĩ baa õkõmĩ nuyyiook ꞌthinneeti ngaatĩ ẽlẽmmĩ thõõth cĩ eet baag ĩcĩnĩt Yeesu, baa ũrũga nẽẽ daahĩtha.

Maarko 16:14 ပူးပေါင်းရင်းမြစ်များ

Maatteeo 11:20

Nĩngĩtĩ aku alĩĩllĩkĩ Yeesu ꞌtaaũnniook baag adticanĩ nẽẽ thooꞌthiok ꞌcĩg ĩnaat eeta, hĩnĩngĩtĩ baa abũrĩ eeta ngaatĩ ũũnnĩkĩ ꞌthẽccanẽẽt cĩggĩĩng.

Maatteeo 17:20

Ẽdẽcĩ Yeesu ĩhõõggõ anneek, “Aꞌnyamannuung ngagiit lorii ꞌcĩ abathĩ, hĩnĩngĩtĩ aitiõõ ngagiit lemiiniti tõõ! Nẽẽthĩ haduhaakuung dĩdĩ, má aꞌnyahit lemiinit ꞌcĩ hidici ꞌcĩ ĩĩkĩ buraacit ꞌcĩ dĩppĩlĩ, occa ꞌthẽk anneeku muur icci, ‘Tĩnga nĩnga bĩĩt ĩĩca,’ ĩꞌngaathĩ ꞌthẽk hatĩnĩ. Aitiõõ hatĩ thõõth ꞌcĩ aꞌnyamannuung ngagiit tõõ.”

Maatteeo 28:17

Ma baa ĩcĩnĩt nẽẽg Yeesu, iita alaacõ nẽẽg ĩnõõnnõ, nẽẽthĩ hinnia, baa nga aalla ĩccaad ũgẽẽgĩ ĩnõõnnõ noho.

Maarko 7:18

Ẽdẽcĩ Yeesu ĩhõõggõ anneek, “Aggiithennu niig buúk thõng? Hõllõngaa agayyu niig aĩ, aitiõõ ꞌgẽẽn ꞌcĩ adak ẽẽtĩ hõllõngaa occa aaꞌnyĩk eet hĩĩ ꞌriiring?

ꞌLuuka 24:11

Nẽẽthĩ, baa aaĩ thõõth ciee hĩcĩ ĩĩn õlõng haaga hĩ eeta, nĩngĩtĩ hõllõngaa ẽlẽmmĩ thõõth tĩho.

ꞌLuuka 24:25

Ma ho, ijin Yeesu ĩhõõggõ ĩĩnnĩk, “Aggiithennu niig hutuno hõlõ! Inni ꞌthinneeti cugguung hĩĩtõ gigigigi ngaatĩ ẽlẽmmĩ thooꞌthiok vẽlẽk baag aduha põrõvẽtaaꞌnya ho?

Yõaannẽ 20:25

Nĩngĩtĩ aduhaakĩ nuyyiooha ĩnõõnnõ annẽẽkĩ, “Iyyia hĩcĩtta naag Makayyioohit!” Ẽdẽcĩ hinnia Tomaaꞌthio aĩ, “Occa hõllõngaa helemi naa thõõth icci, hatĩ nga hĩcĩn ngatũbĩ athĩnĩĩ cĩgĩnnĩg ĩbaag õdõõddĩ ꞌgũthũmaarĩtĩ nẽ huhuma ngatubeenit cĩ habanyit cĩnnĩ nga baa acuhanni dĩlaawa.”

Yõaannẽ 20:26

Ma urutaa cĩ lomidika hõdẽĩ, baa iita aauto nuyyiooha ꞌcieetõõ hõdẽĩ tarĩ, baa aattĩ aaĩ Tomaaꞌthio buúk kõr niccia. Tananga baa aꞌnyũũgĩ hattũũgẽta, ikia ĩbĩl Yeesu hõrggẽẽnaa cĩnĩĩng nẽ ĩĩ, “Aꞌnyĩĩk ganõn haau hĩ ngagiita!”

Yõaannẽ 20:27

Ma nĩngaata, ĩĩnnĩk nẽẽ Tomaaꞌthio, “Arĩĩk aꞌthiit cunni ngaati nẽ icinu athĩn cĩgannĩg. Arĩĩk aꞌthiit cunni ngatubeettaa caannĩ. Ma nga hĩccaadi tarĩ, lẽmõ!”

Yõaannẽ 21:1

Ma baa uruta, uppwaannak Yeesu nuyyiook cĩgĩnnĩg tarĩ dẽmẽtaa cĩ Bũlũc cĩ Tiberia. Baa aaĩ thõõth hoti.

Yõaannẽ 21:14

Baa ĩĩ ciee tabattĩ iyyio, ꞌcĩ uppwaannakĩ nẽẽ nuyyiook cĩgĩnnĩg nganĩngĩtĩ arũgnaanĩ nẽẽ daahĩtha.

Dtiicanĩ cĩg ꞌThooyyiahu 1:3

Ma baa urutaa ꞌcĩ ĩppĩĩraĩ Yeesu ẽlẽk, ikia eteretheek nẽẽ eet ẽlẽ cĩnnĩ thooꞌthiohĩĩ ꞌcĩg arũgnaanĩ nẽẽ daahĩtha. Baa uppwaannak Yeesu ꞌthooyyiak tabattĩ mẽẽlĩg waathinnioohĩĩ baag ĩĩn hẽẽn ꞌwec nẽ othoothito thooꞌthiok cĩg habuccieet cĩ Nyekuci.

1 Korinthia 15:5

Baa nõõ uppwaannak Krĩstõ Pẽẽtũrũ, ma ho ikia uppwaannak ꞌthooyyiak ꞌcĩg ĩĩn õmmõtõ hĩ ꞌramma ho buúk.

Terethiinit 3:19

“Hilooti naa eet ꞌcĩg hammĩnani, nẽẽthĩ ꞌyioko, ũtũngteek ꞌthẽccanẽẽt cugguung.