Maarko 16:1 - ꞌBuuk cĩ Thõõth cĩ Nyekuci

¹ Ma baa urutaa ꞌcĩ edecciaaĩ Kõrra cĩ ꞌYiommaanõ ꞌjiaat, iita ĩtĩngaacõ Maria Madalẽẽna hĩ Maria aattĩ ꞌJeemithi hĩ Thaloome, õõt utuuyyia ngõõrrẽẽn ꞌcĩg õꞌngõlĩ ẽmmẽdĩ, ꞌcĩg adiim õõ uudi ẽlẽ cĩ Yeesu.

Maarko 16:1 ပူးပေါင်းရင်းမြစ်များ

ꞌThianaattõ 50:2

Ma uruta, ũtũvva Yothebo akĩĩmĩt hiita hõõt hẽtẽẽcõ hẽẽng cĩ maacõnĩ nẽ ũtũũnyĩtõ ẽgẽrnẽẽnĩĩ ꞌcĩg gõõng aaꞌnyĩk eet ꞌcĩ adaak hiittiõõ hõllõngaa ahũhũt hĩdĩĩkoothong.

Maarko 14:3

Ma baa nga aaĩ Yeesu Bẽthani õlõõ cĩ eet ꞌcĩ haĩ ꞌThimõõnẽ ꞌcĩ baa adak helleggeri, ikia uppwaannak ngaa umwaa ĩhõõggõ nyapperita baa nga aduhi nẽẽgĩ. Baa aꞌnyaha ngaa tĩho ꞌgiimwa ꞌcĩ aaĩ hĩ deeri ꞌcĩ hidicẽẽnĩ ꞌcĩ aarĩkĩ ngõõrrõ ꞌcĩ aꞌnyak muyuuk ꞌcĩ õꞌngõlĩ ẽmmẽdĩ, ꞌcĩ uuttiaa ꞌrabbẽẽtĩĩ ꞌcĩg mẽẽlĩg gẽrrẽẽt. Ma ho, ubbuuk ngaa tĩho deeri nẽ udduutik ngõõrrõ nicci õõaa cĩ Yeesu.

Maarko 14:8

Ĩdĩman nga ciee dtiic ꞌcĩ aga nẽẽ ngaatĩ adticanĩ. Uud nẽẽ ẽlẽ caannĩ hũkũmaneek õõaa ꞌcĩ nga hadaõõĩ.

Maarko 15:40

Nẽ baa aattĩg ngaaĩ ũgẽẽgĩ ꞌcĩg ẽbẽha Yeesu ꞌrẽẽna. Hõrggẽẽnaa cĩnĩĩng, baa aattĩg Maria Madalẽẽna hĩ Maria aattĩ ꞌJeemith baa hidici hĩ ꞌJothẽth hĩ Thaloome nĩngaata.

Maarko 15:42

Ma baa õbõhĩ ĩĩ ꞌjiaatĩn lõõcĩ, iita ũkũmattoothĩk eeta, hĩnĩngĩtĩ baa õbõhĩ Kõrraa cĩ ꞌYiommaanõ.

Maarko 15:47

Baa ẽbẽk Maria Madalẽẽna hĩ Maria aattĩ ꞌJothẽthĩ thooꞌthiok nicciag vẽlẽk muguruur nẽ uꞌthuutti nĩngĩtĩ adaiini Yeesu ho jurrung.

Maarko 16:2

Ma baa ngaalloohoth ngerrenita lomidikaawa, baa nga uppwaanna kõrra thõng, õõt nẽẽg ĩĩcĩ waany baa adaiini Yeesu.

Maarko 16:8

Baa aggam ngaaĩ barriti nẽ atalmaanyattĩ gẽrrẽẽt, nĩngĩtĩ aduknaanĩ ꞌloohatõõ. Baa hõllõngaa aduhaak nẽẽg eet umwa thõõth nicci, hĩnĩngĩtĩ baa itieelli nẽẽg gẽrrẽẽt.

ꞌLuuka 23:54

Baa kõr ꞌcĩ akũmanõõthĩkĩ eeta vẽlẽk tĩho, hĩnĩngĩtĩ baa õbõhĩ iꞌthianaaĩ Kõrra cĩ ꞌYiommaanõ.

ꞌLuuka 23:56

Nĩngĩtĩ õõyyĩ ĩĩcĩ olu nẽ õõt ũkũmatteek ngõõrrẽẽn ꞌcĩg õꞌngõlĩ ẽmmẽdĩ. Nẽ nõõ iyyiomanit Kõrraa cĩ ꞌYiommaanõ, hĩ baa aduha tilooiniti cĩ nyattal cĩ Mũũꞌtha.

ꞌLuuka 24:1

Lomidikaawa ngerrenita gẽrrẽẽt, ĩtĩngaacõ ngaaĩ ngõõrrẽẽnĩĩ baag akũmaneek nẽ ootti ĩĩcĩ ꞌloohu.

Yõaannẽ 19:25

Ngaatĩ õbõhõõ hĩ hurucce cĩ Yeesu ho, baa abĩlĩ ngaannia hĩ iinni Yeesu hĩ Maria ngaa cĩ Koloopathĩ hĩ Maria Madalẽẽna.

Yõaannẽ 19:31

Ma baa loohoth cĩnnĩ, ikia ĩĩ kõr ꞌcĩ akũmanẽẽkĩ eeta Kõr cĩ ꞌYiommaanõ. Baa ĩĩn kõrra ciee ꞌcĩ tiiri gẽrrẽẽt hĩ eet cĩg ꞌJudeei. Ma ho, iita ijinit nẽẽg Pĩlaatõ huduul ꞌthoo cĩg eet ꞌcĩg õdõõddĩ hurucceea nẽ aara eleeti cĩggĩĩng hiita loota, hĩnĩngĩtĩ baa abũrĩ eeta cĩg ꞌJudeei eleeti cĩg daakiahu ngaatĩ aallanĩ hurucciẽẽtĩ Kõrraa cĩ ꞌYiommaanõ.