Maarko 15:40 - ꞌBuuk cĩ Thõõth cĩ Nyekuci

⁴⁰ Nẽ baa aattĩg ngaaĩ ũgẽẽgĩ ꞌcĩg ẽbẽha Yeesu ꞌrẽẽna. Hõrggẽẽnaa cĩnĩĩng, baa aattĩg Maria Madalẽẽna hĩ Maria aattĩ ꞌJeemith baa hidici hĩ ꞌJothẽth hĩ Thaloome nĩngaata.

Maarko 15:40 ပူးပေါင်းရင်းမြစ်များ

Maatteeo 10:3

Pilippo hĩ Bartolomeeo, Tomaaꞌthio hĩ Maatteeo baa ĩĩn eet ꞌcĩg alũt occoro, ꞌJeemith ngeertĩ Aliveo, hĩ Tadeeo;

Maatteeo 13:55

Hõllõngaa nooyyia ĩĩn nẽẽ ngeertĩ toddoyyioohit cĩ heenu? Hõllõngaa nooyyia aattĩnnĩ Maria nẽ ĩĩtõ ꞌJeemith hĩ Yothebo hĩ ꞌThimõõnẽ hĩ ꞌJuuda ꞌgõtõõnõgĩ?

Maatteeo 27:61

Baa aaĩ Maria Madalẽẽna hĩ Maria baa umwa buúk, iccioloongan loota nĩngaata ngadiiha ẽbẽk ꞌlook.

Maatteeo 28:1

Ma baa edeccia Kõrra cĩ ꞌYiommaanõ, lomidikaawa ngerrenita, iita õõt Maria Madalẽẽna hĩ Maria baa umwa, hõõt hĩcĩnĩt ꞌlook cĩ Yeesu.

Maarko 15:47

Baa ẽbẽk Maria Madalẽẽna hĩ Maria aattĩ ꞌJothẽthĩ thooꞌthiok nicciag vẽlẽk muguruur nẽ uꞌthuutti nĩngĩtĩ adaiini Yeesu ho jurrung.

Maarko 16:1

Ma baa urutaa ꞌcĩ edecciaaĩ Kõrra cĩ ꞌYiommaanõ ꞌjiaat, iita ĩtĩngaacõ Maria Madalẽẽna hĩ Maria aattĩ ꞌJeemithi hĩ Thaloome, õõt utuuyyia ngõõrrẽẽn ꞌcĩg õꞌngõlĩ ẽmmẽdĩ, ꞌcĩg adiim õõ uudi ẽlẽ cĩ Yeesu.

Maarko 16:9

Ma baa urutaa ꞌcĩ ũrũgaaĩ Yeesu daahĩtha, baa lomidikaawa ngerrenita, ikia uppwaannak nẽẽ Maria Madalẽẽna ĩĩcĩ oou, ngaa baa iiggiaĩ nẽẽ loriẽẽt ꞌcĩg abathĩ tũkĩramma.

ꞌLuuka 19:3

Baa adiim acĩn nẽẽ Yeesu, nẽẽthĩ hinnia, ahaca huturꞌthẽẽta, hĩnĩngĩtĩ baa maka lothippiti gẽrrẽẽt.

ꞌLuuka 23:49

Nẽ baa aalla abĩlĩ eeta ꞌcĩg aga ĩnõõnnõ ꞌrẽẽna nĩngaata ẽbẽk thooꞌthiok iccig. Baa aattĩg ngaaĩ baag anũa ĩnõõnnõ ĩĩcĩ ꞌGalileea buúk nĩngaata.

1 Korinthia 9:5

Ĩcca occa hõllõngaa haꞌnyak naag makaaꞌthĩt ꞌcĩ hõõkõrĩ hõdẽĩ hĩ ngaa ꞌcĩ ĩĩn lemmioohit, hĩcĩ õõkõr ꞌthooyyiaha ũgẽẽgĩ hĩ ꞌgõtõõnõgĩ Makayyiooktak hĩ Pẽẽtũrũ?

ꞌGalaaꞌthia 1:19

Baa aitiõõ hõllõngaa homotoonna hĩ ꞌthooyyiak baag ũgĩ, ꞌJeemith dioo ꞌgõtõõnõgĩ Makayyioohit cĩnaac Yeesu, ꞌcĩ baa homotoonna.

ꞌJeemith 1:1

Waraga ꞌcĩ aku hĩ ꞌJeemith, dticciannioohit cĩ Nyekuci hĩ cĩ Makayyioohit cĩnaac Yeesu Krĩstõ cieeni. Hehedihi naa waraga icci habuccieeꞌnya ꞌcĩg ĩĩn õmmõtõ hĩ ꞌramma cĩg eet cĩg ꞌJudeei ꞌcĩg ĩĩn lemmiook ꞌcĩg ĩꞌthanothoothĩk loonyin vẽlẽk.