Maarko 15:32 - ꞌBuuk cĩ Thõõth cĩ Nyekuci

³² Aꞌnyĩĩk Krĩstõ habu cĩ Ĩꞌthĩraẽlĩ hulluuccia loota hurucceea, hĩcĩtta naag nẽ hẽlẽmta ĩnõõnnõ!” Nẽ igorriaaha baag ĩĩn ꞌramma õdõõddĩ hĩ Yeesu hõdẽĩ, odoomito ĩnõõnnõ buúk.

Maarko 15:32 ပူးပေါင်းရင်းမြစ်များ

Maatteeo 1:17

Nẽẽthĩ, baa ĩĩn maajiha vẽlẽk ꞌcĩg iꞌthianaanĩ hĩ Abũrahaamõ hõdõlan Daavide õmmõtõ hĩ ꞌwec nẽ iꞌthianaanĩ hĩ Daavide ĩꞌthõng hõdõlan korriook baag õõĩ eeta cĩg Ĩꞌthĩraẽlĩ looccaa cĩ Babiloonnia, õmmõtõ hĩ ꞌwec buúk. Ma ngaati, iꞌthiattaaĩ maajiha õmmõtõ hĩ ꞌwec tarĩ ĩꞌthõng hõdõlan ꞌtirriaanĩt cĩ Krĩstõ.

Maatteeo 27:42

nẽ ĩĩtõ, “Gõõng ẽẽla nẽẽ eet ũgĩ, nẽẽthĩ ꞌyioko, hõllõngaa ẽẽla ẽlẽ cĩnnĩ inni? Má ĩĩn nẽẽ habu cĩ Ĩꞌthĩraẽlĩ, aꞌnyĩĩk hulluuccia hurucceea loota! Nẽẽthĩ hatĩ helemit ĩnõõnnõ.

Maatteeo 27:44

Nẽ igorriaaha baag õdõõddĩ hĩ ĩnõõnnõ hõdẽĩ buúk, iita odoomito ĩnõõnnõ ꞌgõõlaa nĩĩcĩ dioo noho.

Maarko 15:26

Nẽ baa eheeddi thõõth baa ẽttẽẽdĩkĩ nẽẽg Yeesu daahĩth hurucceea hujjieen aĩ, “HABU CĨ ꞌJUDEEI.”

Maarko 15:27

Baa odooddĩk nẽẽg igorriaak ꞌramma hõdẽĩ hĩ Yeesu, õdõõddĩ umwaa ĩĩcĩ aꞌthiit cĩnnĩ cobbi nẽ õtõddõĩ umwaa ĩĩcĩ aꞌthiit cĩnnĩ ꞌcĩ hidici.

Yõaannẽ 1:49

Nĩngĩtĩ õthõõthĩ Nathaniele aĩnnĩ, “ꞌLimmannioohit! Ĩĩnĩ nii Ngeertĩ Nyekuci, habu cĩ Ĩꞌthĩraẽlĩ!”

Yõaannẽ 12:13

Ma nĩngaata, itikta nẽẽg taba cĩg mĩlĩlaannu nẽ õõt ithirriamattõõthĩ Yeesu nẽ awacaktõõthĩ ꞌjieena ĩĩtõ, “Hĩdĩhĩthĩt Nyekuc!” “Aꞌnyĩĩk Nyekuc haggatan eet ꞌcĩ aku ꞌthaarĩĩ cĩg Makayyiookto!” “Aꞌnyĩĩk haggatan Nyekuci habu cĩ Ĩꞌthĩraẽlĩ!”

ꞌRooma 3:3

Má hatĩ ma aitiõõ eeta ũgẽẽgĩ hõllõngaa aꞌnyak lemiinit, ĩcca occa aaꞌnyĩk thõõth ꞌcĩ aitiõõnnĩ ĩhõõggõ lemiiniti tõõ ho, hudhukia thõõth ꞌcĩ aduha Nyekuci ho haaga?

2 Timotteeo 2:18

ꞌcĩg arahanit thõõthaa cĩ Nyekuci ĩcĩ ĩĩn dĩdĩ. Aĩ nẽẽg, ũrũgta eeta baag adaahito ẽlẽk. Nẽ ĩĩn thõõth ciee õlõng, ꞌcĩ ẽꞌthẽcan ooti cĩg eet ũgĩ ꞌcĩg elemit thõõth cĩ Nyekuci.