Maarko 15:10 - ꞌBuuk cĩ Thõõth cĩ Nyekuci

¹⁰ Ajin Pĩlaatõ thõõth icci lohoroor, hĩnĩngĩtĩ aga nẽẽ jurrung ngaatĩ aꞌnyahaakĩ makayyiooha cĩg paadĩrꞌnyaannu Yeesu ĩnõõnnõ, hĩnĩngĩtĩ aꞌnyaheek nẽẽg Yeesu mẽdẽr.

Maarko 15:10 ပူးပေါင်းရင်းမြစ်များ

ꞌThianaattõ 37:11

Nĩngĩtĩ aaburrẽẽkĩ ꞌgotoonoggia cieeg ĩnõõnnõ gẽrrẽẽt, ĩko thĩ nẽẽ ara ammuk maaꞌnyia thõõth icci ꞌthĩnĩtatõõ.

Maatteeo 27:18

Baa aga nẽẽ gẽrrẽẽt ngaatĩ ababuuthanĩ eeta cĩg ꞌJudeei Yeesu, hĩnĩngĩtĩ baa eheꞌthi nẽẽg thõng.

Maarko 15:11

Baa hinnia akũtan makayyiooha cĩg paadĩrꞌnyaannu ho lothippit huduktaak Pĩlaatõ hõõga Barabbath, hõllõngaa Yeesu.

Maarko 15:9

Ma ho, ijin Pĩlaatõ lothippit ĩĩnnĩk, “Adiimmu niig hõõgahuung habu cĩ ꞌJudeei ho?”

Dtiicanĩ cĩg ꞌThooyyiahu 13:45

Ma baa adtuuha eeta cĩg ꞌJudeei lothippit ko, iita ĩlĩĩllẽẽcõ gẽrrẽẽt, nẽ odoomito Paaulo, hĩnĩngĩtĩ thooꞌthiok ꞌcĩg aduha nẽẽ ho.

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.

ꞌJeemith 4:5

Ĩccaaddu niig thõõth ꞌcĩ aduha ꞌBuuhi cĩ Nyekuci aĩ, “Aꞌthũũnnĩ Nyekuci lori baa aarĩk nẽẽ ꞌthinneetinii cĩggaac jurrung?”

1 Yõaannẽ 3:12

Ma haattiyyu hĩ Kaiino baa ĩĩn loholeec cĩ ꞌThĩttaanõ nẽ uruk ꞌgõtõnĩ. Aruk occa baa nẽẽ ꞌgõtõnĩ inni? Baa aruk nẽẽ ꞌgõtõnĩ, hĩnĩngĩtĩ baa adĩman nẽẽ thooꞌthiok ꞌcĩg abathĩ nẽ ĩdĩman ꞌgotonnia thooꞌthiok ꞌcĩg aũlanĩ.