Maarko 14:54 - ꞌBuuk cĩ Thõõth cĩ Nyekuci

⁵⁴ Baa anuoothi Pẽẽtũrũ ĩnõõnnõ ꞌrẽẽna hĩdĩĩc hĩdĩĩc, ĩꞌthõng hõdõlaneek halangatõõ cĩ paadĩr cobbi nẽ ũũk aau loota ũrũmtĩ hĩ athegereeꞌnya ꞌcĩg baag ĩrraan ꞌgwoo nĩngaata.

Maarko 14:54 ပူးပေါင်းရင်းမြစ်များ

Maatteeo 26:3

Ma ho, iita ulutti makayyiooha cĩg paadĩrꞌnyaannu hĩ makayyiook cĩg eetuk ꞌcieethaa cĩ Kaĩava, eet ꞌcĩ baa ĩĩn paadĩr cobbi.

Maatteeo 26:58

Nẽẽthĩ, baa anũ Pẽẽtũrũ ĩnõõnnõ ngadiiha hĩdĩhĩdĩĩc, ĩꞌthõng hõdõlan ꞌcieeth ꞌcĩ aayyi paadĩrĩ cobbi ho. Baa aduhun nẽẽ nẽ ũũk aau loota ũrũmtĩ hĩ bekioohit, aĩ hatĩ hĩcĩn õõ occa hatĩ adahĩ eeta Yeesu neegi.

Maarko 14:38

Aaut dĩkĩĩm nẽ alayyioou, hátĩ hiittiõõ hõllõngaa attĩmannuung ꞌThĩttaanĩ. Adiim lorii adtican ꞌgii ꞌcĩ abũnnaa nẽ aitiõõ hinnia ẽlẽ hõllõngaa attiranĩ.”

Maarko 14:66

Ma baa nga aaĩ Pẽẽtũrũ loota halangatõõ cĩ paadĩr cobbi, ikia ũmmũdaak bũhẽẽcĩ umwaa ꞌcĩ ĩĩn dticciannioohit cĩ paadĩr cobbi ĩnõõnnõ ĩrraan ꞌgwoo nĩngaata.

ꞌLuuka 22:44

Baa aggam ĩnõõnnõ tẽẽlꞌthĩtĩ, nĩngĩtĩ alaiini gẽrrẽẽt ĩꞌthõng hĩdtĩlattaak mũlũha ꞌcĩg aattĩg hĩ biyyieeta looc.

ꞌLuuka 22:54

Nĩngĩtĩ aggamĩ nẽẽg Yeesu nẽ ootti ĩĩcĩ õlõ cĩ paadĩr cobbi. Baa anuoothi Pẽẽtũrũ ĩnõõnnõ uruta ꞌrẽẽn pee.

Yõaannẽ 18:18

Baa alalĩ lõõcĩ nẽ aaddieek dticcianniooha hĩ boliith cĩg ẽbẽk ꞌCieeth cĩ Nyekuci ꞌgwoo umwa nĩngaata, ꞌcĩ ĩrraan nẽẽgĩ. Ma ho, uppwaanothoothĩk Pẽẽtũrũ ĩhõõggõ ngaatĩ ĩrraanĩ nẽẽg ꞌgwoo ho, hũũk hĩbĩl nĩngaata nẽ ĩrraan nẽẽ buúk ꞌgwoo.

Yõaannẽ 18:25

Ma baa nga abĩlĩ ꞌThimõõnẽ Pẽẽtũrũ ĩrraan ꞌgwoo, ijin eet umwaa ĩnõõnnõ ĩĩnnĩk, “Hõllõngaa nooyyia inni nii buúk nuyyioohit cĩ Yeesu?” Ẽppẽhan Pẽẽtũrũ tarĩ aĩ, “Aitiõõ, hõllõngaa hĩĩnĩ naa nuyyioohit cĩnnĩ!”