Maarko 14:5 - ꞌBuuk cĩ Thõõth cĩ Nyekuci

⁵ ꞌYioko aa hũtũũĩ ngõõrra ciee thõng, occa ꞌyioko aa aꞌnyaha ꞌdinaarꞌnya ꞌmiiaꞌnya iyyio ꞌcĩg occa aggam ẽẽtĩ ꞌcĩ adticanni irkita hõdẽĩ nẽ haanytĩk ꞌrabbẽẽt nicciag hullaha.” Ma nĩngaata, iita eggerenyteek eeta tĩko ngaa nicci gẽrrẽẽt.

Maarko 14:5 ပူးပေါင်းရင်းမြစ်များ

Maatteeo 18:28

“Ma baa alahanoothĩk dticciannioohiti nicciee ho, ikia ũũk aggam nẽẽ dticciannioohit umwa ꞌcĩ baa acuhana ꞌdinaarꞌnya ꞌmiia hõdẽĩ. Ma ho, aggam ĩnõõnnõ nẽ ucud thõng. Nẽ ĩĩnnĩk, ‘Dũman ꞌrabbẽẽt cĩgannĩg!’

Maatteeo 20:11

Ma baa aggamit nẽẽg ꞌrabbẽẽt ẽlẽk, iita ongoongoyyieek nẽẽg baattĩ manu.

Maatteeo 26:9

Occa baa ũũtĩ ngõõrra ciee ꞌrabbẽẽtĩĩ ꞌcĩg mẽẽlĩg gẽrrẽẽt nẽ aanytĩhoothĩk ꞌrabbẽẽta eet ꞌcĩg ĩĩn pĩĩrnattiaak.”

Maarko 14:4

Ma baa acĩn eeta ũgẽẽgĩ ꞌcĩg baag aattĩg nĩngaata ĩnõõnnõ ho, iita ĩlĩĩllẽẽcõ nẽ ĩĩtõ, “Õõyõk occa gõõng ngaa ciee ngõõrrõ inni?

Maarko 14:6

Ma ho, uduhaak Yeesu ĩhõõggõ ĩĩnnĩk, “Ũtũngteek ngaa nicci ẽmmẽn. Inni occa accananit ĩnõõnnõ ho? Adĩmaneeka nẽẽ nganĩĩt ꞌgii ꞌcĩ abũnnaa.

ꞌLuuka 15:2

Ma nĩngaata, õngõõngõõcõ Variꞌtheei hĩ ꞌlimmanniook cĩg nyattaalak ĩĩtõ, “Aũ ẽẽtĩ ciee ꞌthẽccanniook nẽ udukto hĩ ĩnõõnnõ hõdẽĩ!”

Yõaannẽ 13:29

Hĩcĩ baa ĩĩn ꞌJuuda bekioohit cĩ ꞌrabbeetu, ammuk hinnia ũgẽẽgĩ aĩ, aduhaak oho Yeesu ꞌJuuda, hũũk hũtũũwa ꞌgẽẽn cĩ Karramaaõ, hode haaꞌnyĩk pĩĩrnattiaak ꞌrabbẽẽt ũgĩ.

Yõaannẽ 6:43

Ma ho, edecoothĩk Yeesu ĩhõõggõ ĩĩnnĩk, “Ibilli thõõth ꞌcĩ ongoongoonnu nyaagwaana ho.

Yõaannẽ 6:7

Ẽdẽcĩ Pilippo ĩnõõnnõ anneek, “Aitiõõ ꞌdinaarꞌnya ꞌmiiaꞌnya ꞌramma, hõllõngaa ũũppan ngaatĩ ũũtanĩ ũbũnẽẽt ꞌcĩg ẽllẽẽnnõõ hĩ eet iccig hõdẽĩ hõdẽĩ tõõ.”

1 Korinthia 10:10

Nẽ ma hongoongoyyu hĩ baa õngõõngõ eeta ũgẽẽgĩ hõrggẽẽnaa cĩnĩĩng nẽ ikia uruk aajĩlõ cĩ daahĩthõõ ĩhõõggõ.

Eevvetho 4:28

Ẽẽtĩ ꞌcĩ baa gõõng ĩgõrꞌthĩ, aꞌnyĩĩk hũtũngeek ĩgõr, adiim ꞌthẽk adtican ẽẽtĩ dtiic ꞌcĩ occa ẽẽl ĩnõõnnõ athĩnĩĩ cĩgĩnnĩg ẽmmẽn, hátĩ hũmmũda ꞌgii ꞌcĩ occa õthõl hĩ pĩĩrnatttiaak.

Pilippi 2:14

Ĩdticanit thooꞌthiok vẽlẽk ꞌgõõlaa ꞌcĩ hõllõngaa ongoongoyyu hode ẽppẽhanoonnu thõng,

ꞌJuud 1:16

Õngõõngõ eeta cieeg nẽ aauto thooꞌthiohĩĩ ꞌcĩg abũraneek nẽẽg diooni. Athĩngõõnyan nẽẽg nẽ iggoolito eet ũgĩ, hátĩ hummuddia thooꞌthiok ꞌcĩg adiim nẽẽgĩ.