Maarko 14:30 - ꞌBuuk cĩ Thõõth cĩ Nyekuci

³⁰ Nĩngĩtĩ annẽẽkĩ Yeesu ĩnõõnnõ, “Haduhaakii naa nganiit dĩdĩ, baalin nicci, õõa ꞌcĩ nga hõrõhĩ tũhũlũc tabattĩ ꞌramma, ẽppẽhannaa hatĩ nii nganĩĩt tabattĩ iyyio, aini hõllõngaa agayyaanĩ.”

Maarko 14:30 ပူးပေါင်းရင်းမြစ်များ

ꞌThianaattõ 1:13

Ma nĩngaata, iita aauto ꞌjiaatĩnĩ hĩ loohoth kõr ꞌcĩ ĩĩn iyyio.

ꞌThianaattõ 1:19

Ma ho, iita aauto ꞌjiaatĩnĩ hĩ loohoth kõr ꞌcĩ ĩĩn ꞌwec.

ꞌThianaattõ 1:23

Nẽ baa iita aauto ꞌjiaatĩnĩ hĩ loohoth, kõr ꞌcĩ ĩĩn ꞌtur.

ꞌThianaattõ 1:5

nẽ akateek lanyit ꞌthaar ꞌcĩg kaĩ “Waathĩn,” nẽ akateek muguur ꞌthaar ꞌcĩg kaĩ, “Baalin.” Nĩngĩtĩ aku aayyi ꞌjiaatĩnĩ hĩ loohoth kõr ꞌcĩ oou.

ꞌThianaattõ 1:8

Ma ngaati, ikia akateek Nyekuci nĩngĩtĩ ẽꞌngẽr maam cĩg lokoru hĩ cĩg lootu ho ĩĩnnĩk, “Hẽẽtkujjieen.” Nẽ baa iita aauto ꞌjiaatĩnĩ hĩ loohoth kõr ꞌcĩ ĩĩn ꞌramma.

Maatteeo 26:34

Ẽdẽcĩ Yeesu aĩ, “Haduhaaki dĩdĩ, baalin nicci noho, õõa ꞌcĩ nga hõrõhĩ tũhũlũca, ẽppẽhannaa hatĩ nii nganĩĩt tabattĩ iyyio.”

Maarko 13:35

“Nẽẽthĩ, aaut niig buúk dĩkĩĩm! Hĩnĩngĩtĩ hõllõngaa agayyu niig kõr ꞌcĩ hatĩ akuuni baattĩ olu. Horoong aku hatĩ nẽẽ ꞌjiaat, hode baal hõrggẽẽna, hode aku nga haal lõõcĩ, hode õlõõha ngerrenita ꞌthaa ꞌcĩ õrõhĩ tũhũlũꞌnya, hode hatĩ uppwaanna kõrra.

Maarko 14:29

Ma nĩngaata, uduhaak Pẽẽtũrũ Yeesu ĩĩnnĩk, “Aitiõõ hatĩ naa hõllõngaa huunnikii nganiit, tananga hũtũngteehi ꞌthooyyiaha vẽlẽk.”

Maarko 14:31

Baa aalla Pẽẽtũrũ ẽppẽhan thõõth bacabac aĩ, “Tananga hadaahit naag hĩ nganiita, hõllõngaa hatĩ huunnikii naa nganiit ũdũt!” Nẽ baa õthõõth ꞌthooyyiaha vẽlẽk thõõth nicci dioo noho.

ꞌLuuka 22:34

Nẽ ẽdẽc Yeesu ĩnõõnnõ ĩĩnnĩk, “Haduhaakii dĩdĩ, Pẽẽtũrũ, õõa ꞌcĩ nga hõrõhĩ tũhũlũc ꞌcĩ oou lohotha ngerrenita, ẽppẽhannaa hatĩ nii nganĩĩt tabattĩ iyyio, aini hõllõngaa agayyaanĩ.”

Yõaannẽ 13:38

Nĩngĩtĩ ẽdẽcĩ Yeesu ĩnõõnnõ annẽẽkĩ, “Aga nii ngaatĩ adaaknĩ, hĩnĩngĩtĩ nganĩĩt dĩdĩ? Haduhaakii dĩdĩ, hatĩ nga hõrõõk tũhũlũca, ẽppẽhannaa hatĩ nii nganĩĩt tabattĩ iyyio, aini hõllõngaa agayyaanĩ.”

Yõaannẽ 18:17

Ma baa ho, ikia ijin bũhẽẽcĩ nicciee Pẽẽtũrũ ĩĩnnĩk, “Hõllõngaa nooyyia ĩĩnĩ nii buúk nuyyioohit cĩ eet iccia?” Ẽppẽhan Pẽẽtũrũ anneek, “Aitiõõ tõõ, hammiri naana!”

1 Korinthia 10:12

Nẽẽthĩ hoti ho, má ammuku niig ainnu okommu, uꞌthuutti thĩ eleeti, hátĩ hiittiõõ hõllõngaa etteeddu looc!