Maarko 14:2 - ꞌBuuk cĩ Thõõth cĩ Nyekuci

² Nĩngĩtĩ õthõõthĩ nẽẽg aĩnnĩ, “Occa hõllõngaa haggam naag Yeesu Karramaawatõõ, hĩnĩngĩtĩ horoong hatĩ hĩkõõtha jore hĩ eeta.”

Maarko 14:2 ပူးပေါင်းရင်းမြစ်များ

Maatteeo 26:2

“Hĩcĩ agayyu niig buúk, idiongattaa waathinniooha ꞌramma thõng nẽ hatĩ ĩĩ Kõr cĩ Haangittõõ, aaꞌnyĩhoothĩk hatĩ Ngeertĩ Eeto eet ꞌcĩg õõ odooddĩk ĩnõõnnõ hurucceea.”

Maatteeo 26:5

Nẽẽthĩ aĩ nẽẽg, “Occa hõllõngaa hadticanna thõõth icci, kõrraa cĩ karramaaõ, hátĩ hiittiõõ hõllõngaa ĩkõõtha lothippiti thõõth ꞌcĩ abathĩ.”

Maarko 11:18

Ma baa athĩhĩ makayyiooha cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha thõõth icci ho, iita atarrabanit ꞌgõõl ꞌcĩ adiim aruhi Yeesu. Nẽ baa itieelli nẽẽg ĩnõõnnõ, hĩnĩngĩtĩ baa mẽẽlĩg eeta ꞌcĩg abulan ꞌlimmanĩ cĩnnĩ ho gẽrrẽẽt.

Maarko 11:32

Nẽ ꞌgõõlaa umwaanĩ, baa ẽlẽmĩ eeta cieeg ngaatĩ ĩĩnnĩ Yõaannẽ põrõvẽtaac. Nẽẽthĩ, occa hõllõngaa haĩ eet cĩ holli õõ haaga, ꞌcĩ aaꞌnyĩk ĩnõõnnõ makaaꞌthĩt ꞌcĩ aggamẽẽkĩ eet baattithimo ho.”

Maarko 14:1

Baa idiongattaa waathinniooha ꞌramma õõa cĩ Kõr cĩ Haangittõõ hĩ kõr cĩ Karrama cĩ Ũbũnẽẽt ꞌcĩg aitiõõ Abũũlana tõõ. Ma nĩngaata, iita atabit makayyiooha cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha ꞌgõõl ꞌcĩ aggamĩ Yeesu nẽ uruhit ĩnõõnnõ.

Maarko 14:3

Ma baa nga aaĩ Yeesu Bẽthani õlõõ cĩ eet ꞌcĩ haĩ ꞌThimõõnẽ ꞌcĩ baa adak helleggeri, ikia uppwaannak ngaa umwaa ĩhõõggõ nyapperita baa nga aduhi nẽẽgĩ. Baa aꞌnyaha ngaa tĩho ꞌgiimwa ꞌcĩ aaĩ hĩ deeri ꞌcĩ hidicẽẽnĩ ꞌcĩ aarĩkĩ ngõõrrõ ꞌcĩ aꞌnyak muyuuk ꞌcĩ õꞌngõlĩ ẽmmẽdĩ, ꞌcĩ uuttiaa ꞌrabbẽẽtĩĩ ꞌcĩg mẽẽlĩg gẽrrẽẽt. Ma ho, ubbuuk ngaa tĩho deeri nẽ udduutik ngõõrrõ nicci õõaa cĩ Yeesu.

ꞌLuuka 20:6

Nẽ tarĩ má hĩĩttĩk, ‘Aku hĩ eeta,’ atturreet hatĩ eeta cieeg vẽlẽk biyyiẽẽnĩ, hĩnĩngĩtĩ elemit nẽẽg ngaatĩ ĩĩnnĩ Yõaannẽ põrõvẽtaac.”

ꞌLuuka 22:1

Ma baa õbõhĩ kõrra cĩ Karrama cĩ Ũbũnẽẽt ꞌcĩg aitiõõ Abũũlana tõõ, ꞌcĩ haĩ Kõr cĩ Haangittõõ,

Yõaannẽ 12:19

Nĩngĩtĩ õthõõthõnĩ Variꞌtheei ẽmmẽn aĩnnĩ, “Iittiõõ ꞌgii ꞌcĩ occa nga hadĩman naag tõõ. Ĩcĩnĩt nõõ ngaatĩ anũĩ eeta vẽlẽk Yeesu!”

Yõaannẽ 7:40

Ma baa athĩhĩ lothippiti Yeesu ngaatĩ õthõõthĩ hoti ho, iita othoothito ũgẽẽgĩ ĩĩtõ, “Ĩĩn ẽẽtĩ ciee põrõvẽtaac.”