Maarko 14:18 - ꞌBuuk cĩ Thõõth cĩ Nyekuci

¹⁸ Ma baa nga aduhi nẽẽgĩ, uduhaak Yeesu ĩhõõggõ ĩĩnnĩk, “Haduhaakuung naa dĩdĩ, aaĩ ẽẽtĩ umwaa hõrggẽẽnaa cunuung ꞌcĩ hatĩ õhõppõõcannaa nganĩĩta, eet ꞌcĩ haduheenna hĩ nganĩĩt hõdẽĩ.”

Maarko 14:18 ပူးပေါင်းရင်းမြစ်များ

Maatteeo 26:21

Ma baa nga aduhi nẽẽgĩ, ikia õthõõth Yeesu ĩĩ, “Haduhaakuung dĩdĩ, aaĩ eet umwaa hõrggẽẽnaa cunuung ꞌcĩ hatĩ õhõppõõcannaa nganĩĩta.”

Maatteeo 5:18

Haduhaakuung dĩdĩ, tananga hiꞌngittõõthĩ hẽẽtkujjieen hĩ looc, hõllõngaa hatĩ aꞌnginoothi nyattalĩ ꞌcĩ ẽtẽhẽẽdĩ loota, tananga nyamacaar ꞌcĩ hidici haaga, ĩꞌthõng hiita hũttũbattoothĩk thooꞌthioha vẽlẽk.

Maatteeo 6:16

“Ma ẽdẽtaannu niig eleeti ꞌgẽẽna, ma haaꞌnyiku muumti cugguung huꞌngurruunyti hĩ oloꞌngiaaha aag gõõng eterꞌtheek eet aĩ, hẽdẽtaanna eleeti ꞌgẽẽna. Haduhaakuung dĩdĩ, ummuddia nẽẽg dũman cĩnĩĩng ẽlẽk.

Maatteeo 6:2

“Nẽẽthĩ, ma eellu pĩĩrnattiaak, ma haduhaaku eet, hĩcĩ adĩman oloꞌngiaaha ꞌCieethinii cĩg Laiittak hĩ ꞌgoolliohĩ, aĩ hátĩ hitingolli eeta ĩhõõggõ. Haduhaakuung dĩdĩ, ummuddia nẽẽg dũman cĩnĩĩng ẽlẽk.

Maatteeo 6:5

“Nẽ má alaiinnu, ma hattiyyu hĩ oloꞌngiaaha aag gõõng ammĩnan ngaatĩ alaiini abĩllĩ ꞌjieena ꞌCieethinii cĩg Laiittak hĩ ꞌgoolliohĩ ngadihẽẽtĩ, aĩ hátĩ hĩcĩtteet eeta. Haduhaakuung dĩdĩ, ũdũmattĩ nẽẽg ẽlẽk.

Maarko 10:15

Haduhaakuung naa ngagiit thõõth dĩdĩ, má hõllõngaa ẽlẽmĩ ẽẽtĩ habuccieet cĩ Nyekuci haau hĩcĩ ẽlẽmĩ loholeec ꞌcĩ hidiciẽẽnĩ, aitiõõ hatĩ hõllõngaa aduhun nẽẽ habuccieet cĩ Nyekuci ũdũt.”

Maarko 10:29

Ẽdẽcĩ Yeesu ĩhõõggõ anneek, “Haduhaakuung dĩdĩ, má ũũnnĩk eet umwaa õlõ cĩnnĩ, hĩ ngõõnõgĩ, hĩ ꞌgõtõõnõgĩ, hĩ maaꞌnyĩ hode hĩ aattĩnnĩ, hĩ lõhõlĩ hode hĩ manẽẽn, hĩnĩngĩtĩ nganĩĩt hĩ nyeemuut ꞌcĩ abũnnaa,

Maarko 14:17

Ma baa ĩĩ ꞌjiaatĩn lõõcĩ, iita õdõlanit Yeesu hĩ ꞌthooyyiak cĩgĩnnĩg ĩĩn õmmõtõ hĩ ꞌramma ho.

Maarko 14:19

Baa aaꞌnyĩk thõõth ciee nuyyiook homoꞌthi hõdẽĩ hõdẽĩ nẽ ijinit Yeesu ĩĩttĩk, “Nganĩĩt occa ꞌthẽk?”

Maarko 14:25

Haduhaakuung naa ngagiit dĩdĩ, iitiõõ hatĩ naa hõllõngaa hahudi viino umwa tarĩ, ĩꞌthõng hikia hũhũd ꞌcĩ ĩĩn ngeju habuccieetaa cĩ Nyekuci.”

Maarko 14:9

Haduhaakuung naa dĩdĩ, loonyini vẽlẽk ĩcĩg hatĩ irrioonini nyeemuut ꞌcĩ abũnnaa, irrioonni hatĩ thõõth ꞌcĩ adtican nẽẽ ho buúk, hátĩ hummuktaaĩ eeta ĩnõõnnõ.”

Maarko 3:28

“Haduhaakuung naa ngagiit dĩdĩ, ũũnnothoothĩk hatĩ eet ꞌthẽccanẽẽta vẽlẽk hĩ thooꞌthiok ꞌcĩg ĩĩn doominit vẽlẽk ꞌcĩg horoong aduha nẽẽgĩ, tananga habathit hẽlẽggĩ tĩko gẽrrẽẽt.

Maarko 6:11

Nẽ má hõllõngaa elemmuung eeta õlõõ ꞌcĩ uppwannothoothiku ho nẽ hõllõngaa athiknuunga, ũtũngteek eet nicciag nẽ utuddungteehu tuduhaac cĩ ꞌthoo cugguung nĩngaata, hátĩ hĩĩ terethiinit cĩ bathi cĩnĩĩng.”

Maarko 8:12

Baa õbõdẽẽkĩ Yeesu ꞌthĩnĩt gẽrrẽẽt nẽ õthõõth ĩĩ, “Inni gõõng eeta cĩg irkiꞌnyia iccig hijinit thõõth ꞌcĩ ĩnaat eeta ho? Haduhaakuung naa ngagiita, hõllõngaa hatĩ heterꞌtheehi eet iccig thõõth ꞌcĩ ĩnaat eeta ũdũt.”

Maarko 9:1

Baa aduhaak Yeesu nuyyiook cĩgĩnnĩg hĩ lothippit anneek, “Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ꞌcĩg hatĩ hõllõngaa adaahĩ nga hĩcĩnĩt habuccieet cĩ Nyekuci ngaatĩ akuuni ꞌtirriaana.”

Maarko 9:41

Haduhaakuung naa ngagiit thõõth dĩdĩ, má aaꞌnyuung ẽẽtĩ umwaa maam ꞌcĩg ahuddu ꞌthaarĩĩ cĩgannĩg, hĩnĩngĩtĩ iiginnu niig cĩg Krĩstõ, ammũda hatĩ eet tĩho ꞌbaaninit cĩnnĩ.”

ꞌLuuka 11:51

Iꞌthianaanĩ biyyiẽẽtĩ cĩg Abeele ĩꞌthõng hõdõlan cĩg ꞌThakaria baa aruhi hõrggẽẽnaa cĩ altaarĩ ꞌcĩ ĩbboorini ꞌgaarrieeniti hĩ ꞌCieeth cĩ Nyekuci. Ee mĩĩ, haduhaakuung dĩdĩ, õcõõd ꞌthẽk hatĩ lohollia cĩg irkiꞌnyia iccig thooꞌthiok iccig vẽlẽk hĩ otto.

ꞌLuuka 22:21

Nẽ ꞌyioko, harũmeenna naag hĩ eet ꞌcĩ hatĩ õhõppõõcannaa nganĩĩt ko, tẽrẽmẽẽjawa ꞌcĩ haduhẽẽnĩ ho thõng.

ꞌLuuka 4:24

“Haduhaakuung dĩdĩ, aitiõõ põrõvẽtaacĩ ꞌcĩ ẽlẽmĩ eeta cĩg ꞌtaaũn cĩnĩĩng tõõ.

Yõaannẽ 1:51

Ma nĩngaata, õthõõth Yeesu ĩĩ, “Haduhaakuung dĩdĩ, acinnu hatĩ hẽẽtkujjieen ngaatĩ abbuuhẽnĩ nẽ udtuuktau aajĩlẽẽt cĩg Nyekuci, ngaatĩ õtõdĩ nẽ ulluucciak Ngeertĩ Eeto.”

Yõaannẽ 13:18

“Hõllõngaa hothooꞌthuung naa ngagiit vẽlẽk, haga naa eet baag hẽbẽra naana. Nẽẽthĩ, baa aku thõõth ciee, hátĩ hedeeꞌnyia thõõth cĩ ꞌBuuk cĩ Nyekuci hĩĩ dĩdĩ baa aĩ, ‘Ũtũhũoothĩhaa ẽẽtĩ ꞌcĩ hõthõlla hĩ nganĩĩt ũbũnĩ hẽddẽẽma hõdẽẽthõng ĩdĩmanaa ꞌbuth!’

Yõaannẽ 13:21

Ma baa uduha Yeesu thooꞌthiok iccig ẽlẽk, ikia õmmõthĩ nẽẽ gẽrrẽẽt nẽ uduhaak nuyyiook cĩgĩnnĩg ĩĩnnĩk, “Haduhaakuung dĩdĩ, aaĩ eet umwaa hõrggẽẽnaa cunuung ꞌcĩ hatĩ õhõppõõcanaa nganĩĩta.”

Yõaannẽ 13:22

Ma nĩngaata, iita aꞌngalilli nuyyiooha, hĩnĩngĩtĩ atalmaanyan thõõth ꞌcĩ aduha Yeesu ho ĩhõõggõ nẽ ẽbẽktõ nyaagwaana.

Yõaannẽ 13:38

Nĩngĩtĩ ẽdẽcĩ Yeesu ĩnõõnnõ annẽẽkĩ, “Aga nii ngaatĩ adaaknĩ, hĩnĩngĩtĩ nganĩĩt dĩdĩ? Haduhaakii dĩdĩ, hatĩ nga hõrõõk tũhũlũca, ẽppẽhannaa hatĩ nii nganĩĩt tabattĩ iyyio, aini hõllõngaa agayyaanĩ.”

Yõaannẽ 21:18

Haduhaakii dĩdĩ, baa nga ĩĩnĩ nii nyahaappan, baa gõõng ahimiti ẽlẽ cunni ẽmmẽn nẽ uuhu ĩĩcĩ adiimi niina. Nẽẽthĩ ma atahaanyu, odongi hatĩ athĩn cugunnig nẽ itihimttii eeta cĩrrĩĩng nẽ ootti ĩĩcĩ hõllõngaa adiimi niina.”

Yõaannẽ 3:11

Haduhaakii thõõth dĩdĩ, haduhaanna naag thõõth ꞌcĩ hagayyia, hĩnĩngĩtĩ hĩcĩtta hẽbẽrẽẽnnĩĩ cĩggaang. Nẽẽthĩ hinnia, hõllõngaa elemmu thõõth ꞌcĩ haduhaanna naag ko ũdũt.

Yõaannẽ 3:3

Ẽdẽcĩ Yeesu Nikodemo anneek, “Haduhaakii dĩdĩ, aitiõõ ẽẽtĩ ꞌcĩ occa aduhun habuccieet cĩ Nyekuci, hatĩ nga hittirria nẽẽ tarĩ tõõ.”

Yõaannẽ 3:5

Ẽdẽcĩ Yeesu ĩnõõnnõ anneek, “Haduhaakii thõõth dĩdĩ, aitiõõ ẽẽtĩ ꞌcĩ aduhun habuccieet cĩ Nyekuci, hatĩ nga hittirria maamĩ hĩ Loriiaa ꞌcĩ Ẽllẽẽmĩth tõõ.

Yõaannẽ 5:19

Ma nĩngaata, ẽdẽc Yeesu makayyiook cĩg ꞌJudeei ĩĩnnĩk, “Haduhaakuung dĩdĩ, aitiõõ ꞌgii ꞌcĩ adtican Ngeertĩ Nyekuci ẽmmẽn tõõ. Adĩman nẽẽ thõõth ꞌcĩ acĩna hĩ Maaꞌnyĩ. ꞌGii ꞌcĩ adĩman Maaꞌnyia, adĩman Ngeerĩnĩ buúk.

Yõaannẽ 6:26

Ẽdẽcĩ Yeesu ĩhõõggõ anneek, “Haduhaakuung dĩdĩ, adiimmaangu niig nganĩĩt, hĩnĩngĩtĩ ꞌgẽẽn baa haaꞌnyuung ngagiit uduhit ũũppattĩ, hõllõngaa, hĩnĩngĩtĩ thooꞌthiok baag ĩnaattu hadĩmani naana.

Yõaannẽ 6:32

Nĩngĩtĩ annẽẽkĩ Yeesu ĩhõõggõ, “Haduhaakuung dĩdĩ, baa hõllõngaa Mũũꞌtha ꞌcĩ aaꞌnyuung ngagiit ũbũnẽẽt ꞌcĩg au hẽẽtahujjieen ko, baa Baaba ꞌcĩ aaꞌnyuung ngagiit ũbũnẽẽt ꞌcĩg ĩĩn dĩdĩ, ꞌcĩg au hẽẽtahujjieen ko.

Yõaannẽ 6:47

“Haduhaakuung dĩdĩ, ẽẽtĩ ꞌcĩ ẽlẽmma nganĩĩta, ammũda hatĩ nẽẽ rũgẽt ꞌcĩ aalla ooo.

Yõaannẽ 6:70

Ẽdẽcĩ Yeesu ĩhõõggõ anneek, “Nga nooyyia hẽbẽraauung naa ngagiit ꞌcĩg iiginnu õmmõtõ hĩ ꞌramma ho? Nẽẽthĩ hinnia, aaĩ eet umwaa hõrggẽẽnaa cunuung ꞌcĩ ĩĩn lori ꞌcĩ abathĩ!”