Maarko 13:34 - ꞌBuuk cĩ Thõõth cĩ Nyekuci

³⁴ Aaĩ hatĩ kõrra niccia hĩ ẽẽtĩ ꞌcĩ õkõ hẽẽrõna, ꞌcĩ ũũnnĩk dticcianniook cĩgĩnnĩg hebehit õlõ nẽ eꞌngereek ĩhõõggõ vẽlẽk dtiicanĩ hõdẽĩ hõdẽĩ nẽ uduhaak eet ꞌcĩ ẽbẽk hattũũg haau dĩkĩĩm.

Maarko 13:34 ပူးပေါင်းရင်းမြစ်များ

Maatteeo 16:19

Haaꞌnyii hatĩ naa mũhũtẽẽt cĩg habuccieet cĩ hẽẽtkujjieen. Nẽ thõõth ꞌcĩ aburi nii loota nĩnga, abũrrĩ hatĩ hẽẽtahujjieen buúk nẽ thõõth ꞌcĩ elemi nii loota nĩnga, elemmi hatĩ hẽẽtahujjieen buúk.”

Yõaannẽ 10:3

Abbuuhik bekioohiti cĩ hattuugu tũhayyioohit cĩ aꞌthaannu hattũũg nẽ ĩthĩhĩt aꞌtha molook cĩnnĩ. Avvĩ tũhayyioohiti aꞌtha cĩgĩnnĩg ꞌthaarĩĩ cĩggĩĩng cũũmõ cũũmõ nẽ ĩꞌngĩdeek geyyia.

ꞌRooma 13:6

Ĩnõõ thõõth ꞌcĩ adũmannu niig occoro buúk ko, hĩnĩngĩtĩ ĩĩn makayyiooha dticcianniook cĩg Nyekuci, ꞌcĩg ũũha eet hõdõõkõthĩ.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

Kolooꞌthe 3:24

Ummuhuttooth ĩĩtõ, ammũdaannu hatĩ niig thooꞌthiok ꞌcĩg arigiꞌthu hĩ Makayyioohit hĩĩ ꞌbaaninit cunuung. Nẽ Makayyioohiti ꞌcĩ adticanoothiku niig ko, ĩnõõnnõ Krĩstõ.

Kolooꞌthe 4:1

Niig makayyiooha, ĩdĩmatteek appahacaaꞌnya cugguung thooꞌthiok ꞌcĩg abũnnaa ꞌcĩg aũlanĩ, hĩnĩngĩtĩ agayyu niig buúk ngaatĩ aꞌnyaku Makayyioohit cunuung hẽẽtahujjieen.

Terethiinit 3:7

Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Viladelvia. “Duhaak anneek, ĩĩn ciee nyeemuut ꞌcĩ aku hĩ eet ꞌcĩ ẽllẽẽmĩth ꞌcĩ ĩĩn dĩdĩ, ꞌcĩ aꞌnyak mũhũta cĩ Daavide. Má ubbuuk nẽẽ hattũũg, aitiõõ ẽẽtĩ ꞌcĩ occa aꞌnyũũg tarĩ tõõ nẽ má ũꞌnyũũga, aitiõõ ẽẽtĩ ꞌcĩ abbuuk tõõ.