Maarko 13:32 - ꞌBuuk cĩ Thõõth cĩ Nyekuci

³² “Nẽẽthĩ kõr niccia, aitiõõ hatĩ ẽẽtĩ ꞌcĩ aga waathĩn ꞌcĩ hatĩ edeeꞌnyianĩ thooꞌthioha cieeg tõõ, tananga aajĩlẽẽta cĩg hẽẽtkujjieen hode Ngeertĩ Eeto buúk hõllõngaa aga, Baaba ꞌcĩ aaĩ hẽẽtahujjieen dioo ꞌcĩ aga.”

Maarko 13:32 ပူးပေါင်းရင်းမြစ်များ

Maatteeo 25:13

“Nẽẽthĩ hoti ho, aaut dĩkĩĩm, hĩnĩngĩtĩ hõllõngaa agayyu niig kõr hode ꞌthaa ꞌcĩ hatĩ hakuuni naana.

Maatteeo 25:19

“Ma baa uruta ꞌrĩng, ikia õbõda makayyioohiti cĩ olu nẽ ijin dticcianniook cĩgĩnnĩg ko ꞌgõõl ꞌcĩ baa adticaniini nẽẽg ꞌrabbẽẽt cĩgĩnnĩg.

Maatteeo 25:6

Ma baa ẽttẽẽdĩ baalini, ikia ẽggẽrẽny eet umwa ĩĩ, ‘Ikia nyattaraana! Iita ommottio hĩ ĩnõõnnõ!’

Maarko 13:31

Ammanyanni hatĩ hẽẽtkujjieen hĩ looc nẽ aalla hatĩ thõõth caannĩ ho ooo.

Dtiicanĩ cĩg ꞌThooyyiahu 1:7

Baa ẽdẽcĩ Yeesu ĩhõõggõ anneek, “Hõllõngaa ĩĩn thõõth ꞌcĩ occa agayyu niig ꞌthaa hode nyĩlõhĩ cĩgĩnnĩg cieeni. Baaba dioo ꞌcĩ aga ꞌtirriaanaa cĩnnĩ.

2 Pẽẽtũrũ 3:10

Anĩhaakeet hatĩ kõrra cĩ Makayyiookto hĩ igorriaahiti. Aꞌnginoothi hatĩ hẽtkujjieen moloohaa cobbi nẽ hatĩ õbõ ꞌgwaa loonyin vẽlẽk. Nẽẽthĩ hatĩ ũtũũthĩ lõõcĩ hĩ hẽlẽggĩ vẽlẽk ꞌcĩg aattĩg loota.

Terethiinit 1:1

Thõõth ꞌcĩ aduhaak Nyekuci Yeesu Krĩstõ, hátĩ huduhaak dticcianniook cĩgĩnnĩg thooꞌthiok ꞌcĩg occa au hĩdĩĩkoothong. Nĩngĩtĩ ĩꞌthõõanĩ Krĩstõ aajĩlõ cĩnnĩ hikia huduhaak nyeemuut dticciannioohit cĩnnĩ Yõaannẽ.

Terethiinit 3:3

Ummuhuttooth thooꞌthiok baag allimanoothikuung ngagiit nẽ uꞌthuuttu jurrung. Ũtũbũrĩt thooꞌthiok ꞌcĩg abathĩ. Má attumaniinnu, hanĩhaakuung hatĩ naa hĩ igorriaahiti kõrraa ꞌcĩ hõllõngaa agayyu niiga.