Maarko 13:26 - ꞌBuuk cĩ Thõõth cĩ Nyekuci

²⁶ “Ma kõr tĩho, edeenyothi hatĩ eeta Ngeertĩ Eeto ngaatĩ alluuccianĩ diiꞌthiohĩtõõ makaaꞌthĩtaa cobbi hĩ bulẽẽtta.

Maarko 13:26 ပူးပေါင်းရင်းမြစ်များ

Maatteeo 16:17

Ẽdẽcĩ Yeesu ĩnõõnnõ anneek, “ꞌThimõõnẽ ngeertĩ Yõõna, aggatannii nganiit Nyekuci! Hõllõngaa ammũda nii thõõth icci ẽmmẽn. Eterꞌtheeki nganiit Baaba caannĩ ꞌcĩ aaĩ hẽẽtahujjieen.

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maatteeo 16:28

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ngaati, ꞌcĩg hatĩ hõllõngaa adaahĩ nga hĩcĩnĩt Ngeertĩ Eeto, ngaatĩ alluuccianĩ habuccieetaa cĩnnĩ.”

Maatteeo 24:30

“Ma urutaa cĩnnĩ vẽlẽk, edeeꞌnyia hatĩ terethiiniti hẽẽtahujjieen, ꞌcĩ akuuni Ngeertĩ Eeto, hutullẽẽcõ loonyini vẽlẽk cĩg lootu. Edeenyothi hatĩ nẽẽg Ngeertĩ Eeto ngaatĩ alluuccianĩ diiꞌthiohĩĩ cĩg hẽẽtkujjieen, makaaꞌthĩta hĩ bulẽẽttaa cobbi.

Maatteeo 25:31

“Nẽ kõr ꞌcĩ hatĩ akuuni Ngeertĩ Eeto bulẽẽttaa cĩnnĩ hĩ aajĩlẽẽt cĩgĩnnĩg vẽlẽk, iccioloongan hatĩ nẽẽ dtaabawaa cobbi bulẽẽttaa cĩ hẽẽtkujjieen.

Maarko 14:62

Ẽdẽcĩ Yeesu anneek, “Eei, acinnu hatĩ niig Ngeertĩ Eeto ngaatĩ iccioloonganĩ attiaa cobbi ĩĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maarko 8:38

Má aꞌngaaõn ẽẽtĩ umwaa, hĩnĩngĩtĩ nganĩĩt hĩ ꞌlimman caannĩ waathinnioohĩĩ cĩg eet cĩg attihi eeta ngaaĩ cĩg eetuk hĩ waathinnioohĩ ꞌcĩg ĩĩnnĩ eeta ꞌthẽccanniook ko, aꞌngaaõn hatĩ Ngeertĩ Eeto buúk, hĩnĩngĩtĩ eet tĩho, hatĩ õbõda nẽẽ bulẽẽttaa cĩ Maacõnĩ, hatĩ ookorria hĩ aajĩlẽẽt ꞌcĩg ẽllẽẽmĩthĩ.”

Maarko 9:1

Baa aduhaak Yeesu nuyyiook cĩgĩnnĩg hĩ lothippit anneek, “Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ꞌcĩg hatĩ hõllõngaa adaahĩ nga hĩcĩnĩt habuccieet cĩ Nyekuci ngaatĩ akuuni ꞌtirriaana.”

ꞌLuuka 21:27

Ma kõr tĩho, edeenyothi hatĩ eeta Ngeertĩ Eeto ngaatĩ alluuccianĩ diiꞌthiohĩĩ cĩg hẽẽtkujjieen, makaaꞌthĩta hĩ bulẽẽttaa cobbi.

Dtiicanĩ cĩg ꞌThooyyiahu 1:11

Ma nĩngaata ijinit ꞌthooyyiak ĩĩttĩk, “Niig eeta cĩg ꞌGalileea, abillu nĩnga nẽ ĩcĩttoothu hẽẽtkujjieen inni? Yeesu ꞌcĩ acinnu niig odongi õkõ hẽẽtahujjieen ko, õbõda hatĩ ꞌgõõlaa nĩĩcĩ dioo ĩĩcĩ acinnu ꞌyioko niig odongiini õkõõĩ hẽẽtahujjieen ko.”

1 Tẽꞌthaloonika 4:16

Alluuccia hatĩ Makayyioohiti hẽẽtahujjieen ẽggẽrꞌnya moloohaa cobbi nẽ ẽggẽrꞌnya mõlõõhĩ cĩ habu cĩ aajĩleetu, hĩ molook cĩ tũũrĩ ꞌcĩ avvẽẽnĩ Nyekuci. Ma nĩngaata, arũgna hatĩ eeta baag adaahĩ lemiittaa cĩ Krĩstõ, ĩĩcĩ oou.

2 Pẽẽtũrũ 1:16

Baa hõllõngaa haduhaakuung naag dtẽẽllẽn ꞌcĩg haddangaanna thõng korrioohĩĩ baag haduhaakuung makaaꞌthĩt hĩ bõdaanĩt cĩ Makayyioohit cĩnaac Yeesu Krĩstõ nẽ ngagĩĩt ꞌcĩg hĩĩgĩnna hẽbẽrĩ cĩg makaaꞌthĩt cĩnnĩ ho.

Terethiinit 1:7

Ĩcĩnĩt da ꞌyioko! Õõkõra nẽẽ hĩ diith hẽẽtahujjieen, acĩn hatĩ eeta vẽlẽk ĩnõõnnõ, nẽ ꞌthẽk adtuuha hatĩ eeta baag acuhan ĩnõõnnõ buúk. Alu hatĩ eeta vẽlẽk loota nĩnga ĩnõõnnõ. Dĩdĩ, aaĩ hatĩ thõõth cieeni! Aamẽn.