Maarko 13:11 - ꞌBuuk cĩ Thõõth cĩ Nyekuci

¹¹ Ma aggamtuung eeta nẽ oottuung lokihooa, ma hommothiinnu thõõth ꞌcĩ occa hatĩ õõ aduhaannu hatĩ õdõlan kõrra tĩho. Udukta nẽẽ niig thõõth ꞌcĩ occa aduhaannu kõr tĩho, hĩnĩngĩtĩ hõllõngaa hatĩ ngagiit ꞌcĩg aduhaannu thõõth tĩho ho, Lori ꞌcĩ Ẽllẽẽmĩth ꞌcĩ hatĩ othooꞌthuung ngagiit ko.

Maarko 13:11 ပူးပေါင်းရင်းမြစ်များ

Maatteeo 10:17

Uꞌthuutti eleeti cugguung, hĩnĩngĩtĩ aggammuung hatĩ eeta nẽ oottuung lokihẽẽtĩ nẽ uuktuung ꞌCieethinii cĩg Laiittak.

Maarko 13:12

“Nẽ kõr tĩho, õhõppõõcan hatĩ ꞌgotonnia ꞌgõtõnĩ huruhi nẽ õhõppõõcanit maajihi loholeenu lõhõlĩ cĩggĩĩng buúk hurukti. Nẽ tarĩ õhõppõõcan hatĩ lohollia buúk maajihi hurukti.

Maarko 13:9

“Ma iꞌthiattaaĩ ẽdẽẽnyta thooꞌthioha cieegi, uꞌthuutti eleeti cugguung, hĩnĩngĩtĩ aggamiinnu hatĩ niig nẽ oottu lokihooa, nẽ ommokteeu ꞌCieethinii cĩg Laiittak. Aꞌngĩdeennu hatĩ õõt ĩbĩlĩt muumtinii cĩg makayyioohu hĩ ĩĩcĩg habueetu, hátĩ udukta lemiinit ꞌcĩ ẽlẽmmaangu niig nganĩĩt ko.

ꞌLuuka 21:12

“Nẽẽthĩ, õõa ꞌcĩ nga hẽdẽẽnytaĩ hẽlẽggĩ cieegi, aggammuung hatĩ nẽẽg ngagiit nẽ õhõggõõrattuunga. Ooyyuung hatĩ lokihẽẽtĩ ꞌCieethinii cĩg Laiittak nẽ aarrihuung baabuuthnyanĩ nẽ aꞌnyaktaauung hẽbẽrẽẽnnĩĩ cĩg habueetu hĩ ꞌgaala ꞌcĩg obbitig, hĩnĩngĩtĩ ꞌthaar cĩgannĩg.

Yõaannẽ 3:27

Ẽdẽcĩ Yõaannẽ ĩhõõggõ anneek, “Aitiõõ ẽẽtĩ ꞌcĩ occa ammũda ꞌgiimwa, hatĩ nga hẽlẽmaahĩ Nyekuci ĩnõõnnõ hũũk hẽẽtahujjieen.

Dtiicanĩ cĩg ꞌThooyyiahu 2:4

Ma nĩngaata, ikia Lorii ꞌcĩ Ẽllẽẽmĩth hĩ ĩhõõggõ vẽlẽk, nĩngĩtĩ õthõõthĩ nẽẽg thooꞌthiohĩ cũũmõ cũũmõ, hĩcĩ aaꞌnyĩk Lorii ꞌcĩ Ẽllẽmĩth ĩhõõggõ.

Dtiicanĩ cĩg ꞌThooyyiahu 3:13

Nyekuc cĩ Abũrahamĩ hĩ cĩ Iꞌthaako hĩ cĩ Yakobo, Nyekuc cĩ hĩbaangĩ cĩggaac ꞌcĩ aggatan dticciannioohit cĩnnĩ Yeesu baa õhõppõõcannu niig huruhi. Baa aburru niig Yeesu hẽbẽrẽẽnnĩĩ cĩg Pĩlaatõ, tananga baa adiim alahaneek Pĩlaatõ ĩnõõnnõ hũũk.

Dtiicanĩ cĩg ꞌThooyyiahu 4:31

Ma baa alayyio lemmiooha ẽlẽk, ikia õtõmõ nĩngĩtĩ alaiini nẽẽg ko. Ma nĩngaata, ikia Lorii ꞌcĩ Ẽllẽẽmĩth hĩ ĩhõõggõ, nĩngĩtĩ arrĩcanaanĩ nẽẽg ngaatĩ irriõõnĩ nyeemuut cĩ Nyekuci ꞌtirriaana.

Dtiicanĩ cĩg ꞌThooyyiahu 6:10

Nẽẽthĩ, baa hõllõngaa ũũlũ nẽẽg Tẽẽvẽnõ ꞌcĩ baa õthõõth ꞌtirriaana hĩ ꞌgẽẽnyĩthaa ꞌcĩ aaꞌnyĩk Lorii ꞌcĩ Ẽllẽẽmĩth ĩnõõnnõ.

Dtiicanĩ cĩg ꞌThooyyiahu 6:15

Nĩngĩtĩ akannĩ lothippiti ꞌcĩ baa aaĩ lokihooa Tẽẽvẽnõ hẽbẽrĩ nẽ udtuukta ngaatĩ aayyi muum cĩnnĩ hĩcĩ aajĩlõ.

Dtiicanĩ cĩg ꞌThooyyiahu 7:55

Nẽẽthĩ hinnia, baa aaĩ Lorii ꞌcĩ Ẽllẽẽmĩth hĩ Tẽẽvẽnõ, nĩngĩtĩ acĩnõõꞌthĩ hẽẽtkujjieen hudtuuha bulẽẽnĩt cĩ Nyekuci nẽ ĩcĩnõõthĩ Yeesu ngaatĩ abĩllĩ attiaa cobbi ĩĩcĩ Nyekuci.

1 Korinthia 2:13

Thõõth ꞌcĩ hõthõõꞌtha naag ko cieeni, hõllõngaa hõthõõꞌtha ꞌgẽẽnyĩthaa cĩ allimaneekeet eet umwaanĩ, nẽẽthĩ, hõthõõꞌtha ꞌgẽẽnyĩthaa cĩ allimaneekeet Lorii, ꞌlimmaanaa cĩ ẽtẽrꞌtha thooꞌthiok ꞌcĩg ĩĩn dĩdĩ cĩg Loriiak.

Eevvetho 3:5

Baa nga haga eet umwaa thõõth icci ammiꞌthi ho, ĩꞌthõng hikia huduhaak Lorii cĩ Nyekuci ꞌthooyyiak hĩ põrõvẽtaaꞌnya cĩgĩnnĩg ꞌcĩg ẽllẽẽmĩthĩ.

ꞌJeemith 1:5

Má adiim eet umwaa hõrggẽẽnaa cunuung ꞌgẽẽnyĩth, aꞌnyĩĩk hala Nyekuc ꞌcĩ aaꞌnyĩk eet vẽlẽk ꞌgẽẽnyĩth ꞌthĩnĩtaa ꞌcĩ alalĩ nẽ hõllõngaa eggerꞌnyeek eet umwa, nẽẽthĩ hatĩ aaꞌnyĩhoothĩk ĩnõõnnõ.

1 Pẽẽtũrũ 1:12

Baa adukiaak ĩhõõggõ aĩ, adticanoothikuung ngagiita, hõllõngaa adticanoothĩk eleeti cĩggĩĩng ẽmmẽn. Nẽ ꞌyioko, irrioonikuung ngagiit eeta ꞌcĩg allimannuung ꞌtirriaanaa cĩ Lori ꞌcĩ Ẽllẽẽmĩth, baa ĩꞌthooyyia hẽẽtahujjieen. Nẽ baa ĩĩn nyeemuut cĩnĩĩng ko, cunuung diooni, tananga baa adiim aajĩlẽẽta aga nyeemuut tĩho.