Maarko 13:10 - ꞌBuuk cĩ Thõõth cĩ Nyekuci

¹⁰ Nẽẽthĩ, ma nga hẽdẽẽnyta thooꞌthioha cieegi, illimatteek nõõ nyeemuut ꞌcĩ abũnnaa loonyin vẽlẽk.

Maarko 13:10 ပူးပေါင်းရင်းမြစ်များ

Maatteeo 12:41

Kõr ꞌcĩ decciaanĩt cĩ lootu, abĩlĩ hatĩ eeta cĩg Nineve nẽ etteeddihuung ngagiit thõõth. Hĩnĩngĩtĩ baa ẽlẽmĩ nẽẽg thõõth cĩ Nyekuci baa ũũnnĩk nẽẽg ꞌthẽccanẽẽt cĩggĩĩng ꞌrioonaa cĩ põrõvẽtaac Yõõna, nẽẽthĩ ꞌyioko, aaĩ ẽẽtĩ umwaa ꞌcĩ ĩllõõan Yõõna ngaati.

Maatteeo 24:14

Nẽ irrioonni hatĩ nyeemuut ꞌcĩ abũnnaa cĩ habuccieet cĩ Nyekuci loonyini vẽlẽk, hátĩ hĩthĩhĩt eeta vẽlẽk, nẽẽthĩ hatĩ ikia decciaanĩtĩ cĩ lootu.”

Maarko 16:15

Ma ho, ĩĩnnĩk Yeesu ĩhõõggõ, “Õõt illimanit eet nyeemuut ꞌcĩ abũnnaa loonyini vẽlẽk.

ꞌRooma 1:8

Ĩĩcĩ oou, hala naa Nyekuc ꞌthaarĩĩ cĩg Yeesu Krĩstõ, hĩnĩngĩtĩ ngagiit vẽlẽk. Hadĩmani naa hoti, hĩnĩngĩtĩ athithan eeta loonyini vẽlẽk lemiinit cunuung.

ꞌRooma 10:18

Nẽẽthĩ ꞌyioko, haini naa, nga baa hĩthĩhĩt eeta cĩg Ĩꞌthĩraẽlĩ? Aitiõõ ũdũt, ĩthĩhĩta! Aduha ꞌBuuhi cĩ Nyekuci aĩ, “Baa udukia nyeemuut loonyini vẽlẽk loota nĩnga. Baa irriõõnĩ looc vẽlẽk.”

ꞌRooma 15:19

Nẽ dĩdĩ, haduha naa ꞌgõõl ꞌcĩ baa adticanĩ Krĩstõ thooꞌthiok ꞌcĩg ĩnaat eeta, ꞌtirriaanaa cĩ Lori ꞌcĩ Ẽllẽẽmĩthĩ. Baa hirrioona naa nyeemuut cĩnnĩ ꞌcĩ abũnnaa, iꞌthianaanĩ ꞌJeruꞌthalẽma ĩꞌthõng hõdõlan looc cĩ Illiriko.

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

Kolooꞌthe 1:6

ĩꞌthanothoothĩk nyeemuut ciee loonyin vẽlẽk ꞌgõõlaa ꞌcĩ abũnnaa gẽrrẽẽt. Nẽ ikia ĩtĩlĩth ꞌgõõla hõdẽẽthõng hõrggẽẽnaa cunuung, nganĩngĩtĩ kõr baa athiknu niig thõõth ꞌcĩ ĩĩn dĩdĩ cĩ tarbalꞌthẽẽt cĩ Nyekuci, thooꞌthiohĩ vẽlẽk ĩcĩg ĩĩn dĩdĩ.

Terethiinit 14:6

Ma ho, hudtuuha aajĩlõ umwa ꞌcĩ alilliaan hẽẽtahujjieen, aꞌnyaha nyeemuut ꞌcĩ abũnnaa ꞌcĩ aalla ũdũt cĩ Nyekuci, ꞌcĩ aku aduhaak loonyin hĩ habuccieeꞌnya hĩ hattũũgẽt vẽlẽk ꞌcĩg õthõõth thooꞌthiohĩ cũũmõ cũũmõ loota nĩnga.