Maarko 12:7 - ꞌBuuk cĩ Thõõth cĩ Nyekuci

⁷ “Au hinnia õthõõth bekiooha niccieeg aĩ, ‘Loholeec aattĩ cĩnnĩ dẽẽdẽ niccieeni, hiita huruhit ĩnõõnnõ, hátĩ hirigithit mana cĩnĩĩng ko hĩĩ cĩnaac.’

Maarko 12:7 ပူးပေါင်းရင်းမြစ်များ

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

ꞌThianaattõ 37:20

Ma hĩdĩĩkoothong, othoothito ĩĩtõ, “Hiita huruhit nẽ hudhukteek ꞌwooratõõ, nẽ hõõt huduktaak eet õlõ hĩĩttĩk, adak ꞌgii cĩ moru. Nẽ da hatĩ hĩcĩnĩt ꞌgii ꞌcĩ attihaakeet honoothiniti cĩnnĩ ho.”

Maatteeo 2:16

Ma baa ammũda Ẽrõõdẽ ngaatĩ ĩggõõlĩ ꞌgeeꞌnyiaha ĩnõõnnõ thõng ko, ikia ĩlĩĩlĩ gẽrrẽẽt, nĩngĩtĩ aduhaakĩ athegereeꞌnya cĩgĩnnĩg huruhit lõhõlĩ ꞌcĩg hidicig ꞌcĩg maacĩg, ꞌcĩg aattĩg Bẽtẽlẽma hĩ ꞌcĩg õbõhõõ nĩngaata vẽlẽk, ꞌcĩg ĩĩn irkiꞌnyia cĩggĩĩng ꞌramma hĩ ꞌcĩg nga ĩĩn ĩdõlẽẽt vẽlẽk. Baa adticaniini nẽẽ thõõth baa aduhaak ĩnõõnnõ ꞌgeeꞌnyiaha.

Maatteeo 21:34

“Ma baa ikia kõrra cĩ janiitto, ũũk ĩꞌthõõa nẽẽ dticcianniook cĩgĩnnĩg hõõt hĩ dticcianniook baag ũũnnĩkĩ nẽẽ mana cĩnnĩ cĩ viinoo, hõõt haꞌnyaktaak ĩnõõnnõ viino ꞌcĩ ibbiira.

Maarko 12:12

Ma nĩngaata, iita idiimito makayyiooha cĩg ꞌJudeei ꞌgõõl ꞌcĩ aggamĩ Yeesu, hĩnĩngĩtĩ baa aga nẽẽg ngaatĩ awantẽẽkĩ nẽẽ ĩhõõggõ thõõth. Nẽẽthĩ, baa hinnia iꞌngolli nẽẽg lothippit cĩ eetu, nĩngĩtĩ ũũnnĩkĩ ĩnõõnnõ nẽ ammanyattĩ õõta.

Maarko 12:6

“Baa nga aꞌnyak baattĩ manu ngeerĩnĩ hõdẽẽthõng ꞌcĩ ammĩnan nẽẽ gẽrrẽẽt. Ma baa urutaa cĩ thooꞌthiok iccig vẽlẽk, ikia aattĩ ĩꞌthõ nẽẽ ngeerĩnĩ dẽẽdẽ. Baa ammuk hinnia nẽẽ aĩ, ‘Õõ hatĩ iꞌngolli nẽẽg loholeec caannĩ.’

Maarko 12:8

Ma nĩngaata, iita aggamit nẽẽg ngeertĩ baattĩ manu nẽ uruhit ĩnõõnnõ nẽ udhukteek ẽlẽ cĩnnĩ ho tẽrẽtẽraa cĩ mana cĩ viinoo.”

Dtiicanĩ cĩg ꞌThooyyiahu 2:23

Baa aga Nyekuci muhẽẽnĩt ꞌcĩ aaꞌnyuung ngagiit Yeesu. Nẽ tarĩ, au hinnia aaꞌnyiku niig ꞌthẽccanniook hõtõddõõcõ ĩnõõnnõ hurucceea.

Dtiicanĩ cĩg ꞌThooyyiahu 5:28

“Baa haduhaakuung naag ngagiit hanneekuung ma hallimannu eet ꞌthaarĩĩ cĩg Yeesu. Ĩcĩnĩt thĩ dako thõõth ꞌcĩ adticannu niig ko! Allimannu eet ꞌJeruꞌthalẽm hũtũrũũr nẽ aanyteetu ngagĩĩt heteheellia daahĩth cĩ Yeesu.”

Dtiicanĩ cĩg ꞌThooyyiahu 7:52

Aaĩ nooyyia baa põrõvẽtaacĩ umwaa ꞌcĩ nga huruhit hĩbaangĩ cugguung? Ucuddia nõõ nẽẽg põrõvẽtaaꞌnya baag aduha thõõth ꞌcĩ akuuni Ẽẽtĩ cĩ Abũnnaa. Nẽ ꞌyioko õhõppõõcattu niig ĩnõõnnõ nĩngĩtĩ aruku.

Ebereei 1:2

Nẽ ꞌyioko waathinnioohĩĩ ꞌcĩg adtuurna ho, ikia othoothĩheet Nyekuci ngagĩĩt ꞌthaarĩĩ cĩg Ngeerĩnĩ baa ẽhẽnytaanĩ nẽẽ looc, baa ẽbẽra Nyekuci ĩnõõnnõ hikia hirigith hẽlẽggĩ vẽlẽk baag ẽhẽnyta nẽẽnĩ.