Maarko 12:6 - ꞌBuuk cĩ Thõõth cĩ Nyekuci

⁶ “Baa nga aꞌnyak baattĩ manu ngeerĩnĩ hõdẽẽthõng ꞌcĩ ammĩnan nẽẽ gẽrrẽẽt. Ma baa urutaa cĩ thooꞌthiok iccig vẽlẽk, ikia aattĩ ĩꞌthõ nẽẽ ngeerĩnĩ dẽẽdẽ. Baa ammuk hinnia nẽẽ aĩ, ‘Õõ hatĩ iꞌngolli nẽẽg loholeec caannĩ.’

Maarko 12:6 ပူးပေါင်းရင်းမြစ်များ

ꞌThianaattõ 22:12

Ma nĩngaata, ĩĩnnĩk aajĩlõ ĩnõõnnõ, “Ma haruhi loholeec! Hagawa naa ngaatĩ iꞌngoliini nii Nyekuc dĩdĩ, hĩnĩngĩtĩ hõllõngaa ẽdẽnĩ nii ngeeruni ꞌcĩ odoyyii ho.”

ꞌThianaattõ 22:2

Ma ho, uduhaak Nyekuci Abũrahaamõ ĩĩnnĩk “Bĩtĩ ngeeruni Iꞌthaako, ꞌcĩ odoyyii, ꞌcĩ ammĩnani gẽrrẽẽt ko ngaatĩ haĩ Moria nẽ ĩbboorĩhaa nganĩĩt hĩĩ ꞌgaarrieenit ꞌcĩ ĩĩn ꞌbaaninit. Bĩĩt ꞌbõõr ĩnõõnnõ muuraa ꞌcĩ hatĩ hõkõ heterꞌtheekii naana.”

ꞌThianaattõ 37:3

Baa ammĩnan Ĩꞌthĩraẽlĩ ngeerĩnĩ Yothebo gẽrrẽẽt hĩllõõan lõhõlĩ cĩgĩnnĩg vẽlẽk, hĩnĩngĩtĩ baa arrittiaa Yothebo baa atahaany nẽẽnĩ. Baa aaꞌnyĩk nẽẽ Yothebo cẽrẽm ꞌcĩ ẽllẽẽmĩth gẽrrẽẽt.

ꞌThianaattõ 44:20

Hedecci tarĩ hanneeki, ‘Aaĩ umwaa ꞌcĩ hidici cĩ arrittiaa morwaꞌthẽẽtaa cĩ nyakangaanõ. Arũmĩ ꞌyioko nẽẽ hĩ nyakangaan õlõ.’ Haduhaaki tarĩ hanneeki, ‘Baa aggamaeet ꞌgõtõnĩ cobbi lõõcĩ nẽ ĩĩ ĩnõõnnõ dioo ꞌcĩ õdõĩ ꞌcieethaa cĩnĩĩng. Nyahaappan ꞌcĩ ammĩnan maaꞌnyia gẽrrẽẽt.’

Maatteeo 1:23

“Ũũkca hatĩ bũhẽẽcĩ ꞌcĩ nga hatagguutho hĩ eet, loholeec ꞌcĩ maacĩ nẽ hatĩ hĩĩtõ ꞌthaar cĩgĩnnĩg Emmanuele,” Nĩngĩtĩ aĩ, “Aaĩ Nyekuci hĩ ngagĩĩta.”

Maatteeo 11:27

“Baa aaꞌnya nganĩĩt Baaba hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga nẽ aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo ꞌcĩ aga, hĩ eet baag ẽbẽra Ngeerĩnĩ, hátĩ hagaacõ nẽẽg buúk ĩnõõnnõ.

Maatteeo 17:5

Ma baa nga õthõõth nẽẽnĩ, ikia ũmmũt ĩhõõggõ diith umwaa ꞌcĩ õõppẽr nẽ õthõõtha mõlõõhĩ umwaa diithatõõ ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ. Ĩthĩhĩt ĩnõõnnõ!”

Maatteeo 26:63

Baa aalla Yeesu ĩjjaaki kim. Nĩngĩtĩ annẽẽkĩ paadĩrĩ cobbi ho ĩnõõnnõ, “Hajinnii naa nganiit ꞌthaarĩĩ cĩg Makayyioohit Nyekuc ꞌcĩ aalla arũgĩ ũdũt hanneekii, duhaaheet da hatĩ ĩĩnĩ nii Krĩstõ Ngeertĩ Nyekuci dĩdĩ.”

Maatteeo 3:17

Ma ho, õthõõtha mõlõõhĩ umwaa hẽẽtahujjieen ĩĩ, “Loholeec caannĩ ciee ꞌcĩ hamĩna, haccamanaa naa ĩnõõnnõ gẽrrẽẽt.”

Maarko 1:11

Ma ho, õthõõth mõlõõhĩ umwaa ꞌcĩ aku hẽẽtahujjieen ĩĩ, “Ĩĩnĩ nii Loholeec caannĩ ꞌcĩ hammĩnannii gẽrrẽẽt ũdũt nẽ haccamanoothihi naa, hĩnĩngĩtĩ nganiita.”

Maarko 12:5

Baa aalla ĩꞌthõ baattĩ manu dticciannioohit umwa tarĩ noho, õõ hinnia aruk ĩnõõnnõ hadaak. Nẽ aalla aku ĩꞌthõ baattĩ manu dticcianniook ũgĩ ꞌgõõlaa nĩĩcĩ dioo noho, õõ hinnia uuk ũgĩ nẽ uruhit ũgĩ thõng.

Maarko 12:7

“Au hinnia õthõõth bekiooha niccieeg aĩ, ‘Loholeec aattĩ cĩnnĩ dẽẽdẽ niccieeni, hiita huruhit ĩnõõnnõ, hátĩ hirigithit mana cĩnĩĩng ko hĩĩ cĩnaac.’

Maarko 9:7

Ma ho, uppwaanna diith ꞌcĩ aku ammũlũũnyan ĩhõõggõ nẽ ĩthĩhĩt molook umwa diithatõõ ꞌcĩ õthõõth aĩ, “Loholeec caannĩ ꞌcĩ hamĩna cieeni, ĩthĩhĩt ĩnõõnnõ!”

ꞌLuuka 3:22

nẽ ulluuccia Lorii ꞌcĩ Ẽllẽẽmĩth ꞌcĩ aaĩ hĩ bõllõõĩ. Nĩngĩtĩ õthõõthanĩ mõlõõhĩ umwaa hẽẽtahujjieen aĩnnĩ, “Ĩĩnĩ nii Loholeec caannĩ ꞌcĩ hamĩna. Haccamanannii maaꞌnyu gẽrrẽẽt.”

ꞌLuuka 9:35

Ma ho, õthõõtha mõlõõhĩ umwaa diithatõõ ĩĩ, “Loholeec caannĩ ꞌcĩ hẽbẽra cieeni, ĩthĩhĩt ĩnõõnnõ.”

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 1:18

Nga hĩcĩn eet umwaa Nyekuc, Ngeerĩnĩ ꞌcĩ odoyyii dioo, ꞌcĩ ĩĩn Nyekuc dĩdĩ nẽ õbõhõõ hĩ Maaꞌnyĩ ꞌcĩ etereꞌtheet ngagĩĩt hagaac Nyekuc.

Yõaannẽ 1:34

Hĩcĩna ĩnõõnnõ dĩdĩ nẽ hagawa ngaatĩ ĩĩnnĩ nẽẽ Ngeertĩ Nyekuci.”

Yõaannẽ 1:49

Nĩngĩtĩ õthõõthĩ Nathaniele aĩnnĩ, “ꞌLimmannioohit! Ĩĩnĩ nii Ngeertĩ Nyekuci, habu cĩ Ĩꞌthĩraẽlĩ!”

Yõaannẽ 3:35

“Ammĩnan Maaꞌnyia Ngeerĩnĩ nẽ aaꞌnyĩk ĩnõõnnõ ꞌgii vẽlẽk.

Yõaannẽ 5:23

hátĩ hitingolli eeta vẽlẽk Ngeerĩnĩ, hĩcĩ iꞌngolli nẽẽg Maaꞌnyĩ. Nẽẽthĩ, ẽẽtĩ ꞌcĩ hõllõngaa iꞌngolli Ngeertĩ Nyekuci, hõllõngaa iꞌngolli Maaꞌnyĩ baa ĩꞌthõõa Ngeerĩnĩ.

Ebereei 1:6

Ma baa ĩꞌthõõa Nyekuci Ngeerĩnĩ ꞌcĩ odoyyii hikia loota nĩnga, ikia õthõõth Nyekuci ĩĩ, “Aꞌnyĩĩk aajĩlẽẽt cĩgannĩg vẽlẽk hakattieek Loholeec caannĩ huruꞌnyia nẽ ubuluthit ĩnõõnnõ.”

1 Yõaannẽ 4:9

ꞌGõõl ꞌcĩ baa eterꞌtheekeet Nyekuci mĩnnan cĩnnĩ cieeni, kõr baa ĩꞌthõõanĩ Ngeerĩnĩ ꞌcĩ odoyyii, hikia haaꞌnyeet rũgẽt.

3 Yõaannẽ 1:1

Waraga ꞌcĩ heheedi naa Yõaannẽ makayyioohiti cĩ lothippit cĩ lemmioohu cieeni. Heheedihi waraga ꞌgõõna ꞌGaio eet ꞌcĩ hammĩnani gẽrrẽẽt thõõthaa ꞌcĩ ĩĩn dĩdĩ.