Maarko 12:36 - ꞌBuuk cĩ Thõõth cĩ Nyekuci

³⁶ Baa aduhaak Lorii ꞌcĩ Ẽllẽẽmĩth Daavide thõõth anneek, “ ‘Aduhaak Makayyioohiti Makayyioohit caannĩ anneek, “ꞌCioloongan ngaati attiaa caannĩ cobbi ĩꞌthõng huruk mĩrõk cugunnig.” ’

Maarko 12:36 ပူးပေါင်းရင်းမြစ်များ

Maatteeo 5:35

Nẽ tarĩ ma hainnu, ‘Bũtĩ hĩ lõõcĩ,’ hĩnĩngĩtĩ ĩĩn lõõcĩ dtaaba ꞌcĩ ataadĩkĩ Nyekuci ꞌthoo. Ma tarĩ hainnu, ‘Bũtĩ hĩ ꞌJeruꞌthalẽmĩ,’ hĩnĩngĩtĩ ĩĩn ꞌJeruꞌthalẽmĩ ꞌtaaũn cĩ habu cobbi gẽrrẽẽt ũdũt.

Dtiicanĩ cĩg ꞌThooyyiahu 1:16

nẽ õthõõth ĩĩ, “ꞌGotoonoga hĩ ngoonoga, ikia thõõth baa eheeddi ꞌBuuhaa cĩ Nyekuci edeeꞌnyia ꞌgõõlẽẽ baa aduha Lorii ꞌcĩ Ẽllẽẽmĩth baarkit ũtũũgaa cĩ Daavide, thõõth baa ẽtẽrꞌthẽẽkĩ ꞌJuuda Ithkarioote eet haggamit Yeesu.

Dtiicanĩ cĩg ꞌThooyyiahu 28:25

Nĩngĩtĩ au ẽppẽhanõõnĩ nẽẽg ẽmmẽn, heꞌngerrio hĩꞌthaattĩ urutaa ꞌcĩ ẽdẽcaahĩ Paaulo thõõth ꞌcĩ adtuurna ꞌcĩ aĩ, “Baa õthõõth Lorii ꞌcĩ Ẽllẽẽmĩth thõõth ꞌcĩ ĩĩn dĩdĩ, baa aduhaak hĩbaangĩ cugguung ũtũũgaa cĩ põrõvẽtaac Iꞌthaia aĩnnĩ,

1 Korinthia 15:25

Hĩnĩngĩtĩ aggam hatĩ nẽẽ looc ĩꞌthõng haathĩk mĩrõk cĩgĩnnĩg vẽlẽk looc.

2 Timotteeo 3:16

Aku thõõth vẽlẽk ꞌcĩ eheeddi ꞌBuuhaa cĩ Nyekuci, hĩ Nyekuc ꞌcĩ abũnnaa ꞌcĩ eelleet hillimanit eet thõõth ꞌcĩ ĩĩn dĩdĩ nẽ eelleet heterethit eet ꞌgõõl ꞌcĩ abathĩ, hĩ ngaatĩ hallimanẽẽkĩ eet ꞌgõõl ꞌcĩ aattiyyi ꞌlimmaanaa ꞌcĩ abũnnaa.

Ebereei 1:13

Baa nga hĩĩnnĩk Nyekuci aajĩlõ umwa, “Au attiaa caannĩ ĩcobbi ĩꞌthõng hĩllõõan naa mĩrõk cugunnig.”

Ebereei 4:7

Nẽẽthĩ tarĩ, aarĩk Nyekuci kõr umwa ꞌcĩ hadukni nĩngĩtĩ ꞌyiomman cĩnnĩ nẽ ĩĩn kõrra niccia, “Kõr nicci.” Baa aduha Nyekuci thõõth icci ũtũũgaa cĩ Daavide uruta ꞌrĩng, hĩ baa adukiaa thooꞌthiohĩĩ ꞌcĩg oou aĩ, “Má athiknu molook cĩ Nyekuci kõr nicci, ma haburru.”

1 Pẽẽtũrũ 1:11

Baa aaĩ Lorii cĩ Krĩstõ eleetinii cĩggĩĩng, ꞌcĩ baa aduhaak ĩhõõggõ ꞌgõõl ꞌcĩ hatĩ accananiini Krĩstõ nẽ aaꞌnyĩhoothĩk bulẽẽnĩtĩ cobbiẽẽnĩ. Nẽ baa adiim nẽẽg aga eet occa hatĩ iina ꞌcĩ aku ĩĩn Krĩstõ ho nẽ aku occa hatĩ nẽẽ hatĩngaan.

2 Pẽẽtũrũ 1:21

Baa hõllõngaa addanga põrõvẽtaaꞌnya thooꞌthiok iccig ẽmmẽn, baa ẽtẽrẽth ĩhõõggõ Lorii ꞌcĩ Ẽllẽẽmĩth hĩ Nyekuc.