Maarko 12:29 - ꞌBuuk cĩ Thõõth cĩ Nyekuci

²⁹ Baa ẽdẽcĩ Yeesu ĩnõõnnõ anneek, “Tilooinit ꞌcĩ tiiri ꞌgoonoginni vẽlẽk cieeni, ‘Ĩthĩktõ niig eeta cĩg Ĩꞌthĩraẽlĩ! Ĩĩn Makayyioohiti cĩnaac Nyekuc hõdẽẽthõng diooni.

Maarko 12:29 ပူးပေါင်းရင်းမြစ်များ

Maatteeo 10:37

“Ẽẽtĩ ꞌcĩ ammĩnan maaꞌnyĩ hode aattĩnnĩ hĩllõõan ngaatĩ ammĩnanna nganĩĩta, hõllõngaa ĩĩn caannĩ. Nẽ ẽẽtĩ ꞌcĩ ammĩnan ngeerĩnĩ hode bũhaanyĩnĩ hĩllõõan ngaatĩ occa ammĩnanna nganĩĩta, hõllõngaa ĩĩn nẽẽ buúk eet caannĩ,

Maatteeo 23:9

Nẽ ma hauyyu eet umwa loota nĩnga hanneeku, ‘Nyakangaan,’ hĩnĩngĩtĩ Nyekuc dioo hẽẽtahujjieen ꞌcĩ ĩĩn Maaꞌnyu cĩ loriẽẽt cugguung.

ꞌLuuka 10:27

Ẽdẽcĩ ẽẽtĩ nicciee buúk aĩ, “ ‘Mĩnnan Nyekuc Makayyioohit cunni ꞌthĩnĩtaa cunni vẽlẽk, hĩ loriiaa cunni vẽlẽk hĩ ꞌtirriaanaa cunni vẽlẽk hĩ muhẽẽttaa cunni vẽlẽk.’ Nẽ ĩĩ, ‘Mĩnnan eet ꞌcĩ aaronnu haau hĩcĩ ammĩnani ẽlẽ cunni.’ ”

ꞌRooma 3:30

Hĩnĩngĩtĩ aaĩ Nyekuci hõdẽẽthõng diooni, ꞌcĩ hatĩ ẽlẽmĩ eet ꞌcĩg etteeddi eleeti cĩg eet ꞌcĩg maacĩg hĩ ꞌcĩg hõllõngaa etteeddi eleeti, lemiittaa nĩĩcĩ dioo noho.

1 Korinthia 8:4

Nẽẽthĩ hoti ho, thõõth cĩ hadahĩ ꞌgarriẽẽn ꞌcĩg aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya, haga naag haĩ ꞌgii ꞌcĩ aar eeta hĩĩ Nyekuc ho, ĩĩn ꞌgiimwa haaga looccaa nĩĩcĩ nẽ aaĩ Nyekuci hõdẽẽthõng diooni.

ꞌGalaaꞌthia 3:20

Nẽẽthĩ, hõllõngaa õthõõthĩ jayyiõõĩ eet hõdẽẽthõng diooni, ĩĩn nẽẽ eet ꞌcĩ õthõõthĩ eet ꞌramma. Nẽẽthĩ, aitiõõ Nyekuci hõllõngaa adiim jayyio.

1 Timotteeo 1:5

ꞌLimman eet haꞌnyahit mĩnnan ꞌthinneetini dĩdĩ nẽ aꞌnyahit ꞌthinneeti ꞌcĩg tẽllĩg hĩ lemiinit dĩdĩ.

1 Timotteeo 2:5

Hĩnĩngĩtĩ aaĩ Nyekuci hõdẽẽthõng diooni nẽ Yeesu Krĩstõ dioo ꞌcĩ ĩĩn jayyio ꞌcĩ aꞌnyaha eet hĩ Nyekuc.

ꞌJeemith 2:19

Elemmu niig ngaatĩ aayyi Nyekuci hõdẽẽthõng. Abũnnaa! Ẽlẽmĩ loriẽẽta ꞌcĩg abathĩ buúk thõõth icci nẽ aaꞌnyĩk ĩhõõggõ habarritit tẽẽlꞌthĩta.

ꞌJuud 1:25

Aꞌnyĩĩk bulẽẽnĩt vẽlẽk hũũk hĩ Nyekuc ꞌcĩ odoyyii, hĩnĩngĩtĩ Yeesu Krĩstõ Ellioohit Makayyioohit cĩnaac. Ĩĩn bulẽẽnĩtĩ vẽlẽk hĩ makaaꞌthĩt cĩgĩnnĩg, ngaanĩngĩtĩ baarkit hĩ ꞌyioko, hĩ irkiꞌnyia vẽlẽk! Aamẽn.